جيت ياصرف الزمـان

جيت ياصرف الزمـان معـوّد النـاس العنـاد
جيت ماتترك وليف (ن) مع وليف (ن) به يروق


جيت ماترحم مشاعر راعـي الـرأي السـداد
جيت واقف فوق راسه عن حبيبـه لـه تعـوق


جيت ماترضى التوافق جيت وجهك بـه سـواد
جيت تسحق كل عشق (ن)جيت ماتبي الشروق


جيت تبـي الكـون ظلمـا مـا بهالدنيـا وداد
جيت تجرح قلب عاشق تبْعـد الخـل الشفـوق


جيـت مـا تبـي التفاهـم ذا بــواد وذا بـــواد
جيت ماتمسح دموع (ن) بالمحاجر لـه بـروق


جيت ما عنـدك مروفـه والقسـا كلّـك وكـاد
جيت ياصرف الزمـان ونيّّتـك خسّـه وبـوق


جيت لا حيّا مجيّك ما تبـى الوضـع الركـاد
جيت بالفرقا تجـرّه تجْعلـه وسـط الخفـوق


جيت تطرد كل حلم (ن) ينتعـش فيـه الفـؤاد
جيت تلعن سلسفيل النبض في وسـط العـروق


جيت تسرق كل فرحه تمـلأ الجـوف بْنكـاد
جيت تشعل نار قسـوه مـن فعايلهـا حـروق


جيت تمسح كل بسمـه تكثـح بْوجهـه رمـاد
جيت تمرض كل صاحي تلوي ذراع الحقـوق


جيت تشطب كل حرف (ن) ينكتب عند السهـاد
جيت تبعد كل ذكـرى فيهـا للخاطـر عبـوق


جيت تكره نسمة (ن) بالصبح مـردوده زبـاد
جيت تقلع وردة (ن) للحب حمرا مـن عـروق


جيت تقطع كل وصال (ن) يسـرّه رب العبـاد
والدليـل اللّـي عملتـه وعلّمتنـا فيـه شـوق

ل علي حآمدد