|
رهين الشوق | |
ملتقى شعراء رهين الشوق تـَحلـِيق في سماء الإبـْداع .. وقطـَرات شهدٍ مـِن نـَبضِ أقلامنا , جــــــمـــــــيـــع أنواع الــــشــــعر |
2011-04-26, 09:50 PM | #1 |
|
غٌبار الـ فقد خانقني !
طلّ الـ شتا من شُرفة الـ وقت وأمسيت , أجمع حطب : ذكرى , حنين , ومواجع ! حتّى ليا هبّت جروحي : تدفّيييييت , وأشعلت حزني دون أيّة تراجع ! بيتك وأنا والـ ضيق : مَـ بين أحلامي ورغبة أبيك وأمنيات الـ طيش، وصلت ب لهفتي عندك ولا دقيت لك بابك ! أخاف إن لامست يدّي خشبة يصيح لي ب شويش: رحل ماعاد يفتحني ترى كله .. من أسبابك ! وأجمّع مابقى مني «ضياعي ، دمعتي مع ليش»؟! وأقول اللي أخذ وصلك مصيره يتلف أعصابك ، تعال : الحق قبل طيرك ينتّف مابقى من ريش ، تعال : انشر دفا صوتك سكينة واعتق غيابك ! تعال: ابذرني بِ يدينك وصال , وضحكة , وتطنيش ، كِسَت ْوجهي تجاعيد الـ حزن وأسرفت بـ عتابك .. يحاصرني بَرِدْ بُعْدك وأحسّ بـ داخلي تشويش .. ضياع , وفلسفة ضيقة , وصمْتٍ ملّ يغتابك ! تصدّق صاح لي بيتك: أردد إيش والا إيش؟! غبار الـ فقْد يخنقني مُصيبة هَجْر أحبابك ، رحلت وماشكرتك : انتظرتك بين دقّات الـ ثواني , لين مرّ الوقت كلّه واحتضرتك ! كنت اداري لهفتي فيك ب أغاني , حتّى ملّت مني وبلحظة : عبرتك ! في عيونك شفت طيف إنسان ثاني .. في جبينك كان يَكتبه .. ونثرتك ! بحرك اللي فوق شِطّآنك رماني , موجه الغدّار خَذْني ثم خسرتك ! شوف كم مرة شريتك يا أناني ! شوف كم مرة تخلّيت وعذرتك ! للضياع أرخيت حبلي والأماني .. ماحسبت حساب كم لحظه سهرتك ؟! كم أحبّك ماتت ب طارف لساني ! كم أبيك تلبّست عيني وصبرتك ! كلّ حاجة مرّت ف بالي : تعاني , صوتك الـ محبوس فيني به ذكرتك ! ماجمعتك لـ أجل أجبر بك كياني .. كنت أجمّع مابقى مِنْك : وقبرتك ! يـ الأمان اللي نكرني في زماني .. العذر منّك رحلت وماشكرتك ! آلَرَآئَعَه/رَزَآن آلَعتَيِبِي |
..{ صَبْرٌ جَمِيلٌ وَاللّهُ الْمُسْتَعَانُ }..
|
2011-04-26, 10:05 PM | #2 |
حــزيــن إلا ربـع
|
رد: غٌبار الـ فقد خانقني !
للضياع أرخيت حبلي والأماني ..
ماحسبت حساب كم لحظه سهرتك ؟! الله الله .. عليك .. شموخ لا يضهى .. تستحقي التقيييييييييييم |
إذا إلتقينا يوم و لا عرفتيني .. فـ لا عليكِ لــوم شــابْ الزمن فيني ..
|
مواقع النشر (المفضلة) |
الكلمات الدلالية (Tags) |
!, الـ, خانقني, غٌبار, فقد |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|