اكتب اسم شاعر واللي بعدك يجيب له أبيات على ذوقه

حمد البريدي امممم ماعرفه (:

من اروع قصائد الامير طلال الرشيد تعجبني حيل

(ذكـــــــرتك)

ذكرتك والزمان غروب

ذكرتك والمكان الشط

بالصدفة ذكرتك والعيون تذوب

دمع ٍ مع حنيني ماستر خافي

ذكرتك يوم شفت الشمس غابت

والقمر ينساب من شرفة

ذكرتك والنجوم تلون لحاف السما وتعاتب الجافي

ذكرتك نصف قلبي هم شوق

وهم حبك ماخذ ٍ نصفه

ذكرتك كل مافيني حنين ودمعتي وكفي الدافي

ذكرتك ماذكرت الا عيونك والجبين

وكل ما اعرف ذكرتك

مانسيت الا جروحي والانين

ودمعي الصافي

انا اول عزاي اني حملت العاشق اللي مانسى حلفه

وانا اخر عزاي انك نسيتيني وانا طيفك ملا الغرفة

تلوم اللي تفانا في طريق ٍ مالقى في اخره ولفه

الى منه بكى كل الندم في حجر عينه غصب ينشافي

اروح ولاطرت حنيت مثل مضيع ركض ٍ على حتفه

والا ناديتها كسّر حنيني جوف صدري مثل مجدافي

يبيك اللي عيونه اللي ماقوت تحمل قليل ٍ من بعض عطفه

يبيك اللي مشى لك او مشى بك او مشى في سكتك حافي

يبيك اللي الا شافك تلعثم بالكلام وينصعب وصفه

يبيك اللي يشوفك شمس والدنيا ظلام ودفتره غافي

انا قلت ازعلي وخليني اشوف الحنين وش مدى نزفه

انا ماقلت خليني

اقول من الوفا يالله يا كافي

امووووت..... وما اعود اتذكرك

والمشكلة طييفك ملا الغرفة

واموت وما اعود انساك

يا حبي القديم الصادق الوافي

الامير خالد الفيصل ^_*

الامير خالد الفيصل
تعال اسهر
تعال أسلـي خاطـرك يـا عيونـي
أنـــا ويــــاك والـدنـيــا تــهــون
حــذاري تستـبـد بـــك الـظـنـون
على اني لك وفي روحي تمون
تركني بين أياديك معنون

......
الشااعر حامد زيد

مسآكمـ / صبآحكمـ

ورد وجوري

بنات الريح ..

من بنات الريح لي صفرا جفول

كنها ظبي الفلا بجفالها

منوة الخيال عساف الخيول

زينها في دقها وجلالها

زينها ما شفت وصفه بالمثول

الله اللي بالجمال اصخى لها

تستذير كحيلتى من كل زول

ما يصخرها سوى خيالها

اذكر الله كل ما قامت تجول

و احمد الله خصنى بحبالها

كنها تمشي على قرع الطبول

فتنى اللي خافقه يبرى لها

ظافي القصه على الطرف الخجول

تنكسر شمس العصر بظلالها

وصفها وصف السحاب اللي يحول

كل عين تستخيل خيالها

او كما طاري على الخاطر عجول

صاحبه حقيقته ما طالها

كل رجل في حياته له ميول

والهوايه تمتلك رجالها
ـــــــــــــــــــــــــ

الامير طلال العبدالعزيز الرشيد

مانيب من يهوى سريـا وانصـاف ii"
" انا هـواي وبـس بنـت الجزيـره
بنت الخليج اللي تمـاري بالاعـراف ii"
" وحنا نمـاري باسمهـا كـل ديـره
مالي غرام بقـول وخـا وبالـزاف ii"
" اذبحتني عنـد الطرحـه المستديـره
احب قولة ياهـلا وعـل وماخـلاف "
" من بنت ثوبي بنت الارض النضيره
اللي تحلاها الظبي حلـو الاطـراف ii"
" جمـال فـي عفـه ورقـه وغيـره
واللي بها سحر مهو سحـر عـراف "
" ياعـل عيـن ماتراهـا ضـريـره
عطف وحنان وذوق في لين الاعطاف "
" والى كشفـت لثامهـا شفـت أميـره
صعب على اللي بالردي شاف ماعاف"
" وحلوه علىاللـي سنـه الله ضميـره
شمس الى من اشرقت والدجا طـاف ii"
" غابت نجومك غصب لو هي كثيـره


حمد البريدي ..{

ليتك مع الاحلام تاتي واحلمك
او ليت حبي فيك ما يغتابـني
آقف كذا وامشي كذا واستفهمك
واسأل سموك غير ما أ جابني
كل الاماني فيك لو تستسلمك
يا جعل ربي في عوضها ثابني
احبك بإفـــراط لو ما احكمك
غلاك ذنبٍ ما خبرته تابني
من كثر ما احس ان دمي قد هو دمك
كل شي تشعر به يصيبك صابني
اذوب فيك احساس عيآ يفهمك
واموت فيك بلهفةٍ تناتبني
اغليك لكن مانويت اعلمك
مدري شبلا احساسي بحبك هابني
صدقني اني بين دمك ولحمك
تعبت وانا ابني بحبك وآبني
كن الضلوع امواج وجروحي سمك
يسبح على الحلم البعيد وغابني
اتخيلك واتأملك وأستلهمك
واذوب فيك من الوله ماطابني
عينيك ورماحك و عجات الرمك
لها بقلبي عمر عاش و شابني
وتزاحم حروفك على فوهة فمك
رمح على متن الغرام وصابني
كنت احلمك واليوم ما ني بأحلمك
لبيه ياحظٍ على دربك جابني



الشاعر طلال الرشيد الله يرحمه

طلال الرشيد رحمه الله ...

اليوم يا بنـت مـن زيـي
الشمس واردت على ضيي
جيت انتخي بالوجيه البيض
يا عزوتي يـا بعـد حيـي
الجادل اللي حلاهـا غيـر
ضيعت في شمسهـا فيـي
بعيونهـا سلسبيـل رمـاح
والموت بالسـود متهيـي
موت وانا اموت انا بالموت
كثيرهـا غـرق شـويـي
لا قلت تكفين قالت جـاك
وان جيتهـا فجـأه تعيـي
ولا قلت مالي و مال الغيد
قالت وهـم بينهـم زيـي؟
وان قلت انا تبت مالي كار
مقفي زمانين عـن غيـي
قالت وهي تلتفـت للنـاس
طلال موتـه علـى يديـي

الشاعر .. عبد الكريم الجباري ،

الشاعر عبد الكريم الجباري
قصيدة اسمك على كل بيت

. اسمك على كل بيت يمر لحنته
حتى على بحر يالاحي وليحاني
اقول بس انت والا اقول بس انته
اللي مشى داخلي بعروق شرياني
غيرك اليا صد او ماصد بلعنته
الا انت والله يامسكي وريحاني
عرفت بأن الغلا جبار وايقنته
خصا ليا صار لك عندي غلا ثاني
حتى اسمي يحلو لامنك تفطنته
لاقلت ياشمري والا ياقحطاني
هذي وهذي سوى دامك تمكنته
لاقلتهن مانسيت افعول جداني
لاجيت اوصفك حتى الوصف جننته
ما اقول الا انت تآمرني وتنهاني
يا انعم من الورد لامني تحظنته
غلاك عندي غلا الدوحه لبن ثاني
والا غلا الشخص لاواجه مزبنته
يوم انهم مابغوه القاصي والداني
يا اجمل من البيت لامني تهيجنته
واطعم من الكيف لامن صرت وحداني
وياثقل من السر لامني تأمنته
واخف من كلمة احبك على الساني
اقول بأن الغلا بالقلب دونته
والا كذااحسن بقول ان انت ديواني
لو قلت بس انت والا قلت بس انته
انت الوحيد اللذي بعروق شرياني .

الشاعر عايض الظفيري

ما عـاد ينبت قصيد .. وماتت أعشاب
............................والقـلـب مـا عـاد تاسعـه المحـاني


يغيب هذا الفضـا .. وتسكـر أبواب
.........................والصمـت يتبعني بـ صمـت وأعـاني

من غبـت عني وكل الناس غِـيّـاب
............................بعـدك ولا فيهـم اللـي ما نسـاني !

بعدك وأنا ما بقى لي حـي مـا غـاب
.............................ولا بقـى حـرف ينطـق به لسـاني

من غبت .. كل البلد بعيوني تـراب
.............................أحجار .. لـو كـان سمّوها مبـاني
من غبت ..والقلب يركض لك ولا شاب
........................يضوي لك أقمار .. وأحلام .. وأماني
مـن علمك تقفـل الدنيا ورا الباب ؟!
............................ما غيـر طيفـك غرستـه في مكاني
كنّـك تسمّرت واقف بين الأهـداب
..............................طيفـك معي .. لإتجاهاتـك خذاني
دورت لك في خبايا ربـع وأصحـاب
........................في بحّـة الناي .. في حـزن الأغـاني
في ضحكة أمي .. وفي همسات الأقراب
..........................في كـل حـزن الصحـاري والمواني
طيّرت لك من حمايم روحي .. أسراب
............................حطّـن .. ولا فيهـن اللي ما بكـاني
لك سيرة الغيم .. والصحرا لك كتاب
.........................لك سحـر يملا الوجـود إحساس ثاني
كل المدايـن لشوفـك ترخي أرقاب
..............................ودرو بهـا كلـها تبكـي عشـاني
يا غايب ارجع جفوني ربع وأحباب
..............................وال شعـر مـلّ الكتابـة والمعاني
ما عـاد باقي بقلبي نبض ما ذاب
............................... ..لله در انتـظارك .. والثـواني
لله در الغـلا لـو ينبت أعشـاب

.........................يمديك تعشـب وتزهـر بـ المحاني



الشاعر سعيد بن مانع الرفيدي ....

الشاعر سعيد بن مانع الرفيدي

انا وش اللي بغيبتك .. مستفيده !!

صدري وصل من [ الهم ] حد الشباعه

الصبح يضحك لي بضحكه جديده !!

وانا الى هالحين مانمت .. ساعه ،

اسهر واسامر ..{ كل نجمه فريده

وان نمت قالت : ليه هذي القطاعه !!

ياغايبه ] والليل لا قويت ايده

يدي ضعيفه ماتقاوي [ صراعه ،

الحب دمٍ والمواصل .. وريده ،

والقلب : هو اللي يزيد اندفاعه

غبتي وسميتك [ قريبه بعيده ]

والعين تحسد خافقي عالقناعه !!

- جاعت عيوني } شوفتك ياعنيده

ماترحمين اللي بلته المجاعه؟

بيني واحزاني علاقه .. وطيده

مثل العلاقه بين عقرب [و] ساعه

فراقك .. الله يمحقه لا يعيده ،

لازاد زاد الجرح معه .. اتساعه

نسياني ] اكذب من كلام الجريده !!

وكتماني] اعتم من عتام الإشاعه !!

واشواقي ] اصدق من فعايل رفيده

واعذب ] من ثمار دنت مـ اليناعه ،

شوقٍ هبا في القلب وسمّ الحديده

والقلب لولا الصدر تم .. انتزاعه

ولاجداي الا حروف القصيده !!

عسى تزودني شوية { مناعه ،

لك الله [ اصبر ] عالرياح الشديده

يالمركب اللي ضاع منه شراعه

عسى الفرج يقبل ويقبل بعيدة

وتبات عين اللي شقا البُعد لاعه

وأقول للنجمات / فرصه سعيده

والمعذره دامي نويت : القطاعه

ياغايبه .. والنخل يبّس جريده

ولا يغرك روسها .. بالرفاعه

مدري غيابك ويش باقي مزيده !!

مالي على صد التياعي براعه !!

به في غيابك فايده بس [ وحيده ]

يمكنّها هي العزا [و] الشفاعه

تدرين وش في غيبتك مستفيده ؟

-اني اصلي الفجر ويا الجماعة
**
( الشاعر : بدر بن عبدالمحسن )

انا بصراحه مجنووون بقصائد الشاعر بدر بن عبد المحسن و حبيت انقل لكم بعض قصائده الرائعه اتمنى انها تعجبكم:
((الفتاة الغايبة ))
و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..
يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..
الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..
صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه
((الفجر البعيد ))
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك
إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك
يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك
(( الطير ))
واطيري اللي زودوا فيه الأثمان
اشعل ظهر والصدر يجهر شعاعه
لو له شبيه في الملى هو غزالان
راجي عل زينه يزود بشـجاعــه
خذته ولاني يا هل الطير ندمان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثير الجماعه
وشلته على كفي كثير الغثا هان
عندي غدى للهم مثل المناعه
لا صرت فيما تطلب النفس بلشان
اترك طمان القاع وارقا برفاعه
وباكر تصاريفه على عالي الشان
من يضمن الدنيا ولو ربع ساعه
((العطش ))
آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش
يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش
يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش
(( السهر والخوف ))
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
((المرايه ))
كلنا عشاق لكن ..
إنتي لا ما انتي معايا ..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا .. وشوفي غيرك
اظهري من ليل كحلك ومن أساورك وحريرك
افتحي الشباك مره .. شوفي الناس والشوارع
وش كثر هالغربه مره .. للي وسط الزحمه ضايع
انتي مشغوله بروحك .. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه ..
كلناعشاق لكن
كلنا نحبك.. نحبك
وأنتي جرحك في ساكن .. وأنا جرحي برا قلبك
أمشي لو نصف المسافة .. وقفي بينك وبيني
أكسري كل المرايا .. أنتي أجمل وسط عيني
يا للي مشغولة بروحك من خذا قلبك وروحك
هو أنا .. ولا سوايا
كلنا عشاق لكن
كل واحد له حكاية
(( البتول ))
كـل أرضٍ تشيلك يـا ثـقيـل الحمــول
وكل وقتٍ كريمٍ بالرضا والزعل
وين مـارحت تلقى لك حبيب وعـذول
وين ما كنت تلقى مثل ياسـك..أمل
ياطـريق الترجي والوله والـنـحول
والله إني مـشيـتـك... لـين حد الـثـمل
مالقيت فوصولي لغـير قــبري وصول
ولا عـرفت فـحياتي مثل عرفي الجهـل
لا تظـن المـسافر مـن يسوق الـرحول
مـن وقف دون حلمه عاجزٍ ما رحـل
وما لمخلوق منجا في الحذر والجـفول
مـا تـصيب السـهام ولا يـطـيـش الاجــل
الـلـيـالي خـــــوات.. مــير مـنـهـي البـتــــول
والحــوادث عـشــــايـر مـير ويــن الفـحـل
ليلةٍ لـك .. وليله بـالفـــرح مــا تـطـــــــول
ولـيـلـةٍ مـن شــهــدهــا ذب راس الــجبـــل
أتذكّر في عين الشمس طفــلٍ خـجـــول
شـالـتـه فــي هــدبــهــا وقـت لــين إشـتـعــل
أعجب الناس وهجـــه بالجــدل والفـضــــول
ما دروا عن (جمـــال الجـرح) لــين إنـدمــل
والله اني كتـبـتـه في العطــش والذبـــــول
لــين غــصــنــه تــعـــدل بـالــورق وإعـتــدل
والله إنـي كــتـبـتـه لــــين قـــــــال الجـهــــــول
شات
،
منتدى

والله إنـي كـتـبـتـه وانــتــشـى واحـتـفــل
ما أتفه الشعر كانه هالحكي اللي نقول
لا تـعـدى الــمــــديــح ولا تـعــدى الـغـزل
إن لثمت الزهــــــور وصــــاحبتني الحقــــول
مـاهقيت ان صافـي الشهـد عيب النحل
مابقى في ضلـوعي كود ريـح مـعـمــــول
وثــــوب شـاشٍ عـليه مــن النــدامـه وحــل
ألـتـفـت للـطــــريــــق ومــا عـــبر مــنــه زول
فـــي جـفــوني تـزاحم عبرتي والـوجــل
طـلـت يالعـمر والا قــلــعـتـك لا تـطـــــــول
طــاولــتـنــا الـلـيــالي بالـســــهــر والــمــــلـل
إن تـعـبـنــــا نـــحـب ولا لــقــيــنــا قـبـــــــــول
مـا تــسـر الامـــانـي .. ولا يـفيـد الـعــذل
لكن .. الله كريم وكل همٍ يزول
مـا على الله بعيد .. ولا جـفـاك الـمـحـل
كـل أرضٍ تشيلك .. يـا ثـقيـل الحمــول
وكل وقتٍ كريمٍ بالرضا والزعل

محمد بن فطيس