كثيـر الـلـي تمنـانـي وطـلـب ودي ولاجيـتـه

كثيـر الـلـي تمنـانـي وطـلـب ودي ولاجيـتـه ....*
ازعلهـم وابكّيهـم واراضـي منـهـو اشقـانـي ....


انـا بانـدم علـى خـل ٍ رجانـي حــب وخليـتـه
....* ولا بانـدم علـى منهـو رجيتـه حـب وخلانـي ....


صحيح الوقت ياصـاح يبيّـن كـل مـا اخفيتـه ....*
وانـا كلـي غـلا اعطيـت وبالـجـرح تجـزانـي ....


انا من وقت ما شفته وعشقته حيل وحبيتـه ....*
فديتـه غالـي العمـر وملـك قلـبـي ووجـدانـي ....


عطيته وما حسبت حساب جروحه وتحاليته ....*
وقلـت الله علـى خـلـي هـديـة ربــي وجـانـي ....


مـا دام الغـدر إسلوبـك وحبـي لــك تناسيـتـه ....*
دخيلـك امسـح ارقـامـي واسـمـي وعنـوانـي ....


انـا مالـي بحـب أبـكـم جيـتـه وكــم ترجيـتـه ....*
طلبتـه يقـول احـبـك بــس ولكـنـه تناسـانـي ....


غريبـه دنيتـي والله غريـب الـحـزن عانيـتـه ....*
غريبـه حلمـي يتحطـم وعمـري كلـه اعانـي ....


انا الطيبه من عيوبـي وصدقـي طفـل ربيتـه ....*
وعلمته على الاخلاص لكل إنسـان ماشانـي ....


خسـاره مـا بـدر مـنـي لـكـل إنـسـان رديـتـه ....*
خسـاره ليتنـي فـكـرت قـبـل اخـتـار خـلانـي ....


أنا آسف..أنا آسف يـا اغلـى شخـص حبيتـه ....*
ابرحل واترك العالم واعيـش الفرحـه ثوانـي ....


ابرحل في سما عشق ٍ بكـل إحسـاس ناديتـه ....*
وابرحل عن عيون الناس وعن حب ٍ نساني....





هملتني / للحزن / والعبره / وليلي / الطيوف !!
وخليتني ما بين لوعات .. (الهموم الاربعه )




حزن ٍ / غدا طابع حياتي كل ما اغمض واشوف
مدري هو اللي كان يتبعني أو اني اتبعه !!



وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعه





وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. صعب اقنعه



وش باتعذر به!! وانا مابين هم .. وبين خوف
وشوق .. يغايض قلبي المجروح حتى ينزعه



لو انها بالزين .. كان الزين من غيرك الووف
المشكله .. ( حب العمى ) .. يا جعل ربي يقلعه



ان ابتعدت آموت هم .. وكل ما جي لك شغوف
كنك تعمد ( ضيقة الخاطر ) .. ولو فيها سعه !!



اواه يا قلب ٍ تركته لك !! على بيض الكفوف
واللي مهو يصدق !! على كفك يلاقي مصرعه



تشوفني وتصد مني.. لا !! ولا كنك تشوف !!
تقدر على وصلي واحسك قدك ناوي تقطعه



تقول صبرك !! والصبر ليته يبرد حر جوف
اسهر ليالي البعد .. لين الفجر .. يبلك مطلعه !!



(( غيابك القاسي .. وباقي لهفتي واقسى الظروف
ما غيرت قلب .. ما هو يبغي تكون .. إلا معه ))



إن كان ربي كاتبك لي .. فأنت لي .. رغم الانوف
واذا القدر ما عاد ردك .. يستحيل ان امنعه !!



انت .. ومشيت وما عرف وشهي نهاية ذاالظروف
وصوتك/ ما انا بداري .. هو ربي كاتب ٍ لي اسمعه



لا قدك ناوي ترحل وتقفي معا بيض القنوف !!
قلب ٍ خذيته من صدر راعيه .. تكفى رجعه !!

وش باتعذر به!! وانا مابين هم .. وبين خوف
وشوق .. يغايض قلبي المجروح حتى ينزعه


على الجرح .. مثل ما يقولوا ..

شكرا من الاعماااااااق

سلمت اناملك

دمتي بخير ~