هاض الخفـوق وداعـب الفكـر شلـة/تطرب هوى المحزون بـوزان زريـاب

هاض الخفـوق وداعـب الفكـر شلـة
تطرب هوى المحزون بـوزان زريـاب

وسويت انـا مـن صافـي البـن دلـه
تقعـد تفاكيـر اللـي للكيـف شـراب

من حر وجداني ومـن صافـي العلـة
في ليلة (ن) نور القمر واضح(ن)ماغاب

اشرفـت راس النابيـة فـوق زلــة
اطرق معاليق الخفـى والهـوى هـاب

قلبي طحيـن القمـح فـي قـاع سلـة
يلعب به المعصيـر مـع كـل مـزراب

ياراكب(ن) من فوق حر(ن) عسيف اله
واليا انتوى مع خايع(ن) منظره خـلاب

لـون الوبـر بالبعـد يعطيـك ظـلـه
احمـر جمـال اللـون بالحيـل جـذاب

خطو الولد فوقـه يرخـي لـه ويتلـه
لولا الرسن يلعب مع طيـور السحـاب

غصبـاً عليـه ولـو جفـل مايـدلـه
يركض على صفح(ن)من الجمر لهـاب

ياصـل نوايـا هقوتـه مـن محـلـه
وقت الهدد محصور.. مير افتحوا الباب

وعند الزحام اللي على البعـد يفطنلـه
زوداً على المنظار يشرف على المرقاب

ياراكبـه اعـرد عـن الـخـط كـلـه
وخلـك علـى ماقيـل جالـب وجـلاب

مرسول حب(ن) بيـن عاشـق وخلـه
ابطت طواري ذكرهـم والحيـا غـاب

اوقـف علـى بابـه وبالحـال قـلـه
جتكم طواريش الغلا والهـوى غـلاب

وجدي على اللي ينثـر الشـال ويحلـه
حبه طمس عقلـي وجودنـي بلـولاب

ياصاحبـي خـل اللـي بالقلـب خلـه
لاتفتح اللـي سكـروا دونهـا حجـاب

مجنـون ليلـى بالبـطـى ماحصـلـه
بين العرب ياكـود مجنـون ومنصـاب

عل الكريم اللـي علـى العـرش علـه
يروي ضمى قلب(ن) من الوجد معطاب

للشاعر طير المنايا