ظروف الليالي تصنع من الرجال رجال

قصيده تستحق القراءة : ظروف الليالي تصنع من الرجال رجال وتضعف ضعيف العزم لا مرّته مرّه ظروف الليالي صنفره والقسا لاطال يبين لك المقدام واللي على الجرّه ويظِهر لك الرجلي ويظِهر لك الخيّال ويظهِر لك الحلوه ويظهِر لك المرّه ويظِهر رجالٍ كان ماهم بلك فالبال ويصغِر رجالٍ فيهم الناس مغترّه ويظهِر صديق الصدق والصاحب الدجال ويظهِر صديقٍ ليت خيره كفا شرّه وتدري بمعنى كلمة ان للحمول جمال وتدري بمعنى مايساوي ربع ذرّه فلا كل منهو طب سوق الفخر يكتال ولا من دخل في المعركه يقدر الكرّه وانا واثق ان مافيه عقده بلا حلّال ولا فيه وجهٍ لاهب القيض مامرّه ولا فيه في الدنيا على الحال يبقى حال يدور الفلك وتجيك الايام مفترّه فلا تضعف اليا جات بعض السنين هزال وجيبك على مافي كنين الحشا زرّه تجمّل بصمتك والبس الصبر لبس عقال وتمطر سماك وتصبح الروح مسترّه يجيك المدد من خالقك دافقٍ همّال وتاتي صحاري وقتك الجرد مخضرّه

م ن

انتقـآءْ رآئــع, وطرح جميــل كجمآل روحك
دآئمـآ مآنرى الإبدآع والتميز يلآمس انتقآئك
لآحرمنـآ الله من روعة ذآلك الإختيآر
وجميل الطرح والإبداع
لك خآلص ودي

طرح رائع
يعطيك العافيه