مشكلة لا صرت معجب وخجلان

مشكلة لا صرت معجب وخجلان خوف المصارح لا يجيب المطمه

اخاف اصارح بالغلا ذاك الانسان ثم ينقلب جو المصارح مذمه

ويا شينها لا صرت مغرم وزعلان محد يراضي قلبك ومحدٍ يمه

وان رحت محد قال وين يا فلان روحتك مع جيتك ما هي مهمه

ويا شينها لا صرت عايش بحرمان مثل اليتيم اللي فقد شوف امه

ماخوذ حقه وانظلم شوف الاعيان واللي ظلموه عيال لحمه ودمه

ويا شين صاحب دربك لا صار ثعبان لا هو تركك ولا نفث فيك سمه

كنا اخويا ونتسمى بالاخوان واليوم اسمه باخبث الناس سمه

ويا شينها لا صرت ناجح وندمان وصلت قمه وغيرك باعلى قمه

مثل الامام العالم بفقه الاديان يومه نجح والكل صارو امه

ويا شينها لا صرت تايه وحيران وسط الطريق وباقيٍ فيك همه

ودك تروح وباقي الدرب ما بان تخاف تمشي ثم تغشاك غمه



ويا شينها لا صرت مبلي ومنهان والعلم كله من اكاذيب نمه

ما فيه ضدك لا دليل ولا برهان ودخان نارك مستحيلٍ تشمه

ويا شينها لا صرت من روس الاعيان ثم تنقلب في نظرة الناس رمه

ويلاه ياوقتٍ نوالي بعصيان اثر الزمن يا ناس ما فيه ذمه

ويا شين طرد المقفي ولو كنت ولهان ياخذه شيطان الغرور ويخمه

يظن انك هايمٍ به وشفقان ما يدري انه لو فطس ما تهمه

وما اشين من معاشر قليلين الايمان درب الهدايه لا ابد ما تتمه

العلم سجن وصاحبك فيه سجان والعلم خال العز والجود عمه

ويا شينها اصلن ما بقى شئ ما شان هذي اليالي طبعها مدلهمه

الشين والله شين غالين الاثمان لا قام كلٍ رافعٍ فوق كمه

ويا زينها لا صرت لاهي وطربان وحبل القصايد يرتجيك وتـــــلمه

يـا لـيـل دانه ليل دانه لا لا دان ما فيه ثوبٍ يستر اطراف كمه

ماأجمل تلك المشاعر التي خطها لنا قلمكِ الجميل هنالقد كتبت وابدعت
كم كانت كلماتك رائعه في معانيها دائمآ في صعود للقمه

بارك الله في جهودك قصيده راقيه
لاخلا اخوي الصقر

تسلمين يا تمرد من ذووووووقك يا الغلا