تعبت

تعبت أكتب على أوراقك غرام وحضرتك تمحيه

تعبت أصبر وأنا أتأمل تحسين في يوم وش فيني

تعبت أضحك وجرح القلب تعبني ولا قدرت أخفيه

وأداري شلون يا قلبي وحزني واضح في عيني

تعبت أسقي ورود الغير ووردي ما عرفت أسقيه

أطاوع قلبي المجنون وأجني الهم بيديني

تعبت أشكي تعبت أبكي وجرح القلب كيف أطويه

وارجع وابتدي من أول وألملم باقي سنيني

تعبت أتامل وصالك ودربك من كثر ما امشيه

تعب من خطوتي ورجلي ترا ما عاد تقويني

تعبت وضاعت سنيني وعمري بأوله وتاليه

تعبت أذكرك كل لحظة وأدورك وانتي ناسيتني

تعبت أقبل عزا في خافقي يا صاحبي وارثيه

حرام اشلون كل ما احتجت لوجود تخليني

ابا ارحل واوعدك قلبي اقص في لهفته رجليه

وابي ترتاحين لا تسألين بغير كل عناويني

وراح أبعد لآخر الدنيا مكان مستحيل تجينه

وأبي تذكرين غرورك ليا وقف ما بينك وبيني

قصيده في غاية الذوق والجمال
لاهنت

طرح طيب


تسسسسلم. الا يادي

الذوق منبعك اخوي عاشق بلا هوية

تسلم العقيد كلك اناقة بطلتك