موسوعة عبارات خاصة بالتصميم اهداء لمنتدى رهين

.:.:.:.:.:.:.:.



من عادتي لا عكّر الوقت جوّي
أخفي دموعي عن نظر كل غالي

ما ابدي تناهيدي ولو شبّ ضوّي
وأدفن همومي بين فكري وبالي

وش عاد لو بركان حزني يدوّي
وإلاّ يهد بداخلي كل عـــــــالي

الله بلاني ب(العقل)و ش أسوّي؟
دربي يميل ولا يميل اعتدالي

حيّرت في ممشاي حيلة عدوّي
لين اقتنع في طيبتي وانثنا لي

هذا وانا في سكّة الحب توّي
بأوّل خطاوى رحلتي وارتحالي

من عافته عيني ..هفا من علوّي
ومن حبّته نفسي ..سكن بالعلالي



أبي أرحل عن الدنيا وأنا ساكت
لأنه حزني ألغاني وأشواقي بعد ماتت
لأنه مابقى فيني سوى جرحي
شويه من الألم مدفون في صرحي
أبي أرحل عن الدنيا

أودع ناس .....

وتبكي ناس .....

وذيك عيون بعض الناس ماتبكي
ألم بيني وبين نفسي
يقولي عطني آمالك وخذ يآسي
وأسوي من بقايا الحزن في ليلك قصايد تصبح وتمسي
وودعهم بعد هالناس

تراهم مايحبونك
ترى ماعاد يبغونك
لأنك تختلف عنهم

لأنك تنظر لأبعد من حدود النظر والشوف
وأقول أحسن

أودع ناس ....




الا ياخوي لاتسأل.. عن اللي حطم أحلامي
عن الدمعة
عن النظرة الحزينه
والعنا والآآآآآه
عن البسمة أو الإحساس..
أو الشقا اللي فأيامي
ترا في دمعتي قصة
وأنافي قصتي مأساة
أشوف الظلم بعيوني ..
يعذب قلبي الظامي
أشوف الكره معميهم وكلن ملتهي بدنياه
أشوف الكل هاجرني ويقرب لحظة إعدامي
أنا والله لي قلبٍ حنانه هو سبب بلواه



تبي تشوف الضياع بصورته؟؟
شـــفـــنــــــي!!!
شف يا " عيوني "
عيوني تعرف أوضاعي
من دون داعي تعانق دمعتي جفني!!
وشلون لا صار يوم وداعكـ الداعي؟؟
الجرح يعطش وأنا الأوجاع تنزفني
تزرعني الريح بـ أنفاسكـ و تقطفني
وأروح معها مثل ما روّح شراعي
هذي " ذراعي " إذا حبيت تخطفني
تحضن ذراعي أو إنك تلوي ذراعي
كل ما تجيبه سماكـ تعيش به قاعي
وإن ضاقت الأرض تحتكـ هذي أضلاعي ..
أجهلكـ وأعرف كثر ما أجهلكـ تعرفني!!
الحزن طبعي و أشوفه أجمل اطباعي..



لاتسألوني عن سبب كتم الآحزان
بس اسألوني عن غيابي وحضوري
لاتسألوني عن سبب دمع الآعيان
بس أسألوني عن دواعي سروري
لاتسألوني عن تصاريف الأزمــان
ترديدها يرهب ويرعب شعـــــوري
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري



تعبت ليما قلت بس حالي تردى وانتكس
حسوا بي الناس البعيد وأنتَ ولا راضي تحس
يعني عشاني مشتريك كذا تجازي اللي يبيك
المفروض مابينت لك إني بصدق أموووووت فيك
المفروض كنت أتجاهلك ولا أقول أحتاج لك
وإن قلت أقول بكل غرور أنا اللي بس أستاهلك





كلما جيت ابضحك .. استحيت وبكيت
وكلما جيت إبنهض .. اتعثر وأطيح
وكلما جيت ابرقد.. طال ليلي وسريت
وكلما جيت ابسكت قام جرحي يصيح
وكلما اقول هانت استرحت ونسيت
ارجع اقول.. مايحس.. بالحياه الذبيح
لودريت بطريقي ..اه.. لونـــي دريـت
ما مشيته سليم .. وجيت منه..جريح




الجسد موجود والروح رحلت
والزمن غدار لكني صبور
عيني اللي من عنا الوقت ادمعت
حزنها ياناس شيد له جسور
وحدي بدنيا بها روحي طلعت
فاقد الاحساس ماعندي شعور
الهوى مابيه انا روحي شبعت
وش يفيد الجبس لو كلي كسور



أنا عايش مع همي وهمي صعب تفسيرة
حياتي بالالم تبدا وهذا اول المشوار
أنا صورة من الماضي وأنا حاضر بلا ديرة
وانا طيف مضي وقته وأصبح للزمن تذكار
وأنا جرح صعب يبري وكسر صعب تجبيره
وجودي والالم واحد بدنيا كلها أسرار
وأنا وردة بدت تذبل وضعها كيف تصويره
تخيلها سحابة صيف بخيلة حتى بالامطار



تدري وش آخر
ما كتبت البارحة...
كتبت دنيا رايحه...!!
يعني
ولا تسوى تعبها وهمها؟..
من ضمها خاسر وخاسر..
ومن تركها في
ضلوعه سارحة..
دنيا تصدمك بالبشر..
دنيا على كبر الأماني
والوهم..
دااايم تضيق وجارحة!





عرفت الناس والدنيا وطريقي
!وعرفت إن الهوى كذب وأماني
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوى غيري غريقِ
!!!تنكر من هواي ومن حناني






هذا أنت
كل ما ضاقت بي الدنيا تغيب ...
وكل ما ضاقت بك الدنيا تجيني !!
هذا أنت
إن كساك الهم صرت أوفى حبيب
وان نساك الهم تتباهى بـ أنيني
مثل ماأنت .. دايم تجي فـ وقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. إلا أنت
وأنت تتمادى بعذابي

وتزيد جراحي...

وكل ماضاقت بي الدنيــا..

تغيــــــــــبــ..!




يهمك تعرف أوضاعي؟
أنا مستانس وطيب
أنا مثل البحر تدري..
!يثور وتركد أمواجه

أبد لا يزعجك حزن بعيني!
هذا هو طبعي
!أحب الحزن وأحتاجه
وغلاتك يكفي بس تسأل
عن أوضاعي
وأرد طيب

مع أني صدق بغيابك
لا طيب ولا حـــاجه!!؟



ولا تبخلوآ علينا بردودكم