اللي تبي تزعج اخوهــا.. تتفضل عندي كورساات شييييي

السلام عليكم ورحمة الله وبركاته

عندي دروس خطيره لا تفوتكم يابنات..شوفوا الي مقهوره,والي تبي تنتقم, والي تبي ترفع ضغط اخوها..

تتبع هالخطوات والله ينصركم....

**عند التلفزيون**
لاصارت فيه مباره,والاخ متحمس اقطعي هالحماس وشلون...؟؟
انا اقولك..:

شوفي لاصار مبقق عويناته وماهو يم احد يعني لو تجيبين صاروخ تفجرينه قدامه مالتفت اعرفي انه منسجم..
هنا بس تقومين بشغلك..وتسوين نفسك سنعه.
روحي جيبي قطعة اقماش وبخاخ التنظيف ووقفي عند التلفزيون ومسحي الشاشه ولا تعطينه فرصه يشوف زين,
لاقال ابعدي قولي مني بفاضيه بنظف وامسح,بعدين روحي وجيبي المكنسه وكنسي المكان الي هو فيه
وحاولي من لحظه للحظه تكنسين قدام التلفزيون وغطي عليه..ولايهمك احد..
واذا قال:ابعدي لاصكك على وجهك بالكاس..قولي:معصي بيجون ضيوف..والعبي عليه حتى لو موجايكم احد..
والا سوي نفسك جالسه وتذكرتي ان الكيك بالفرن احترق..ناقزي لين توصلين للفيش وامعصيه برجولك ولاتلتفتين وراك..

**عند النوم**
لاصار التمساح يشخر نكدي عليه نومه..وشلون..؟؟دخلي عليه بزارينكم على بزارين جيرانكم..وصكي الباب عليهم وخليهم يلعبون بغرفته ويناقزون على راسه تخبرين اطفالنا احباب الله ..خخخخخخخخخخخخخخ
والا تعالي وهو في سابع نومه وارجفيه ذيك الرجفه الي يفز مايدري عن نفسه الا وهو جالس وبكل برود قوليه تقولك امي نبي نطلع..

**اذا المزج صفر**

اذا شفتيه ماله خلق وماهو رايق لاتخافين بالعكس هذي فرصتك..تنتقمين منه تحرشي فيه وخلي دمك
ثقيييييييييييييييييييييل بالمزح..
بس انتبهي بهالحظه وراقبي حركات يده لانه يمكن يصك اي شي قدامه بوجهك ولازم تصيرين مجهزه مفتاح الغرفه..ماتدرين السالفه ياغالب يا مغلوب هههههههههههههه
المهم اضحكي على شكله او على جلسته او على لبسه ..هو بيقول تراني مانيب رايق اذلفي عني..
انتي لا تسكتين قوليه:واذا ماذلفت بوجهي شنو بيصير..
عاد هو بيقوم يوريك شنو بيصير على سنع انتي بهالوقت اقضبي اول درجتين توصلك لغرفتك وطلي عليه من فوق
وقوليله:ههههاي اهم شي رفعت ضغطك وقومتك من جلستك<<<عادي عادي ولاصرتي بزر وشفيها
اهم شي تحقيق الغايه والي هي(تفجير الامبير) واهم شي بعد الاخلاق لاهنتي سحليتي ههههههههههههه

**وقت الطقاق** يعني وقت الضرب

لاجايوم وبراسك حرش وتبين تطاققين مع التمساح لازم تجهزين نفسك من كل ناحيه..:
1/البس لازم تلبسين ترنك خخخخخخخخخخخخ عشان يسهل الركض
2/الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولاخلصه تنزل منك...وياليت تكونين حاطه براسك ذاك اليوم حنا عشان ما يتجرأويلمس راسك<======== ابن امةيجيب مثل هالتفكير..
3/مفتاح الغرفه وليمه الاحتياط واجب
اذا بدت المعركه حطي راسك براسه ولاتبينن له انك خايفه وبققي عويناتك فيه وقوليه وش براسك..
عادهو بيقولك هذا الي براسي وطرااااااااااااااخ الا وهو مخمس مصفي طبلونه
لا تستسلمين وعطيه بكس على عيونه الثنتين على شان مايشوف الدرب وحطي رجلك وعلى طول غرفتك الي مجهزه مفتاحها من قبل واقفلي على نفسك ويادار مادخلك شر
بس نصيحه اقعدي يومين لايشوفك ولا تشوفينه لانه يبي ينتقم لكرامته ويبي يوريك نجوم القايله..

ههههههههههههه
حلوووووووووووه

هههههههههه


وربي يذبحك اخوك خخخخخخخ

والله بس لو يدرون اخوانكم ياااا ويلكم ويلاه.
هههههه


يسلمو يا عسل

فتآآآآآآآآآآآآآآآآآآآآآآآآآآه اسم الله عليك ,,,

ابدآع ,,, وكل الابداع تجمع هون ,,,,

وعلى فكره كل الحركآت مسويتها بآخوي الله يحفظه ’’’ بس عن جد ينرفزني ’’’

ههههههههههههههههههههههههههه

صراحه هذا اللي ينفع للاخوان
يسلمووووووووو الغاليه

مشكووووووووووووور ع تنويركم طيتي

لالا مو هاد يلي ينفع أنا أقول خلينا نلعب بتلفونه وقتها يتنرفز أكتر أو لما هو يطلب شي قوليلوا مو فاضيه عند ملابس بدها تطبيق
هههه بس يسلموا موضوع رائع