مسجات للمبدع فهد المساعد

ما عرفت أرضيك يا عذب اللما
يوم تمدحني ويوم تسبني !
أنت .. يا اما حبني حب عما
ولا ريحني بلاش تحبني..!!

هذي بلادك / بس تكفى لا تخليها
يا من سكنت أقصى ضلوعي { لا تخليني }
الناس كلٍ له بلاد وعايشٍ فيها
وأنا الوحيد اللي بلادي { عايشه فيني }

كنا نقضّي ليلنا بالسواليف ..,,
وصرنا نراسل بعضنا مثل الأغراب .!

صباح العطر والورد الندي والحب والأشواق[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صباح عيونك اللي ما صحت من نومة البارح
عسى يومك سحابة خير / لا راعد ولا براق
تباشير الفرح فيها تهدّي بالك السارح !

ايه قلبك رغم جرحه واٍنزعاجه..
الزمن ماغيّر احساسه تجاهي
يكفي اٍنك ياضوى القلب وسراجه
كل حاجه فيك ظلت مثل ماهي[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الخجل في وجهك أول ماانتواجه ..
والبراءه في عيونك وأنت لاهي
وبسمتك لامن بغيت تقول حاجه
ونظرتك لامن لمحتك وأنت ساهي

قلت لك الله يهديك ..
قبل اتعلق فيك !
اٍن كان قلبك مايبيني
قد ماقلبي يبيك ..
لاتعودني عليك[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تـدرين لامنـّـك زعـلـتي وش يـصــير ؟
تدرين لامـن صـار خـاطرك مـكـسور ..
تكـّـدس أغصان الشجر بالـعـصــافــير
وكل ماذرفتي دمعه .. يموت عصفور

صوتك وحشني يا وطن .. وأحترت وين القاه فيـه؟!
وأمسيت اغني به .. وانا اللّي كنت اغنّي لـه معـاه !
وحشني صوتك يا وطن .. وأمسيت اغنّي : ليه؟..ليه؟
ليه الكلام اللي نقـول يمـوت فـي سكـة صـداه؟!

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

خذني فحضنك أبغفـى .. يـاه مبطـي ماغفيـت
وإن لمحت دموع عيني .. سـو نفسـك مالمحـت

يسعد صباحك ويسعد نظرة عيونك
ياكبر حظ الرساله يومها قبالك
تبغى تعرف اٍني أكثر من يحبونك
تشهد لي أول رساله وسط جوالك

استجبنا للفراق ولاتناسينا الموده
ليلة الفرقا تبادلنا الرسايل والهدايا
قال والله لأحتفظ في صورتك تحت المخده
قلت والله لأحتفظ في صورتك بين الحنايا

كم ترجيتك وحاولت وطلبتك
وقلت تكفى لاتعودني عليك
شوفني هالحين ذنبي في رقبتك
كل شي(ن) في صار يموت فيك

استغرب اني ماكرهتك لهالحين
واستغرب اني ماقطعت الرجا فيك
قد شفت لك قلب مثل هالمسيكين
خليته لحاله وعيا يخليك

ثمان أيام عدت في غيابك عن ثمان سنين
تخيل عاد لو صارت على قولك ثمان شهور؟

كني انا واياك عينين في راس
ياما تسامرنا وياما غفينا
لكن على قرب المشاعر والاحساس
بنموت وحنا مع بعض ماالتقينا
كل شي(ن) في حياتي له ضريبه
وكل حاجه لازم تكون بمقابل
وأنتي والله لو تكوني لي حبيبه
والثمن في نصف هذا العمر..قابل

شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لك شعـور تجهلينـه !
إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !![فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

روحي فداك وفداك الأمه اجمعها
الله يكرّم ملامح وجهك الباسم
من دون عرضك جيوش الغرب نردعها
اٍلا الرسول الأمين اٍلا ابا القاسم [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ياطير شف درفة الشباك مفتوحه
تركتها لك مثل ماكنت خابرها
لامن خذلك الزمان وكثرت جروحه
لاتسأل أول جروحه وشو آخرها
تعال شف صاحبك قافل على روحه
بيبان الايام..والدنيا مسكرها

غايب عمر واليوم راجع لي تقول أشتقت لك
والله وفيك الخير بس الشوق وينه وأنت وين
يومك تقول أشتقت لك كنك تقول أبقتلك
لك عين ترجع بعد هذا العمر..اصلاً أنت مين!؟

كل ما تطري علي فكرة هواك الأولاني
أشعر اني أنطعن مليون مره من يدينه
أشعر ان عيونك الله ما خلقها الا عشاني
كيف كانت تبتسم له ؟! قولي انك تخدعينه !!

من كثر ما أحب وأكره عنك وآصونك
أصبحت دفتر مشاعر , وانت مضموني
ان غبت عني شعرت بلذة طعونك
وان شفت زولك شعرت بقيمة عيوني

انت لا من غبت حتى مرايتك صارت حزينه

كيف ما تبغاني أحزن وانت لي حظ ونصيب!

يا صاحبي لا تجي وتقول لي قالوا
لو قلــت ما قلت غير الله يجازيهم
لا شفت بعض الأوادم للردى مالوا
نفضتهم من عيوني قبل أخليهم

صباح الخير والبال الطويل الهادي الرايق[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
صباح الشارع اللي تزهر وروده على شانك
من لسانك صباح النور تشرح خاطر الضايق
وش أحلى من صباح النور لا صارت من لسانك !

بصوته ، شقاوته ، مزحه ، طبعه الهادي

يملا علــي الفضــا .. من شرقــه لغربــه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

حبي لها لو أدري ان فيه مخلوق
قد حب مثله قلت : " يا للغرابة "
هالآدمي من وين له قلب وعروق !
والصبر هالمسكين من وين جابه ؟

إن كان هذا زعل علمها يالغالي
ماكان قصدي ورب البيت أزعلها
علمها ولي يخلي قلبك الخالي
عن ضيقتي وين وصلت من تجاهله ا

فوق سفح أو تحت سقف أو بين ناس أو خلف سور

انت قلي وين بس ألقاك فيه وما عليك

وأحلم بطفلٍ صغير ينام فـ أحضاني
لا رحت أعود وآنا مشتاق و أضمه
قطعة من البدر فيه الملح رباني
ويقول ميدي يبه ويقول لك يمه

بيني وبين النوم حرب وعداوه
اليوم ثالث يوم ما طب عيني
يا نوم تكفى مر جفني وخاوه
ياخي حرام اللي تسويه فيني

مثل ما أكره فكرة انه واحدٍ ياخذ مكاني

ما أقدر أجلس في مكان انسان كنتي تعشقينه

هذي اللي كنت أسمعها الجديد
من سنين الزهو وأيام البياض
قبل أعرف أهل الصحافة والقصيد
و قبل أعرف دروب خالين الوفاض
هذي هي الحب الأول والأكيد
ايه طبعاً ، في أجل غير الرياض

البنت هذي ضعت واحترت معها
تموت في شعري وآنا أموت فيها
لبى قساوتها ولبى دلعها
والله يسامحها ويرضى عليها

ان كنت ناوي تسافر لا تودعني

بس انتبه : لا تسافر قبل ما أشوفك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

.

.

وبس ..

●●●



رووووعه..!!



عوآآفي يارب..!!



وماننحرم منك..!!



وبانتظار جديدك ..!!



●●●

مشكور رهين ع المرور

ما عرفت أرضيك يا عذب اللما
يوم تمدحني ويوم تسبني !
أنت .. يا اما حبني حب عما
ولا ريحني بلاش تحبني..!!

تقبلي مروري المتواضع


لك ودي

مشكور اسير ع مرورك