اكتب اسم شاعر واللي بعدك يجيب له أبيات على ذوقه

سعد علوش

سعد علوش

سعد علوش

إنـــــت غـــــــ ي ـــــر

حي منهو لا ذكرتـه دريـت أنـي بخيـر
صاحب لا شافنـي ضقـت منـه ضمنـي

يشتعل بي لين يطفا على العـرق الأخيـر
وأنثر له شـوق واليـا أنتثـرت أيلمنـي

يـا تنـداي الخليـه علـى طاقـة حريـر
يـا مخوفنـي وقاطـع رجـاي وممـنـي

يا أمل يا خيبتـه يـا متاهـه يـا مصيـر
خـل قلبـك لا تراخـا الزمـان أيزمنـي

ما بي الدنيا أبيك انت لانـك أنـت غيـر
جيت فحظانك طفل وأنت أبـوي وسمنـي

شوف فوق وغن بسمي على اللحن القصير
وخصني في كـل لمحـة غـرام وعمنـي

بشعـل الدنيـا عبيـر وبطفيهـا عبـيـر
ولا بناشد مـن مدحنـي و لا مـن ذمنـي

جيـث للدنيـا كبيـر وبفارقهـا كبـيـر
ومن زعل ما همني ومن رضى ما همني

اختار الشاعر /فهد المساعد

..~ تعال ~..


من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي
أمانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث أبوي و أسلافي
أمشي وأحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي




إلين ما أوحيت لي صوت يناديني
صوت أعرفه مثل ما أجهل وش خلافي
قمت أتلفت و انادي لا تخليني
ما غيره.. الصوت هذا صوته الدافي
ولمحت زوله من أقصى الدرب لافيني
مدري وش اقول لكن حي ها اللافي
تعال.. شف غيبتك كيف أثرت فيني
تعال.. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين أحس بليلك الظافي
تعال وشفيك خايف؟ أنت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان أنت حلم عثى فيني وأنا غافي
لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني
في خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي

فيصــــــــــــــــــل اليامي

غرورك أعماك تحلم تبني آمالك
نهايتك جت بيدك قبل تنهيني"

وين شاعرك كيان يالله اجبلك من عندي
قالت من انت وقلت انا انسـان عـادي مــن كــل خـيــر وشـــر تلـقـيـن فـيّــه
احـــب واكـــره واتـنـرفــز واعــــادي واحــزن وافـرفــش للـقـلـوب النـقـيّـه
واغـيــر واعـشــق واتـألــم وانـــادي واحــلــم وافــكــر فـالـحـيـاه الـغـبـيّــه
هــادي بـوقـت ووقــت مـانـي بـهـادي تـنـفـر شضـايـايـا شـضـيــه شـضـيــه
أحـيـان اطـيّـر فــي ربـيـعـي جـــرادي وانـسـف بـنـايـات الـهــوى بالخـطـيّـه
واحيـان مـا اهنـا فـي شرابـي وزادي اليـا جـرحـت انـسـان مــن غـيـر نـيّـه
وغريـب مـدري ويــن راحــت بــلادي ومــا للمحـبـه فــي ضـمـيـري هـويّــه
وشـاعـر واهـيــم بـكــل وادي ووادي واعرف وش اللي لي وش اللي عليه
لـو كـان شـعـري مــا يحـقـق مــرادي لـكـنّ يخـفـف مـــن حـمـولـي شـويّــه
وإنسـان عـنـدي فــي حيـاتـي مـبـادي خلّـيـتـهـا بــيـــن الـسـجـايــا سـجــيــه
وعنـدي عيـوب ولـي مـزايـا وغــادي عـشـان اغـطّـي كـــل عـيــب بـمـزيّـه
واكـبـر عيـوبـي يتـضـح فــي عـنـادي واصغـر عيوبـي نفـسـي الـلـي غنـيّـه
عشانـهـا مسـجـون سـجـن انـفــرادي لــو انّ مـفـتـاح الـسـجـن فـــي يـديّــه
وعلاقـتـي بالـنـاس حـسـب اعتـقـادي واضــــح ولـلـعـالـم مــلامــح خـفـيّــه
أمــــا بـيـاضــي بــــان ولاّ ســـــوادي لــهــل الـوجـيــه الـطـيـبـه والــرديّـــه
اكــره كــذا لـــون الـنـفـاق الـرمــادي الــلـــي يـجــرّدنــا مــــــن الآدمـــيّـــه
واحــب اكــون انـسـان فـعـلاً قـيــادي مـا احـب اكـون امـن الرعايـا رعـيّـه
مـمّـا تسـبّـب فــي ظـــروف ابـتـعـادي عــن اكـثـر العـالـم وصــارت قـضـيّـه
ونفسـي توايـق فـوق روس المـبـادي والـوقـت غــرّ اهــل الكـفـوف النـديّـه
ونـــارٍ تـشــبّ ولا شـعـمـهـا زنــــادي مــاهــي بــنــاري واللهايــــب مــدّيــه
والسـالـفـه ذاعـــت بـكــل الــــروادي وجتنـي علـى هـامـش خيـالـي صبـيّـه
قالت من انت وقلت انا انسـان عـادي مــن كــل خـيــر وشـــر تلـقـيـن فـيــه

</strong>
الشاعر فهد الشهراني

اسمح لي ابدي اعجابي بقلمك وتميزك واسلوبك الراقي وتالقك

((**حامد زيد**))

الجمهــــــرة

أي بالله أخطوا و الخطا اللي جابهم عين الصوابمبطي وأنا اشوف الطمع يكشف رداهم و استـره

مايملي عيون الحسود بها الزمن غيـر التـرابو من لايتوب من الخطا تحـرم عليـه المعـذرة

اللي من أولهـا خـراب أكيـد تاليهـا خـرابو البنـدق اللـي ماتثـور فـي هدفهـا تذعـره

ودّك ليامن جاتك الغلطـة مـن النـاس القـرابالصاحـب اللـي ماكسبـت محبتـه ماتخسـره

مشكلتي اني ماعرفت احسب لصدتهـم حسـابقلطتهم صدري على ذكـري قصيـد و حنجـرة

صوت يصول بمنبرة و اخطاب ما بعده خطـابو الطيبة اللي زعزعت صوت الخطيب و منبـره

مافيه دمعٍ صوبـوه أحبابـي بوجهـي و خـابو لا زرق حزني على غالـي و لا فـج انحـره

كل الزهاب اللي معي ذكرى من أصحاب الزهابو اللي بقالي من عذاب اشرس طريقي و اخطره

لأني تجنبت الغرق ..عديت من فـوق السحـابلأن أكثر اصحابي ورق ..ماشفت للطيب ثمـره

و الله ماحطيت بيـن الحقـد و الخـوه حجـابحتى غدوا ربعي يحدوني على الضيـق أشكـره

البارحة ثارت علـي رقـاب و آوتنـي رقـابالبارحـة ياثقـل دم البـارح و يــا محـقـره

أهب ياوجه الحسـد وشلـون جمعهـم و غـابكيف السنيـن اللـي عطتنـي بعثرتهـم بعثـره

أثر المصايب ماتجيك إلا مـن النـاس القـرابو بها الزمن حتى الخوي اللي تثق فيـه احـذره

لابارك الله فـي رفيـق تزعلـه كلمـة عتـابو لاجمَّـع الله الرجـال اللـي تفرقهـم مَــرَه

عـودت نفسـي كـل ماشـددت ليّمـه ركـابماأصد وجهي عن طريق إلا ليـا جبـت خبـره

الصاحب اللي مايجي من صحبته غيـر العـذابنذر علي إن ماهجرني و إلا انا اللي بـأهجـره

من يفتح لفرقاي باب أفـك لـه عشريـن بـابو إذا خويـي مايقـدّر خوتـي مــا أقــدره

إن روّحوا فأنـا بـري منهـم ليـوم الحسـابو إن جرّحوا قولوا لهم ماحركـوا فـيَّ اشعـره

شفهم لهم حول السنة و لاخـذوا منـي جـوابأحسـن دوا للـي يحـاول يستفـزك تحـقـره

أنا جمعت اوراقهـم بكتـاب و أغلقـت الكتـابيا وقت لـم اللـي تلمـه و انثـر اللـي تنثـره

ماكنت احاتيهم صغيـر ..عـاد احاتيهـم شبـابإن ما ذخرني صاحبي لليوم الأسـود مااذخـره

عقب اكتئاب البارحة ما عاد انا احمـل اكتئـابالطيب جرجرني و أنا مانـي بناقـص جرجـره

اللي يخاف من الظما يترك لنـا طـرد السـرابو اللي ماهو بقد الظـلام و وحشتـه لايسهـره

انا تجرعت الظما ليـن احتـرق وجهـي و ذابانا كسـرت بخاطـري قبـل الصداقـة تكسـره

أنا خسرت اللي غيابه غيـر عـن كـل الغيـابأنـا غفـرت لعالـم مـا تستـحـق المغـفـرة

أنا أكثر (انسان) تعلم من كثر ما أخطأ و أصـابأنا آخـر (لسـان) يتكلـم فـي زمـان الثرثـرة

أنا القصيد اللي نزع مـن دفتـره مليـون نـابوأنا الوحيد اللـي جمـع مليـون نـاب بدفتـره

جفني و جرحه السهر ,حيلي و هدته الصعـابدمعي هدر, ضحكي ندر, عمري و ضيعت أكثره

شيبت بعقول العرب ..هيبـت روس مـا تهـابجمهرت ناس عمرهـم مـا يعرفـون الجمهـره

ما صرت ذيـب إلا لأن اللـي حوالينـي ذيـابما كنـت أغيـب إلا لأن العفـو عنـد المقـدرة

ترى حلاتك لاحملـت لصاحبـك كلمـة عتـابأن مانطقـت بهـا بوجهـه مـا تذمـه بظهـره

في ها الزمن ما يملي عيون الحسود إلا التـرابو إلا الحظيظ ..الطلقة اللـي ماتصيبـه تذعـره

ودّك ليامن جاتك الغلطـة مـن النـاس القـرابالصاحب اللي ما كسبـت محبتـه مـا تخسـره

الأمــير



طلال العبدالعزيز الرشيد

الليله احساسي غريب

عاشق و انا مالي حبيب

حبيت .. كل الناس لاموني
حبيت كل احبابي باعوني
قلت احب الحب احسن
قلت احب الحب اضمن
لا احن ولا اتوه ولا بعد في يوم احزن

رضيت باقداري ونصيبي

صرت محبوب الحبايب

وصار كل عاشق حبيبي

الليله غير

شعوري غير
اشواقي غير
حتى الاغاني غير

صدري سما و احساسي طير

بس طيفك ما تركني

ظل ساكن تحت جفني
كان وافي
كان يذكر وانت جافي

انت وينك ؟

كان هذا الفرق ما بيني و بينك

جيتني تشكي الزمن

و جيتك أبي أدفى
لقيت في قلبي وطن

و لقيت بك منفى

جوري يطول بعمرك يارب


بس ما اخترتي
ـــــــــــــــــــ

انا بختار


الامير طلال العبدالعزيز الرشيد )

حنـا ولا مـن قلـت حنـا تحنـا
كل الكلام بعطر تاريـخ الاجـداد

المجـد هـم وهـام فينـا وغنـا
حتى علينا من على روس iالاشهـاد

يا كبر حـظ الـي نخانـا و ثنـا
نشد له فوق الفخر سـرج وشـداد

ان هلل التاريـخ غطـرف وطنـا
وان سولفو عنا رجاجيـل واجـواد

وان بان لك شمس ترى ذيك حنـا
نشرق مدام الظلـم ظلمـا وحسـاد

يا بنت يمي كـان رمشـك تمنـا
اشق لك ثوب السماء جود وعنـاد

واشدلـك زمـلً جفـن المعـنـا
واسري بوجهك لاغشى وجهي سهاد

يا حلـو قـدك يـوم قـدك تثنـا
محدا تغنى فيك من خوف الالحـاد

حنـا البـدو يابنـت هـذا لحنـا
نحبك اكثر لاغـدى حبـك جهـاد

وحنا البدو يا بنـت لامـننخنـا
بناتنـا يثالـث العيـدالاعـيـاد

وحنا البدو يابنت وان قلـت حنـا
فاح الكلام بعطر تاريـخ الاجـداد

عليه رحمة ربي ...}


الشاعر حمد البريدي ...