الميت ابقى من ميت الروح

يا خوي حالي من عقبكم مجروح ضايق مهموم والزمن فاح واشكاله

أشكي لرب البيت وأبكي وأنوح هو عالم بالحال وشايف وش جراله

اصبحت من غربتي ذايع الروح ودمي يسيل ولا شفت منهو عناله

دمارالوضع وفيني الصوت مبحوح اناجي أحبابي والوقت شاب حاله

أحباب خيالهم دايم يجي ويروح خانو شبابي وشاب راسي يا خاله

امز القهر وأصيح بالحيل مجروح واقلب مواجع دفتر قضى فاله

شبهت قصتي بقصة جبل نوح والولد عاق وابوه مشغول باله

ماقواله وقلبه من معاليقه يفوح فوح بركان شال الثلج وزاله

دمر مداين من بيوت وصروح ولاشى بنهر نابع واحساس شاله

قلبي من بحر الهوى غدى مذبوح من حبيب صوب القلب بنزاله

يخون الود ويبيك تقول مسموح واليوم ابي انساه مالي وماله

وأسب أمثاله وأمدح كل ممدوح المديح يعجز ولا يطول من قاله

وانت ياللي ضحكتك تزرع طموح اشهد انك راعي وقفات وجماله

ما شفت مثلك وافي بدون مزوح معدنك طيب وأطيب من يناله

جعلك تدوم شامخ ولقياك مشفوح وجعل الغياب بوادي الموت جاله

لاجيت تبي تشكي احكيلي بضوح انا افهمك واعرفك دون المحاله

الميت ابقى من ميت الروح روح الجسد ماهي باطلال حاله

شكوى لله لاجيت وماودي ابوح بعض البشر يقصر مسمعه حباله

ياصاحبي احذراللي يجي ويروح من رفقته لابد تصبح يوم عاله

عليك باللي يرفع الراس مسفوح وان ماحصل ماهو ضروري تناله

طرح راقي وقصيده محزنه
لاشلت يمينك يالغلا

طرح موفق ابدعت يالغالي
الله لايهينك سلمت وسلم بوحك

تسلمون على مروركم الجميل والراقي

وليس بمستغرب منكم فأنتم أعضاء رائعون اشكركم مرة أخرى

ي الغلا نص راقي وطرح عذب وقصيده مؤثره وبوح فاق الخيال

لروحك ورده جوري

يسلمو يا الغالية هذا من ذوقك الراقي يا منبع الذووووووق وكله