هذا دمعي على فرقــــــــــاك....

هذا دمعي على فرقاكـ يـاخـلـّــي تقول بحـــــور
كمـا الطـوفـان بعيــوني وأخاف الدمــع يعميها


أخـاف إنـكـ تعـانـدنـي كأنكـ بالجفــا مســرور
أنا الفـرحـة تـرى غـابــت ولا أدري كـيف ألاقيهـا


أنا أحزانٍي تحـاصـرني أشــد من السجـن والســـور
أنا الآهات .. أنا الشكوى .. أنا الغربة بمعانيها


وإذا ذكـراي ما زالت أنا ممنون أنا مشكـــور
أعيــش أرجيــكـ أنـا أيـامـي ومـع أيامـي ليـاليهـــا


أنا أسـامــح أقــول آسف ترى منـكـ ماصار قصـور
أبــد مـاصـار لكـ قـسوة أبــد مهـو أنــت راعيهـا


ولـكـن الزمـن هــو والقــدر غصــب (ن) عليـنا يدور
كثير النـاس تشكـي من عـنــا الدنيــا وبلاويـــــــها


وخـــلــتــني أزيد الكسر أنا للخـاطـــرالمكســـور
وأقول أنســـى ولا تذكــــــــر هذيكـ اللي تغليها


لجل إني صرت بـأحـزاني غريــق ودايــم (ن) مغــمور
ولا ودي مـعــاي تغــرق وأحــزانــي تحس فيها


ألا يـا كــم على صدركـ بكيت بـدمعـة المقهـور
ولــكن تطـفي الــدمـعـة وشموع الأُنــس تضـويهـا


ويا كم لكـ شكيت الظلم والحـرمـان هــو والجـــور
وبكلمة من حنانكـ كـل أوجـــاعــي تداويهــا


لأن الحب صــادق يا حبيبي مـاغشــاه الزور
تفضل وردة المشتـــــاق لعيونكـ أنا أهــديها


وخـطـاة الـورد يفضـح ما كتمـه العاشق المبهور
فـتــح قلبـه وأسرار الهــوى مـا عـاد يخفيها


أنا ما أدري دلع وإلا عناد أو بالشعور اغــــرور
طبوع النفس ما أدري مع غرامكـ ويـش أسـميها


أنا لو مـرني بعدكـ دهور (ن) وأعقبتها دهور
أنا العشرة معاكـ ماني بــرغـم الـدهـر ناسيها


وترى الحب الــذي طـّول أصيل بخاطـري ما يبور
ولـكن كـان لــكـ بالحــب غـيـري فـهاتني فيهـا


أبــزفكـ معــاها وأشعــل الأنــوار بالديجـور
وابنـظـم لكـ قصيـدتهـــا وألحنها وأغنيها


وأرش الورد والـكادي وبـمــلا جوكم بعطـور
وأحــط بكفـهـا كـفي وأباركـ لــه وأهنيها


وأوصيها تـــرى ( ... ) قــلبي المبتـــــور
ولو عشرته ترجع لي لأغالي به وأشــريــها


يا قلبي خاف في قلبي ترى قلبي معاكـ مأســور
وخــاف الله نهــايــاتي حــرام إنــكـ تســويهـــا


أنـا أشكي غربتي وسـنيـن لاهي أيام ولاهي شهور
وأشكي مـن جــروحٍ طــول أيــامـي أعـانـيهـــــا


وما ألومكـ أنا بالحـيل ماقـصـّـرت يا دكـتور
تخـفف عـلــتي وأتــابــع الوصــفة وأماشيهــا


وإذا في يــوم طيفي مـر يا أغلـى حـب بعض امـرور
أبيكـ تقول ......... عـسى ربي يشافيها

يسلمووو يالغلا ,,

قصيده حلوووه تشكر عليها أخوي ,,

<<اسير الشوقـ..>>