قلبتها لي فيزياء وانـا احسـب انـك سيبويـه

مستور المالكي مجنون هذا الشاعر يغرف الشعر من بحر لا ساحل له ، يقطف عبقه من زهرة اللوتس كلما ألتقيه أصر على أن يدوزن على هذه المعزوفة الراقية برقي مستور نفسه :

يقول هذا الرائع :

ماكان له داعي تجي باسلوب يحدث لي انفعال
أوعدك انا برحل وذاك الباب ما عاد اطرقه
من يوم انا في المهد ما قد قلت للمقفي تعال
حتى ولو بعده يوديني لحبل المشنقه
على الحرام ان جيت بعد اليوم واعطيتك مجال
هذا الشنب ماهو على رجال وان جيت احلقه

هنا أترككم مع نص يعتمد فيه مستور لغة الحوار والتي كثيرا ما طغت على نصوصه

جت ثايرة متوترة قلـت الحلـو زعـلان ليـه
الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه
قالت بكيفـي والسبـب ماهـو بـلازم تعرفـه

شي ما يخصك سيبني في حالي الحزن اشتهيـه
احد اشتكى لك؟؟ يووووه يا بعض الخلايق ملقفه

قلت انت لو ما تشتكيـن الهـم قلبـي يشتكيـه
من يوم اشوف الحزن من تحت الرموش المورفه

وشلون ما تبغيني اسأل ليـش همـك تحمليـه
واناابتهاجاتـي عـلـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه
تأثير يتناسب تناسب طـردي ابنفـس الصفـه

لو اعـرف اللـي زعلـك والله للعـن والديـه
وإلا يجي لك يعتذر غصبـاً عـن اللـي خلفـه

قالت على بالك تتريق؟؟ يا برودك يييييييه ييـه
احر ما عندي هو ابرد شـي عنـدك والطفـه

قلبتها لي فيزياء وانـا احسـب انـك سيبويـه
اقول لك حـره وبرضـك ماتسيـب الفلسفـه

مدري انت تستغبي معي وإلا مسوي لي نبيـه؟
وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه
مبروم ما يفتل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه
من يوم آعرفك وانت ما تترك معـاي اللفلفـه

قلت اذكري الرحمن واعطيني سبب واحد وجيه
يعطيك حق انك تدينينـي لـو انـك منصفـه

قالت لي اسأل نفسك اش سويت بالحب النزيـه
منهو الذي مشغول جوالـه ودمـي استنزفـه؟

ثلاث ساعات اتصل مشغول يـا مستـور بيـه
مدري تفاوض بوش وإلا انهـا بدايـة معرفـه

طبعاً مطنشني وداخـل جـو لكـن وش عليـه
مانـي بزعلانـه علـى شانـك ولا متحسفـه

ليه الحسايـف دام قلبـك بـاع قلبـاً مشتريـه
إلا خساره فيـك دمعـاً فـي غيابـك بذرفـه

قامت وراحت واتركتني قلت معذاري اسمعيـه
زمت شفايفها ولفحـت شعرهـا فـي عجرفـه

لحقتها قلت افهمي الموضوع قالـت مـا ابيـه
قلت انت حره واتركتني آآآآآآه ياهـي مجحفـه

اسبوع يا ابراهيـم لا زادي ولا النـوم اهتنيـه
احب هالمجنونـه اللـي فـي عذابـي مسرفـه

من يوم راحت والسوالف كلهـا لهجـة سفيـه
وذكرياتـي لجـل يسكـت كلهـا تستحلـفـه

والوقت باسط كف قابض كف يفرك في يديـه
له عين يتشمت وانا اللي كنت بالضحـك اتلفـه

ان كان مر اسبوع ماجانـي اتصـالاً محتريـه
بطلبك يا ابراهيم خدمه كـان مـا فيـه اكلفـه

اطلع شهار وقول عندي شخص ربـي مبتليـه
واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه
تلقاني اتحـراك لابـس ثـوب نـوم ومنشفـه

قـصيـدة رائـعـة وجـميلـة ..

يعـطيـك العـافيـة ..

وبـارك الله فيـك ..

ننـتظر جـديدك بكـل شـوق ..

دمـت بخيـر ..

المشاركة الأصلية كتبت بواسطة رهين الشوق

قـصيـدة رائـعـة وجـميلـة ..

يعـطيـك العـافيـة ..

وبـارك الله فيـك ..

ننـتظر جـديدك بكـل شـوق ..

دمـت بخيـر ..

ودمت ايضاً في خير .. تعطرة الصفحة بمرورك العذب ..