حطبت الحُب ... وإنكسر لي فاس

تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !


تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!


عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !


أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!


مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !


أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!


قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!


أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !


حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!

روعه يالغلا

يسلموووووو

اسمح لي ابدي اعجابي بقلمك وتميزك واسلوبك الراقي وتالقك

متألقه كـ نجم ساطع في الأفُقْ~
لك كل الود

ريانه تروق لي اختياراتك

تملكين احساس رائع

كوني بخير

مشكوووووور والله يعطيك الف عافيه