من غلاك

من غلاك اعاتبك وازعل لعينك واتشره
ذاب في قلبي العتاب وفي هواك القلب ذايب
لو تعرف اللي لحقني من كلامك من مضره
كان ماجاك الصباح الا وراسك منه شايب
كان قصدك يوم قلت الهرج ذا تبريد حره
ما استحق القسوه اللي جاتني وانت السبايب
صار كل الكون ضدي ما صفى فلعمر مره
والزمن يجري ولا ادري وش معه لي من مصايب
حظي اللي كنت احسبه عاثر لله دره
يوم جابك قلت يا حظي كسبت أغلى الكسايب
التقيتك بلوداد وبلحنان وبلمسره
ما عطيت الود غيرك لا وداد ولا طلايب
ثم تعاهدنا على حب يدوم بمستقره
عامر لو حط فوق اللي رحل منا نصايب
يشهد اللي فات بعهود علينا مستمره
لو نقضت العهد ما ني بنت حلال النشايب

هاك قلبي قطعه ولا احرقه تله وجره
فدوة لك لو غدى قلبي من جروحك خرايب
انت لو مديت كاسك شاربه حلوه ومره
ضاريه بجور السنين وضاريه بحر اللهايب
والله انك في سماي اجمل من نجوم المجره
والله انك في هواي اعذب من انسام الهبايب

من غلاك اعاتبك وازعل لعينك واتشره
ذاب في قلبي العتاب وفي هواك القلب ذايب

م ن

طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لك..

روعه تسلم يمينك

منوره
مديره الله لابحرمنا هالطله

اختيار راقي وانيق