اكتب بيــــت شعر يعبــر عنك في هذه اللحظه

بِينْ تقبِيلْ الغيآبْ و بينْ هَزَّآت الْحَنينْ :
يرتعشْ حِسْ الشمُوخْ وَ يحتِرقْ فيهْ الولهْ !
بِينْ تَوديعْ الأَمَآنيْ وَ أجملْ أحلآمْ السنِينْ :
أجوِبهْ بآتتْ مُحآلْ و أسئِلهْ في أسئِلَهْ !

‏ماخلقنا الله نداري في بشرها
ومـا تـربينا نبـادل المـلامه
من بغانا يـاخذ العيـن ونظرها
ومن جفانا رافقتة السـلامه 👍🏻🌸

مستعد أصبر على فقدك و أكابر
و أبلع العبره و أغمّض عن طيوفك
بس عطرك و الله أليا مرّ ... عابر
كنّي ألمس راحة يدينك و أشوفك

لحدن يكلمني ترا خاطري شين
ضايق وبي تسعه وتسعين عله
هذي ثلاث ايام ما نامت العين
اصبح بهمي واسهر الليل كله
لعبت بنا الدنيا وصرنا مساكين
والوقت ضايقنا وصرنا عشاً له

ياليت قلبي مثل قلبي وانا صغير
لا جاني النوم نمت وطابت ايامي
يانوم قل لي .. وش اللي فيك متغير
لا الوقت وقتك ولا احلامي هي احلامي

جفت اقلامي وعيني هلت الدمعه
عليك ياللي افراقك هو سبب دمعي

لا صار أعز الناس يلوي ذراعك
لا عاد ترجي من ورى عشرته خير

. ارفع على متن السفينه شراعك
و ارحل على متن البحر والمقادير

الواجب انك بعد كسري تداويني
لاتكسر انسان ماتقدر علي جبره

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ما كل من ينظر لك احيان يبغيك
ولا تحسب انه يا عزيزي مشبّه
يمكن فقد له شخص ملامحه فيك
هذي عوايد فاقدين .. الاحبهّ