حسااااااااااااافه!!

على كثر الجروح اللي بقلبي وخافقـي مشتـاق
ضواني ليلـي وقلبـي تحـزّم ثـورة أشواقـه

صرخت بداخلي صرخه تلوذ الـروح بالأعمـاق
تموت الصرخة بجوفي وهـو غايـب بأعماقـه

تجول بخاطري كلمه تبـاري دمعـة الأحـداق
تغارق صوتي بدمعي بوقت(ن) جفّـت أحداقـه

جرحت الحب طعنت الروح دون ارفـاق
سلبت شفاهي البسمة خذلت الرمـش برفاقـه

توقعتك تجي تسقي عروقـي بالهـوى تريـاق
عروق(ن) في حنايا صدر بيـن يديـك ترياقـه

توقعتك تجي تغـرق حياتـي بالهـوى إغـراق
توقعتك تجـي تمسـح دمـوع عيـون غراقـه

توقعتك تجـي تطفـي لهيـبٍ بالحشـا حـراق
تزايد نـاره فـبعـدك يزيـد الجمـر بإحراقـه

توقعت الغـلا يسـري بدمـك دايمـاً ينسـاق
وتوقعت الوله في داخلك واقـف علـى ساقـه

توقعت الهوى في سلمكـم ذوق وأدب وأخـلاق
ويبقى الشوق بأرض الحب ويبقى الحب بأخلاقه

توقعت الوفـا منّـك مثـل نهـرٍ علـي دفـاق
توقعتك تجـي بإخـلاص مـع أشـواق دفاقـه

توقعتك تجـي بيـدك قصيـدة حـب للعشـاق
حسافه ياهوى قلبي : خذلـت عيـون مشتاقـه

حسافة ياهوى بالي نقضـت العهـد والميثـاق
حسافه ينهدم هالحـب رغـم عهـده وميثاقـه

بنيت من الوهم دنيا ألين أصبح فضاي إشـراق
وقفت أسترجع الذكرى بليالي كانـت إشراقـه

بكيت من الظن اللي سكن فيك وبقـى خفـاق
رفـع رايـات مكسـوره دفـن أرواح خفاقـه

تعبت أبقى بليد(ن) فهم اخـط النـزف بـالأوراق
تعبت أشكي تعبت أبكي بدمع(ن)بلـل أوراقـه

تعبت أبقى أسير(ن)وقت تعبت أطلب رضا بإشفاق
تعبت اطلب رضا قلبـك ونفسـي دوم شفاقـه

حزن مدري\حزن مدري\حزن مدري\حزن سبّاق
حزن يقضي على روح وليالي الجـرح سباقـه

وعلى كثر الجروح اللي بقلبي وخاطرك بفـراق
ضوانـي ليلـي وقلبـي توّلـم يعلـن فراقـه

غفيت وهالحزن صاحي صحيت وهالحزن بـراق
تخيل حزني الطاغي سحايـب دمـع براقـه

تحياااااتي لك ........ دايم الشوق

يسلمووو على المرور يا دايم الشوق

مشكوووور اخووي على ماقدمت وماهي غريبه منك انت ذوق المنتدى

مشكور على المرور يا عاااشق غراامك

[color="red"]توقعت الوفـا منّـك مثـل نهـرٍ علـي دفـاق
توقعتك تجـي بإخـلاص مـع أشـواق دفاقـه

توقعتك تجـي بيـدك قصيـدة حـب للعشـاق
حسافه ياهوى قلبي : خذلـت عيـون مشتاقـه

حسافة ياهوى بالي نقضـت العهـد والميثـاق
حسافه ينهدم هالحـب رغـم عهـده وميثاقـه [/color]





قصيده غايه في الابداع هذا اللي تعودناهـ منك يارهين
الله يعطيك العافيه