امى تسلم عليكم وتقول عندكم .... طماط....!!

:



:

مراحب يآ احلى اعضاء,,

حين طرق باب بيتنا ... ليقول لى ولد الجيران

امى تسلم عليكم وتقول عندكم .... طماط....!!

ابتسمت من قلب ....

وقلت له عندنا ... ولو ماعندنا زرعنا لكم بحوش بيتنا

هلا بالجار الصغير ....

منذ متى لم يطرق بابكم احد الجيران لطلب

طماط او بصل او خبز ... !!!

ربما ياحلى اعضاء يقال اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران

فقدنا طعم الجيره ...

كان الجار يطلب من جاره بصل

وبعدها يرسل له قليل من الطبخه

عيش و ملح

الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماط

زمان لم تكن الحاله الاقتصاديه مثل الان

اليوم فواتير وديون واقساط واسعار مواد غذائيه عاليه

وعيب نطلب وندق باب الجيران...

زمان حياه بسيطه وقلوب ابسط ,,, وصغار الجيران

وجمله .... امى تسلم عليكم وتقول عندكم بصل

جميله العباره

بجمال البساطه

وجمال المحبه

وجمال روح الجيران الوحده

كنا بيت واحد

وطبخه وحده

اخبرتنى جدتى

ان الاسر قديما تشعر بمدى حاجه جارها

وترسل له من غير طلب

واذا راعى البيت قضى لبيته ماينسى جيرانه ...

واذا بقى شي من العشاء... يرسل للجيران( غرفه)

واليوم يزعل الجار من بقايا العشاء باعتبرها فضله....

ليست المساله بمجرد الطلب احلى اعضاء

وليست عباره امى تسلم عليكم وتقول عندكم طماط هى المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطمام وخبز الجيران

وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الايام ... رغم انى لم اعشها حقيقه

ولكن احيانا اتمنى عوده ايام ماضيه بزمن جميل

وجيران ترسل وتسال وتطلب

بدون قيود حياه ممله ورسميات قاتله

احضرت الطماط للولد الجيران .... ووصلت لنهايه كلامى

قول لماما امي تسلم عليكم وتقول .. اذا بغيتو شي لايردكم الا لسانكم

وخرج الصغير ولسان حالى يقول:

شكر لك عشت معك لحظات اصبحت مفقوده .... بزمن لم يعد الجار يعرف جاره

افتقدت روعه تلك الايام فهل افتقدتومهاا انتم ايضآ ,,

لــ روووحكم ورود الجوري

صدقت وقتنا هذا كثرت الرسميات كل شي صار فورمل بس إن شاء انو بعض الناس لازال فيهم الخير

كم كنتِ رائعه حقا يا غرور انثىـآ
الله يعطيك الصحة والعافية ..
والله صدقت
وصدق الشاعر فيصل اليامي..
ألا ليت الزمن يرجع ورى
وإلا اليالي تدور...
ويرجع وقتنا الأول وننعم في بساطتنا
زمان أول أحس إنه زمان
فيه صدق شعور
نحب ونخلص النيه وتجمعنا
محبتنا
زمن مافيه لاغيبه ولاحتى
كلام زور
ياليته بس لو يرجع ونسترجع طفولتنا
صغار وقلوبنا بيضا تعيش بعالم محصور
ولانعرف أبد أغراب ماغير عيال حارتنا
صحيح صغار في التفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنا
وعشان نأخر الحصه نخبي علبة الطبشور
نشاغب بس في الأخر تميزنا براعتنا
نحب الضحك والبهجة نحب ننط فوق الصور
نفرفش ليه مانفرفش مدام الضحك عادتنا
ولكن دارت الأيام وبان الخافي والمستور
وصار الهم متعلق على قمة سعادتنا
كبرنا وصارت الدنيا تصف احزاننا بالدور
وتهادينا الألم والهم غصب
عن عين رغبتنا
تعبنا من بلاوينا أحد ضايق
وأحد مقهور
وكلن غارق بهمه وبالآخر تشتتنا
وأنا ماقول غير إنه الاليت
الزمان يدور
ويرجع للورى فتره نعدل وضع عيشتنا..
ــــــــــــــــــــــــــــــــــــــــــــ
الآن كلاً لاهي في دنياهـ..
ما أدري إيش السبب..
تقبل مروري..

رهين الشوق

الله يعآفي قلبك

و جزيل الشكر لكــ ع التوآجد الع ـــطر

منور الموضوع ~

امي تسلم عليكم وتقول عادي ارد علىآ موضوعك ..



موضوعك حلوو.. وكلآم اروع ..واسلوب بسيط ودخل مخي المخملي هع



شوفي طآل عمرك ..مثل ماقال اخوي رهين الشوق فووق ماازيد علىآ كلامه شي كثير ..كآن الزمن والعهده على الراوي انه بسيط وكان الوضع فري بين الناس..لكن الحين الكل انشغل بدنياه والشخص مايبغى يبين حاجته للثاني حتى لوكان اللي يبيه بصل ..قل التواصل بين الناس وقلت الميانه بينهم وصارت الرسميات حواجز صعبه انه يجتازهآ الشخص بسهوله..مافيه ثقه بينهم حياه ماديه بحته ..ولو ماكانت حياه ماديه مآكآن فكر الشخص انه عيب اني اطلب من جاري ..زمان كان المال وسيله ..عشان كذا كان الناس يطلبون من بعض عادي لأنه مو شي مهم لذيك الدرجه والحين اختلف الوضع وصار غايه وصار الكل يبي يملك كل شي عشان الناس يحتاجونه ويحس انه انهز كبريائه يوم انه طلب ويحس انه تغير وضعه من شخص مالك لكل شي الى شخص محتاج ..حتى لو بصله ..



شكرآ خيتوو كل ابو دايم جيبي مواضيع كذا تونس


سي يو هني

كلمات لها وقع في نفس أي شخص يقرأبكل جوارحه
فعلاانعدمت الوسيله للتواصل حتى البسطاء اصبحو يخجلون من أن يقرعوبيبان جيرانهم
لخوفهم من ردة الفعل الغير متوقعه
سعدت بمروري واسعدني التمعن بهذه العبارات التي تحمل في طياتها الكثير الكثير
دمتي بود

أجمل الورود لِ روحِكْ البيضَاء

الــبــــــــنت التي فـــــــلــه

آسعدني مروركـِ الرآئع

لآعدمنآكـِ ~

هههههههههههههههههه
هههههههههههههههههه


أيه عندنا ردود


ذكرتيني في أيام زماااااان ... من جد كانت حياه بسيطه ...


يعطيكي ألف عافيه خيتوه

موضوووووع في غاية الروعه


يارب يسلم هالانامل

عآشقة الدموووع

تسلمين يالغلآ ع المرور

لآخلآ ولآعدم ~