احبك ماابي غيرك

أحبـك قلتهـا بقلبـي .. وباحساسـي وبلسانـي
كثير قلـوب ترجيهـا .. ولكـن لا يهمّونـك

أحبك ما أبي غيرك .. ولـو غيـرك ترجّانـي
أنا شاريك ما بيعـك إذا غيـري يسومونـك

أموت اشتاق لك كلي .. أبيـك تـزور أعيانـي
خفوقي يا غلا ينزف وله واشواق مـن دونـك

أطير من الفرح لا من لفـى صوتـك وحيّانـي
أحس اني أهم الناس لا من قلتلي : شلونـك ؟

ألوم النفس لا قلت : بكيت ومـا أحـد جانـي
أنا وش عاد يضحكنـي اذا العالـم يبكّونـك ؟

إلى منّك تضايقت .. أنا المسـؤول والجانـي
أنا المفروض ما أرضـى أخلّيهـم يزعلونـك


أحبك زود عن روحي عن اعمامي عن اخواني
وباقي الناس يا عمري .. تـرى والله يفدونـك

عليم الله لا قلت : ( أحبك ) .. زالت احزانـي
واذا قلت : ( أحبك موت ) صحت وقلت : مجنونك

غدير الحب في قلبك .. حنان ولهفـة اروانـي
أذوب بهمسة ٍ عذرا .. وأثبت إني مفتونك

أنا في دنيتي تايه .. ولا ادري ويـن عنوانـي
ويوم اني عرفتك صار عنواني هو : عيونك

أغار من امك وعمك .. وهذا وذاك .. والثاني
أغار من اصغر اخواتك ولا ودّي يشوفونك

منى عيني أضمّك لي وامســّــح ذيـك الاوجانـي
ألاعب خصلة ٍ يمنى ويسرى تعتلي متونك

عيوني لو تطلبها .. لقيت الكـل .. هنّانـي
ترى روحي مع عيوني مناهم بس .. يرضونك

نهر من الأحرف تجري في وادي الروعة
أنثى 00 أحلامها ملائكية
//
\\
وكأن الحرف لاينصاع إلا لكِ 00 فكم يقاومني هذا الحرف وأراه معكِ
ينساب كإنسياب النهر00!
فــ لعلكِ أحسنتِ ترويضه 00 أو أنه لايطيع إلا المبدعين فقط
لــ قلبكِ وردة 00 سيدتي

تربعت كلماتك داخل فؤادي
واقتلعت جوارحي
وحركت مشاعري
تسلمين يالغلا