بيت من الطين ( الحزء الأول )

السلام عليكم

صباااحكم - مساااائكم بكل خير

يسعدني ان اقدم لكم قصتي الأولى هنا باسم (بيت من الطين )

بسم الله نبدا القصه





بيت من الطين ( الحزء الأول )

هذي القصه الثانيه والتي كتبتها بفضل الله ثم تشجيعكم

في احد لقرى القريبه من المدينة تدور احداث هذي القصه
في بيت من الطين يتكون من غرفتين ومطبخ وحوش كبير كانت ام سالم قايمه من قبل الفجر بقليل واخذت عجين مخمرته من البارح حتى تعمل خبز على الصاج لزوجها واولادها وجمعت الحطب التي توقد به النار لعمل الخبز وبينما الصاج يحمي على النار قامت وايقضت اولادها للصلاه ويتجهزو للمداسهم التي ليست بعيده من قريتهم ايقضت اولادها ورجعت الى النار التي اوقدت وعليها الصاج لعمل الخبز وهي كذالك اذابصوت ينادها يام سالم صحيتي الاولاد للصلاه وهي منهمكه في عمل الخبز قالت ايه يابوسالم وكعادة الرجال قديما هم من يعملون القهوه في المكان المخصص للرجال (المقلط او المشب )
بيت ام سالم يتكون من ابو سالم وام سالم وحصة وريم وسالم والجدوالجده
.
وبينما ام سالم منهمكه في عمل الخبزوحصه ابنتها
قالت حصة :وين ملابس المدرسه يمه
قالت ام سالم : في الكبت
قالت حصة :ابوي شرى لي اللي طلبته الابله مني البارح
قالت ام سالم : وتحصلينه عندك في غرفتك وبينما حصه تكلم امها اذ بصوت ريم يمااااه
قالت ريم : يامه وين اللي طلبته البارحه منك
قالت ام سالم :يابنتي مامدانا انجيبه يابنتي اليوم ان شاء الله نحيبه صحات ريم باعلى صوتها
وقالت بطريقه استهزاء (الله طلبات حصووه تنفذونهاوطلبتي محد ايجيبها قاطعها ابوها افا ليه تقولين هذا الكلام كلكم سوى يابنبتي مابينكم فرق بس الوقت كان ضيق ولا فيه وقت لكن ابشري مثل ماقالت امك اليوم بنجيب طلباتك قالت ريم هين بنشوف !!!
ام سالم :يابنات قوموا اخوكم من النوم علشان يصلي ويلحق على الفطور ابشري سالم ..سالم قم للصلاة والمدرسه .
سالم عمره 8سنوات واخته حصه عمرها 15سنه وريم عمرها 10سنوات قام سالم من نومه وهو اف اف اف كل يوم مدرسه ضحكت اخته وهي تصحيه من النوم وتقول له ايه كل يوم مدرسه اجتمعت العائله على الفطوروهذا لابد منه كل يوم ذهب الاولاد الى مدارسهم وجلست ام سالم وابو سالم يتقهون بعد مارحوا العيال لمدارسهم يضحكون على تصرفات عيالهم وتاففهم وتثاقلهم في قومه الصباح
قال ابوسالم :وين امي وابوي ( الشيبان)
قالت ام سالم :شيبانك في غرفتهم تعرف الشيبان يحبون يغطون في النوم شوي قام ابو سالم يتفقد شيبانه وفتح عليهم باب بشوي شوي وهو فاتح الباب فتح ابوه عيونه وابوسالم يفتح الباب شوي شوي
قال الجد : ترى حن صاحين ياولدي قبل يد وراس اابوه وهو على فراشه وقبل يد وراس امه وهي على فراشه وقالهم الفطور جاهز اجيبه لكم هنا
قالت الجده : ايه ياولدي نادى ابو سالم ام سالم جيبي فطور الشيبان عندهم جات ام سالم وهي شاليه صينيه كبيره فيها الفطور من خبز الصاج اللي سويته مع الحليب والقهوه والتمر اخذت تصب على الشيبان وهي تضحك وتسولف معهم قام ابوسالم واستأذن من شيبانه وزوجتة وقال بروح الحق على شغلي قبل لاتاخر عليهم وكان ابوسالم يشتغل سائق سياره كبيره في احدى الشركات واحيانا" يسوق بمدير الشركه عندما يغيب سواقه الخاص وكذالك يسوق بالمهندسين الاجانب لمعرفتة بالغه الانجليزيه الشئ البسيط وكان رجل خفيف الظل الكل يحبه وذو اخلاق عاليه وملتزم بالوقت وعمله وفي هذا اليوم بالذات تاخر على غير العاده على عمله ولما دخل مع بوابة الشركه قاله حارس الامن يابو سالم المدير سأل عنك اكثر من عشر مرات قال المدير وصل وهو يضحك على حارس الامن وقال حارس الامن والله اني صادق ان المدير يسال عليك ارتاب ابوسالم وقال في نفسه عسى خير المدير مداوم من الصبح وصل الى مكتب المدير وجلس عند السكرتير حتي يخبر المدير بوصوله قبل لايجلس ابو سالم قال له السكرتير المدير في انتظارك دخل ابو سالم على المدير واذا معه رجل ابيض البشره جسمه ليس بنحيف ولابملمتئ له شارب ولحيه خفيفه وكان في وجهه الابتسامه وهو ينظر الى ابو سالم
قال المدير :شنهو اللي اخرك يابوسالم
قال ابوسالم : انا تاخرت دقايق بسب الزحمه قاطعهم الرجل وقال حصل خير
فقال المدير :هذا جاسم صاحب الحلال وصاحب شركتنا طلب مني ترشيح احد السوقين اللي هنا يكون سواق معه طول اقامته عندنا فخترتك وبيض وجهناعنده
قال ابوسالم :ابشر
مسك المدير يد ابو سالم وقال له


تبغون تعرفون شنهو قال المدير لبوسالم وفي الجزءالثاني ان شاء الله
بقلمي

ابا صالح
بارك الله بك ننتظر
القادم عزيزي