نبضات رهين الشوق

طاهر : مشيت في ارض عريضه = عينت لي ناس حضيضه
لا شك انا روحي مريضه = والحل عندك يا ابو عادل
ابو عادل : وش السبب من شان افيدك = يا بو علي وانا عضيدك
لا تهتوي من لا يريدك = تصغر بعينه وانت كامل
طاهر : مشيت ما بينت لناس = حلفت لا ما نزل الراس
ارسل علي قال اقطع اليأس = خلك تعرف من تزاعل
ابو عادل : المسأله فيها تحدي = يهددك والحل عندي
لا تفتكر يا ذخر جدي = منت بحب البيض جاهل
طاهر : ابسمعك واخذ بشورك = واقدرك واشكر شعورك
لو في غيابك او حضورك = واعمل معي بكل الوسايل
ابو عادل : خلك معي وابشر بسعدك = ما دمت وافي عند وعدك
واعلم ترى منت بوحدك = اللي تعاني بالمشاكل
طاهر : عزي لمنهو يسهر الليل = ومن العنا ما عاد به حيل
دمعه تحدر كنه السيل = اخاف من هرج العواذل
ابو عادل : بالك تصدق كل هراج = يسببولك ضيق واحراج
مافي حكاهم غير الازعاج = ويكبروا بعض المسايل
طاهر : ان جاك ظني يابن عمي = لا بد يعود الزين يمي
يجلي احزاني وهمي = واهي تجي منها رسايل
ابو عادل : الله يعيده لك على خير = وترجعلك الدنيا تباشير
من شان لا يشمت بك الغير = تعمل فرح فوق المنازل
طاهر : لعمل فرح واعزم عزايم = ونبلي الفرحه علايم
والعود يصحي كل نايم = والهم ما يطري على البال
ابو عادل : واحنا نشارك بالتهاني = واعزف معك بعض الاغاني
ليلة فرح والعود فاني = والكل بالالحان شايل
طاهر : صبرت ما بينت لناس = حلفت لا ما نزل الرأس
ارسل علي قال اقطع اليأس = خلك تعرف من تزاعل
طاهر : عزي لمنهو يسهـر الليـل = ومن العنا ما عاد به حيل
دمعه تحدر كنه السيل = اخاف من هرج العواذل



كلمات شاعر الجزيره : علي القحطاني
غناء : الفنان طاهر بن علي الاحسائي و الفنان أبو عادل الاحسائي
آهداء الى اسير الأحزان