رواية ضمى الليالي .. من تأليفي

بسم الله الرحمن الرحيم

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اعضاء منتدى رهين الشوق الكرام
روايتي الاولى اضعها بين أيديكم وهي من وقع خيالي ومن تأليفي

علي أن اجد النقد والتوجيه منكم
فما اريد الا آرائكم بكل صدق
وكل الشكر لمن رفع هذا الصرح
فلهُ جزيل الشكر والعرفان والامتنان
وايضا ً اشكر رهينة الشوق على مساعدتي
في تحرير الروايه من الاخطاء
روايتي الاولى
ضمى الليالي ...
اهديها لصديقاتي الصدوقات
وفــــــآء[......
مشاعل [......

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

البــــــارت الاول

...../ انت اش تقول
......./طال عمرك ذا اللي صار ولازم قبل 12 ساعه
تكون خارج المملكه انا رتبت لك سفريه بعد 5 ساعات
......../ كيف ؟ حاول تسوي شي
......../آسف طال عمرك حاولنا قد ما نقدر بس
الموضوع وصل السلطات وبكرا من الصبح بيطلبونك
للتحقيق وبعد 12 ساعه بيتعمم خبر منعك من السفر
......../والشركات والشغل وبصراخ كلم المحامي ؟؟؟
........./المحامي يقول حاول تصفي اللي عندك من اموال
وتحطه بحساب مو بأسمك لانهم اكيد بيحجزون على
كل ممتلكاتك وبيتجمد حسابك
"قفل من مدير اعماله وافكاره توديه وتجيبه
" اخذها معاي لالا وشو له اغربها وهي مالها ذنب
طيب عند مين اخليها يا ربي وش اسوي يارب ألهمني
اكيد لو سا فرت الكل بيطمع فيها ولو دخلت بحسابها مبلغ
اخاف احد يحجز عليه يا رب وش اسوي ضغط على الجوال
اللي بين ايدينه لين ما صارت يده بيضا وافكاره توديه وتجيبه


بنفس القصر بالجناح الآخر
لميآء : اقول طيري بس خليني اكمل
سعاد : لموو وربي مو قادره ما ابي اذاكر عفيه
عليك يا شاطره سولفي معي
لميآء : هي انتي مجنونه بكرا اول يوم بالاختبارات
لو ما حليت راح اصاب بأحباط
سعاد : اووووما احباط يالدافوره عادي اذا ما حليتي
قولي خيرها بغيرها ولا تذاكرين اليوم الثاني
لميآء: وربي انك فاااااضيه فارقي بس
سعاد :لمووووووو حبيبتي بطلبك طلب صغنون
لميآء:اخلصي بس لا يكثر
سعاد:جوالك الثاني وينه فيه
لمياء: شوفيه هنا ليش
سعاد:فيه رصيد
لمياء:ايه
سعاد:لمووووووووووو حبيبتي حوليلي
رصيد بليييييييييييز وربي ما عاد اطلبك
لمياء: ههههههههههههههههه خير انتي كنك تشحدين
لمياء: الرصيد وصاحبته تحت امرك بس فارقي
سعاد:اووووك يا لبى روح روحك لحظه اخر سؤاله
لمياء:اخلصي
سعاد: متى بتنامين
لمياء:يوووووه شكل ما بها نومه بواصل اكيد
اوك باااايوووووو
بايات

"لميآء العالي .... جذاااااااااابه درجه اولى ملامح حاده
سمرا اكثر ما يجذب فيها نظرتها عميقه لابعد الحدود ذوووووق
تحب تصميم الديكورات ومبدعه فيها "


وفي مكان ثاني تتأجج ليالي العاشقين بأجواء مشحونه بالعواطف
ندا : حبيبي خلاص بكرا وراك دوام روح نام
عناد: امممم طيب قولي اول تحبيني
ندا : اكيد مو انت خطيبي وحبيبي وزوج المستقبل... حبيبي
عناد : يا لبيه عيون حبيبك امري
ندا:ابها من غيرك بالحيل شينه متى بتفتك من الرياض وتجي تعيش بمكانك
عناد: يصير خير تصبحين على خير يا حبيبة حبيبك
ندا وهي تشوف الانتظار اوكي حبيبي وانت من اهله باي
وقفلت
وردت ع الخط هلاااا
مين ؟؟؟؟؟
ماجد :افا يا ندوش عريس الغفله نساك صوتنا .............................

عند عناد قبل ما ينام "" يووووووووه يا ندا لو تدرين قد ايش احبك
ولو تدرين بفرحتي فيك ليت ظروفي الماديه كانت احسن من كيذا
وربي ما كان قصرت عليك يالله انام ابركلي من هالهواجيس ودامها تحبني اهم شي ""


لميآء : هلا
سعاد : هيييييييييه نمتي يالله الساعه 7
لـميآء:لا بس غفيت شوي يالله يالله خلاص صحيت
باب الجناح يدق .. غريب مين جايني الحين وربي
لو الخدامه لتتكفخ كم مره اقولهم لا يجون ينظفون
وانا فيه
تمشي بسرعه وهي تتحلطم وتتوعد وتفتح الباب
الا وتصرخ زياد
زياد: وقلبه تعبان يناظرها بنظرات حنيه يا عيون زياد يا عيون اخوك انتي
لمياء :زياد فيك شي يا قلبي مو بالعاده تجيني هنا
بضحكه شبه ميته امم طيب ممكن ادخل
لميآء : هههههههه حياك اخوي تستأذن في بيتك
"زياد العالي من كبار الشخصيات اكبر تاجر مخدرات
واعمال حره
عمره 38 يتيم الاب والام مقطوع من شجره قبل ما يموت
ابوه تزوج وجاب لميآء ومات وربى اخته
قلبه حجر يدمر مين ماكان بطريقه
ما عرف قلبه طريق للحنيه الا مع اخته الكل يخافه ويهابه "
زياد : وش لونها حبيبة اخوها اليوم ؟؟
لميآء: وربي يا زياد اني خاااايفه حدي
اليوم اول يوم بالاختبارات النهائيه مواصله من امس ومانمت
سحبها من يدها وبحركه سريعه منه لمها
بحنيه وباس راسها قال سامحيني يا عيون أخوك لو يوم قصرت بحقك
لمياء واللي بدا الخوف عليها زياد وش فيك ليش تخوفني ؟؟
بعدها عنه ناظرفيها وابتسم لا تخافين
ارفعي راس اخوك اهم شي دراستك
زياد:متى بتروحين
لميآء: الحين خلاص بس ابدل بذاكر شوي مع البنات قبل الاختبار
زياد:طيب لا تطولين انا اللي بوديك اليوم استناك في السياره
لمياء:حاضر
في السياره الفخمه هو جالس وهي بجمبه والسايق
بيوديهم الجامعه يطلع زياد 10 الاف ريال ويمدها لمياء
اقول لمووو خذي هذي
لمياء وهي مستغربه منه بس انت اول مره تعطيني كيذا دايم تحطها بالبنك زياد وش فيك ؟؟؟
ما فيني شي بس ما يمديني امر البنك خذي
اخذتها وعلامات الاستفهام ماليه راسها ونزلت الجامعه وقبل
ما تنزل سمعته يقول ويمكن ما يحسبها سمعته
الله يحفظك
توجه للمكتب اول ما دخل
سامي سامي يازفت تعال هنا بسرعه
سامي / سم طال عمرك
زياد / تتذكر الرجال الشباب اللي دفعت الديه عنه يوم كان في السجن
سامي متنح ......
وبصراخ يملا المكان تذكرته ؟؟؟؟؟؟
سامي يهز راسه ايه طال عمرك تذكرته
بسرعه جب لي وين يشتغل فيه
بسسسسسرعه


ووسلامتكم
ابي تفاعل تكفون ما ابي اتحطم من اول محاوله
وبكرا ان شاء الله انزل البارت الثاني
تـ ح ـياتي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


عساك ع القوه خيتو

في انتظارك ..

مهآ بداية أولى جميله منك ووفقت بقصها
استمتعت بقرائتها كثيراً

بانتظار القادم وماسيحمله من إبداع

لقلبك كل الورد

تحيه لأجلك ولأجل قلمك

غاليتي/
جميل ماقرأته هنا
وكم تمنيت لوكانت باللغه العربيه الفصحى بدلا من العاميه
خطوه موفقه
لكِ كل الود

مها ||~
أنا انتظر البارت اللي بعده ...

رووووووووووووووعة يسلم يالغلا

عوافي عــ المجهود الجبااار.
لك ودي

مشكورين جميعا ً عالردود ولاهنتوا ... التي شجعت طفلة السمآء على تكميل بقية الروايه ....

بس طفلة السمآء تمر بظروف وستتغيب فتره عن المنتدى,, وأنا سأضع البارتات الباقيه عنها ,,, بعد سؤالها واستشارتها طبعا ً...

وكل فتره راح اخذ البارت اللي تخلصه ..من عن عندها وأضعه هنآ ..

لكم مني جزيل الشكر ,,,

أختكم ,,, رهينة آلشوق ,,,

يعطيك الف عافيه على هالذووق المميز والطرح اللي بمحله
ننتظر جديدك عبر متصفح رهين الشوق لكي تنثري ابداعاتك وتميزك فكوني معنا
بإنتظار باقي القصهـ دمتي بوود ياطفلة السماءه..