اقول لبيه تقولي لبى قلبك

بسم الله الرحمن الرحيم

صبأأأح الخير والخيرات على قلوبكم

كيفكم انشاء الله اموركم تمام ...


** حـــــــــــــــــــــــــــلاوه الـــــــــــــــــــــــــــكلام **
.................................................. ........................
( 1)

في مره من المرات وحده من لبنات اسولف معها المهم انا عارفه طريقه اسلوبها وكلامه من زمان بس حسيت طريقه كلامها تغيرت لما احتكت مجموعه من البنات .. طبعا كلامها تغير لشيئ لافضل مو الاسوء

المهم البنت صارت تقول هلا حبيبتي ... بصراحه استغربت من كلامها مو لشيئ لا والله بس مو متعوده عليها هي بذات .. قلت لي ..فلانه .. قلت لها لبيـــــــــــــه .. قالتلي لبى قلبك .. انهبلت لما قالت لي كذا

قلت لها تعالي تعالي انتي يبيلك جلسه وش هالكلام الحلو مره اسلوبك متغير المهم جلست تضحك قلت لها الله يرحم زمان اول حتى( السلام عليكم) ماتقولينها ...

ردت علي وقالت ::
لاتلوميني احتكاكي بناس غيرني واحس اني الحمد الله تغيرت .. وبصراحه انا انبسطت لها
بس قالت لي تدرين وش المشكله ان اهلي مو متقبلين هالشيئ يقولون ياشين _ (المهايــــــط ) << رد ماله داعي

قلتلها لاتلومينهم مو متعودين بس انتي استمري وفعلا الا الان البنت مستمره وتحلف تقول حتى اخواني صارو ذوق معي ..

.................................................. .............................

(2)

اشوف كثير من الا اخوان لما تكلمه اخته بالتلفون تقول فلان وينك ؟؟
يقول: برا لبيت
تقول: طيب ياقلبي وانت راجع جيبلي معك ..كت كات << تحبه

(ياقلبي) هاذي .. تلاقونه مايقدر يرد عليها مو لشيئ بس الاحظ انه حياء زايد
برغم انه لو احد من برا يقوله هلا حبيب قلبي وينك << يعني وين المشكله لو قلتها لاختك ؟؟؟

.................................................. ......................................
(3)
واحد يقول لزوجته تكفين عند اهلي لاتقولين حبيبي
تساله ليش :
يقول عيب تقولينها عند خواتي ممكن يقولون ماتستحي تبي تورينا انها تحبه !!!<< استغفر الله بس

.................................................. .........................................


سؤالي للكل :


1/استخدام هالكلمات .. سم –لبيه – حياتي – غلاي -دنيتي – الله يخليك لي .........الخ وش رايكم باستخدامها وهل لها وقت معين ؟؟

2/ ليش بعض الاهل لما يسمعون هالكلام ممكن يكون ما عندهم رد فعل علشان يردون... بالعامي ( يستحون )؟؟


حبايبي :: لكم حريه الراي واضافه أي تعليق وياليت لو عندكم موقف يخص الموضوع تذكرونه .. واتمنى عند ذكر الموقف يعلقون عليه الاعضاء علشان نعرف وجهات النظر ..

1/استخدام هالكلمات .. سم –لبيه – حياتي – غلاي -دنيتي – الله يخليك لي .........الخ وش رايكم باستخدامها وهل لها وقت معين ؟؟
ما اعتقد ان لها وقت معين با العكس اذا اللسان اعتاد انه ينطقهاا تلاقينه انسايبي ما يحتاج تفكرن تقولها لشخص او تستحي منه\او منها
انا من النااس اللي اقووول نفس العبارات اللي فووق بس بدون احراج عاادي
يمكن احراج اذا انت اول مرة تقوولها ومو متعودين اهلك او احد يقرب لك انك تقولها له فيشعر بشي من الاستغراب

2/ ليش بعض الاهل لما يسمعون هالكلام ممكن يكون ما عندهم رد فعل علشان يردون... بالعامي ( يستحون )؟؟
زي ما قلت لك فووق مو متعودين تنطقها او تقولها لهم اكيد راح يستحون ومع الاستمرار بيكون شي عاادي

موضوع جميل

مشكوره ياغلاي

حيآكِ حلـآ
آستخدآم هـ الـآسلوب بيكون
علىآ حسب الـآنسآن وشخصيته
والله آذآ الشخص ذوووق وآخلـآق وقد سمعت منه هـ الكلـآم
مآتستغربي
آمــآ شخص دآيم عنده قلة آحترآم بـ كلـآمه آكيد بنتفآجئ وآكثر بعد
ومآفي آوقــآت معينه لــآستخدمهآ
بس بـ آعتقآدي مع الـآطفآل آو الـآشخآص اللي آصغر منكِ

حلــآ
يعطيكِ آلف عآفيه يـ الغلـآ
وننتظر كل جديد و مميز منكِ
تقدير و آجلـآل
لـ سموكِ

السلام عليكم ورحمة اللهـ وبركاتهـ

[color="rgb(105, 105, 105)"]استخدام هالكلمات[/color] ( سم –لبيه – حياتي – غلاي -دنيتي – الله يخليك لي )... الخ وش رايكم باستخدامها وهل لها وقت معين ؟؟

استخدامها يعبر عن شخصية الانسان وتفائلهـ ورقة قلبهـ و مشاعرهـ بنفس الوقت ... ومثل هالكلمات مالها وقت معين لانها ممكن تكون على لسان الشخص طول عمرهـ و يمكن لو اقول لكـ موقف صار لي ومن يومها والكلمات هذهـ على لساني كان بسبب طفل عمرهـ 5 سنوات وهو ولد صاحبي رحمة اللهـ عليهـ ...( من يوم كان طفل والمعروف عن الاطفال لقط الكلمات من الشارع من الكبار ويصيرو يرددوها وهم مهم عارفين معناها بس ام الطفل هذا كانت تعلمه لما يزعل من احد بدل الشتم المتبادل علمتهـ كلمات ثانيهـ مثل ياعسل ياذوق تلقيهـ لما يعصب على احد مايقول لهـ الله ياخدك يقلهـ اللهـ يرزقكـ اللهـ يسعدكـ ومن يومها وانا تعلمت منهـ هالكلام و كل هذا وهو طفل عمرهـ 5 سنوات بس ) ....


ليش بعض الاهل لما يسمعون هالكلام ممكن يكون ما عندهم رد فعل علشان يردون... [color="rgb(105, 105, 105)"]بالعامي[/color] ( يستحون )؟؟

من وجهة نظري بهالحالهـ بيكونو الاهل مهم متعودين من هالشخص على كلامهـ .... او انهم فيهم طابع الخجل وفي ناس كثير لما تقولي لهم ياقلبي وجهـ يروح الوان ويتقلب و بعدين يقول استحو لاتحرجوني .....


حلا عتيبهـ

أنرتي النقاشات بوجودكـ بعد غياب طويل ....

موضوع كثير راق لي بتميز مضمونهـ ....

ننتظر جديدكـ المبدع


تحياتي

\
\







نثرت الروح في كفك أماني وقلت أطلب كل الأرض مفروشة بحناني

وكل الشوق سويته أغاني لا أنت صوبي ولايمي ولا حسيت في همي

وجيت الحين ترعاني تصورت الجروح اتطيب في لحظة و ثواني


(( حلا عتيبيه ))


بثقة كبيرة تخاطبين حروف كلماتك

و تنثرين حنينك بعبارات راقية المعاني

إبداع لايوصف ..

وفلسفة في العبارات ما بعدها فلسفة

لقد أخذتني كلماتك و حلقت بها في أعماق

جملك الرائعة ..

* ردي على الموضوع *

فى هذا الزمان للاسف حددو الحب وكلمات الود وحصروهم بين الحبيبه

وللاسف ما عاد احد يعرف معنى الحب

فــ الوضع عاتي اذا تنقال للــ المحارم اما غير المحارم فــ انا ارى انها محرمه

ولكن الاهل وهم الاقرب ماعادو مستعدين يسمعو كلمات الحب من اولادهم او ذويهم

على اساس انه من العيب التحدث عن الحب فى حضرتهم

1/استخدام هالكلمات .. سم –لبيه – حياتي – غلاي -دنيتي – الله يخليك لي .........الخ وش رايكم باستخدامها وهل لها وقت معين ؟؟
بالعكس حلوه بس مو تاثر على طبيعه الانسان ويكون دلع صناعي
ومو لها وقت معين

2/ ليش بعض الاهل لما يسمعون هالكلام ممكن يكون ما عندهم رد فعل علشان يردون... بالعامي ( يستحون )؟؟
عادي جدا