رواية جرح عاشق

(محمد)فتح عيونه مستغرب: نعم



(رغد)عصبت من نظرته: نعامة ترفسك خذ لا تتعب يدي



(محمد)اخذ الكيس: اخاف سم



(رغد): لو ابي اسمك كان سميتك بس ما ابي مو عشانك عشان سكون



(محمد): حدك جريئة



(رغد)ببرود: شكراً



(نوف)بلقافه: و وقحة بعد



رغد ما تحملت كلامها و عصبت



(رغد): مو مثل وقاحتك



(نوف): على الاقل اني ما اكلم ولد ما اعرفه ولا يعرفني ولا واعطيه هدايا



سكينة كانت بتتكلم بس رغد سكتتها



(رغد): من قال لك اني ما اعرفه و بعدين اني عطيته هديه ما عطيته بوسه



(رما)ما تحملت قامت تضحك: هههههههههه



(نوف): انتي وحدة قليلة ادب



(محمد)ما تحمل يسكت: اقول قبل ما تشوفي عيوب غيرك شوفي عيوبك .. هي ما قعدت قدام الرجال بعباتها المفتوحه و المكياج ولا تتلزق في الناس



(نوف) انقهرت من كلامه لانها عرفت انه يقصدها: اشوفك حبيتها



(محمد): مو سالفة حبيتها بس يكفي اوضح لك انها عفيفه



(نوف)سكتت لانها ما تعرف شنو تقول: .............



(سعاد)عصبت: تهين بنتي قدامي يا محمد و عشان من عشان وحدة لا راحت ولا جت



رغد انقهرت من الكلام و طلعت برا البيت و دموعها على وجها سكينة على طول ركضت وراها



(محمد)معصب: بدال ما تتكلمي على بنات الناس تكلمي عن بنتك



و طلع ورا رغد



(سكينة): رغد لا تهتمي الى كلام خالتي هي كذا مثل بناتها مفكره نفسها شي كبير



(رغد)تكلمت ودموعها على خدها: ابي اروح البيت



(سكينة)عصبت: نعم انتي مجنونة اقول لك لا تهتمي لكلامها



(رغد): ماني ابي اروح البيت



(محمد)جا: يلا ارجعي البيت ولا تهتمي لكلامها تدري الكبر شين



رغد زاد بكاها



(محمد): خلاص عاد ما قمتي تسمعي الا الى مخرفه يلا ارجعي



(رغد): ابي اروح البيت



(سكينة)ْ: لا



(محمد): اخاف ارجعك بصياحك اخوكي يذبحني ... يلا بلعب معاكي بلاستيشن و بهزمك



(رغد)وهي تمسح دموعها: تحلم اني الي بفوز



(محمد): خلنا نروح و نشوف



رجعو البيت و طبعاً سعاد و بنتها راحو بيتهم و محمد قعد يلعب مع رغد و سكينة و رما و دلع حتى وائل الي رجع من الشركة تعبان كانو اشجعو و الام تضحك عليهم


00000000000000000000000000000000000000

اليوم يوم كانت ريم و وائل ينتظروه من زمان



(ريم)وهي متوترة: ياربي صايره قبيحة



(رما)تحاول تهديها: ريم والله انك تجنني



(سكينة): أي والله تهبلي الله يعين اخوي



(فاطمة): هههههه بخلي الزواج بكره



(الكل): ههههههههههه



ريم كانت تهبل لبست فستان قصير من قدام و طويل من ورا كان من جهة الصدر مفتوح و كان لونه اسود و بنفسجي و مع مكياجها الصارخ كانت تهبل



اما رما لبست فستان قصير لفوق الركبه لونه فوشي كت و فيه شريطه حمره تحت الصدر وفيه بروش اجنن على شكل قلب كان مكياجها ناعم مناسب لفستانها و شعرها كانت مسويه فيه تسريحة خفيفة



و سكينة كانت لابسه فستان قصير تحت الركبه ابيض و ناعم حده هو مجرد مطرز بخرز ذهبي عشكل ورود و مكياجها بعد ناعم و شعرها مفكوك و مسويته سرميك



فاطمة كانت لابسه فستان لونه عنابي ناعم بعد رقبه و مفتوح من جهة الصدر وفيه بروش على شكل وردة و كان مكركش من تحت و مكياجها غامق و حلو مناسبنها و شعرها مفكوك و مستشور وماسكه نصه بشباصه حلوه



و غاده لبست فستان ذهبي قصير رقبه مسكر من جهة الصدر و مقصوص من تحت قصات حلوه مكياجها كان ناعم و شعرها مفكوك



و الهنوف لبست فستان طويل كت ناعم لونه اسود و ازرق مفتوح من جهة الفخد مكياجها غامق و شعرها مفكوك


طبعاً سعاد و بناتها ما جو بعد الي صار



(فاطمة): من بروح معاي نتجسس على الرجال



(ريم)معصبة: قعدي مكانك و بلا خبال



(سكينة): ما عليكي منها يلا خلينا نروح



(غاده): انتظروني بروح معاكم



(الهنوف): مجانين قعدو بلا هبال



البنات حقرو الكل و طلعو عند الحديقة و قعدو يتجسسو من النافذة الي تطل على المجلس



(فاطمة): ياربي مو قادره شوفي محمد بالثوب و الغتره اجنن ياربي يهبل احلى من المعرس



(غاده): فطموه شوفي ذاك الي قاعد جنب وائل يضحك هههه



(سكينة): شوفو شوفوهذاك اني اعرفه اخو رغد صديقتي ياربي يجنن حلو بالثوب



(....): مو عيب عليكم تقعدو تتجسسو على الرجال



البنات خافو يدورو ورا وشوفو من الي يتكلم



(...): كان انتظرتوني اتجسس معاكم



(سكينة)لفت: رغود تعالي شوفي



(رغد): هايو



(الكل): هايات تعالي شوفي



و قعدو اطالعو


000000000000000




داخل المجلس



(محمد): انا حاس بحركة غريبة



(فيصل): متأكد؟



(محمد): اكيد البنات الملاقيف بروح اطيح قلوبهم



(فيصل): لا تقصر فيهم هههه



(محمد): ولا اهمك


000000000000000000




(فاطمة): وين قام محمد؟



(رغد): اذا كنا معاهم تعالي اسألينا



(غاده): هههه شوفوفيصل خايف الغتره تطيح من على راسه



(رغد): اني بروح اسلم على العروس باي



(البنات): باي



بعد ما راحت رغد



(سكينة): شوفي اخو صديقتي اجنن



(...)بصوت حاد يخوف: احلفي و اصدقك

(سكينة): يلا عاد رغود مو تقعدي تخلعي فينا باخت ... ترى مو مجامله بس اخوكي حلو طالع هيبة اجنن .. ما تعرسيني اياه
(غاده): و تعرسيني على صديقه
(فاطمة): من ذاك الي قاعد جنب اخوها
(سكينة): بقول اسمأهم
(....): نواف و ناصر
(سكينة): ناصر اخوها
(غاده): ياربي نواف اجنن حده كشخه
ما حسو الا بأيد تباعدهم عن النافذة لما لفو و شافو الي قدامهم تجمدو مكانهم من الاحراج
(محمد)معصب: ما تستحو انتو جد قليلات ادب
(سكينة)وعيونها في الارض: احنا كنا نبي نشوف فعاليات الحفلة عندكم
(محمد)عصب زياده و عيونه صارت حمره: لا جد و كل وحدة تتغزل في واحد ... لو واحد من الرجال شافكم شنو بقول عنكم؟
(غاده): هذا انت شفتنا
(محمد)بصراخ: ولك وجه تتكلمي
(فاطمة)خاقه فيه كان اجنن بالثوب اهبل تكلمت بصوت ادوخ: حمادي صاير تجنن
(محمد)طارت العصبية و قام افهي: هاه
غاده و سكينة جتهم الضحكة لكن ابتسمو عشان ما يرجع يعصب
(فاطمة): اقولك انك تهبل تخبل بالثوب
(محمد)كان اطالع في فاطمة سرحان فيها بس ابعد عيونه عنها و قال بصرامة: يلا ارجعو عند الحريم ولا عاد اشوفكم تعيدوها والا صدقوني بقص رجايلكم المستانسين فيها و مطلعينها
راحو البنات وظلت فاطمة
(محمد): وانتي بعد ليه واقفه؟
(فاطمة)قربت من اذنه و قالت بصوت ناعم: احبك
و مشت اما محمد قام احاول يتنفس لانه بعد هل الكلمة انقلب فوق تحت ولكن بعد ما هدى رجع الى الرجال
0000000000000000

(فيصل): هاه من؟
(محمد): من بعد البنات
(فيصل): هههه ياحبهم للقافة
000000000000000000000

عند البنات
(فاطمة): احلفي و اصدقك
(الهنوف): والله
قامو البنات حضنوها و باركو لها
(ريم): متى الخطبة؟
(الهنوف): الاسبوع الجاي
(غاده): مو تنسي تعزمينا
(الهنوف): افا انتو اول ناس و معاكم رغد بعد
(رغد): تسلمي والله
(دلع)دخلت: اقولو ريم انزلي عشان توقعي الكتاب
(فاطمة): طيب
هدو ريم اشوي و نزلو و وقعت الكتاب و قامت الزغاريد و التباريك و دخل وائل ولبسها الشبكة و قبل ما تبقى مع وائل بحالها
(فاطمة): لا تخافي ما بتكوني بحالك بقعد اتجسس عليكم
(ريم): لو سويتيها براويكي شغلك فاهمه
(فاطمة): ههههه بس مو تتحمسو و تسو شي ثاني
(ريم): سكري فمك احسن لك
000000000000000000

طلع الكل و بقت ريم مع وائل
(وائل): انتي تجنني
(ريم)بصوت خجول: انت الي تجنن
(وائل): ليه خجلانه مني؟ لما كنت اكلمك على التلفون ما كنتي كذا
(ريم): ههههههه
(وائل)قرب من ريم و باسها على خدها وقال بهمس: انا متحمس لبوسه ثانية
(ريم)خافت يسويها بعدت عنه: خلك بعيد
(وائل): ههههه لا تخافي ما ببوسك على فمك احين بس بعدين بسويها
(ريم)ببتسامة تدوخ: خلاص ترى جد استحي
00000000000000000000000

(رما): فطوم اكيد تحوم في كبدك
(فاطمة): اكيد ابي اعرف شنو يسوو
(غاده): اوه تعبانه حدي
(فاطمة): صحيح اني بجي معاكم بيتكم
(رما): حياكي
000000000000000000000

بعد ساعه فاطمة رجعت مع بيت عمها بيتهم اما وائل ما رجع الا الفجر

0000000000000000000
الساعة 8 الصباح في بيت ابو وائل
فاطمة نزلت المطبخ تشرب لها ماي و كانت لابسه بجامه سوده و فيها دبدوب ازرق
(فاطمة): ياربي اكيد محمد نايم احين .. اف ابي اشوفه
(...): لفي و تشوفيه
(فاطمة)لفت و بتسمت: ههههه شكلك اجنن ولا لابس بجامه مثل لون بجامتي
(محمد): ههههه شفتي الصدفة
(فاطمة): صباح الخير
(محمد): صباح الحب
(فاطمة): يلا بايو لا احد يشوفنا
(محمد): انا بكره بسافر
(فاطمة): خير؟
(محمد): بروح دبي
(فاطمة)عصبت: اها يعني ... عشان تشوف البنات
(محمد): ههههه و ايش لي بالبنات اذا عندي احلى بنت في العالم
(فاطمة): صدقتك
(محمد): و اول ما اجي حتى ما برجع البيت بروح بجي على طول بيتكم و بخطبك من ابوكي
(فاطمة)شقت الابتسامة وجها: جد احلف احلف
(محمد): والله
(فاطمة): و متى بترجع؟
(محمد): بعد اسبوع
(فاطمة): يعني ما بتروح الى حفلة الهنوف
(محمد): لا ما بروح اساساً هي قالت لي لا تجي بعدين تسوي لي مصيبة .. لاني ما اطيق عمها
(فاطمة): اها
(محمد): بقت بس ايام و اخطبك
(فاطمة)ابتسمت: احبك ... احبك
000000000000000000

في بيت ابو فيصل



(فيصل)توه قاعد من النوم نزل الصالة و شاف امه: صباح الخير يا اغلى انسانه



(الام): صباح النور يا قلبي



(فيصل): الا وين الجنية فطوم غريبة مو قاعده



(الام): راحت بيت عمها



(فيصل)عصب: خير.. وانتي كيف سمحتي لها



(الام): ليه ... عادي خلها تروح



فيصل ما قدر يكمل كلامه و سكت


0000000000000000000000



جا اليوم الي بسافر فيه محمد الكل اودعه و يحضنه و طبعاً اول من يودعه هي فاطمة


00000000000000000000000




وصلو دبي


في الفندق



(ناصر): حرام عليك الي سويته في المضيفة



(نواف): هههههه



(محمد): تستاهل نافخه نفسها مدري على شنو



(نواف): بس طيحتها ابداع ههههه



(ناصر): جد كان شكلها تحفه بس تخيل لو كانت حامل



(محمد): اف خلاص نصور هي ما كانت حامل


00000000000000000000




بعد ثلاثة ايام



(سكينة)وهي خايفة: رما لما يعرف محمد شنو راح يسوي



(رما)تطالع في ختها بحزن: مدري



(سكينة): طيب ليه كذا؟



(رما)منهاره من الصياح: مدري .. لا تسأليني


0000000000000000000000




(ريم)بخوف: فاطمة متأكدة من قرارك



(فاطمة)بدون اهتمام: يب .. ما في احد يقدر يغصبني



(غاده)مصدومه: بس ..



طالعت فيها فاطمة بنظرة سكتتها


0000000000000000000000



عند محمد



(ناصر): مخطط لها الاخ



(محمد): اكيد



(نواف): مبروك مقدماً



(ناصر): ما ببارك لك الا لما اتأكد و تروح تخطب



(محمد): براحتك بقوم انام بايو



(الكل): بايو



بعد ما راح محمد



(ناصر)بهمس: نواف .. نوافو



(نواف): خير



(ناصر): بقول لك شي بس مو تضحك



(نواف): كلي اذان صاغيه



(ناصر): انا احب



(نواف)توسعت عيونه استغرب: من؟



(ناصر): اقول لك بس مو تضحك



(نواف): اخلص



(ناصر): اخت محمد



(نواف)احط ايده على فم ناصر بسرعة: مجنون انت صدقني لو سمعك بيذبحك



(ناصر)يبعد ايد نواف: ادري و هذي المشكلة



(نواف): لا هي مشكلة ولا شي .. بكل بساطة روح اخطبها



(ناصر): تتوقع محمد بوافق



(نواف)ضرب ناصر على راسه: غبي .. وهو ايش اخصه



(ناصر)احط يده على مكان الضربة: أي ترى جد تألم



(نواف): تستاهل



(ناصر): و انت ما تحب؟



(نواف): هههه ... بلى



(ناصر)طب في وجه نواف: ايه من ؟



(نواف): بنت خالي



(ناصر): كيف شفتها؟



(نواف)ضرب ناصر مرة ثانية: عيب



(ناصر): انت ايش فيك تضرب فيني



(نواف): كانت صدفة



(ناصر): ايه



(نواف)يصرف: انت قول كيف شفت حبيبتك



(ناصر): ادري انك تصرف .. بس بقول .. فتحت لي الباب و تهاوشنا هههههه



(نواف): ههههههه مسخرة



(ناصر): لا تفكرني نسيت قول وانت



(نواف): كانو البنات يستهبلو و يلعبو كورة طائرة و جت الضربة على راسي ...



(ناصر): وانا اقول ليه متحلف في راسي.. أي كمل



(نواف): هههه بس جت خايفه و قعدت تتأسف و لا اخذتني تتفحص راسي و هكذا



(ناصر): لوحدكم عيب



(نواف): تقلع


000000000000000000000000000000

بعد اربع ايام يوم رجعت محمد كان محمد فرحان و اخيراً بيخطبها اخيراً بتصير له كان طاير من الفرحة اول ما نزل من المطار ركب تكسي وعلى طول مثل البرق لبيت عمه و ليته ما راح دخل المجلس استغرب لما شاف ناس كثير ما يعرفهم في المجلس راح سلم على الرجل و جلس جنب فيصل الي كان وجهه مخطوف و كأنه في عزا



(محمد)يهمس: هايو



(فيصل)ابتسم غصب: هلا الحمد لله على السلامة



(محمد): ربي يسلمك .. من ذولا؟


000000000000000000000




(ام وائل)وهي خايفة: وين محمد ليه ما جا لين احين



(رما): اماه اهدي



كان البيت كأيب جداً كأن ميت عندهم احد كان هدوء و كل الي في البيت وجوهم صفرا وخايفه


000000000000000000




(محمد): فيصل .. قول من ذولا؟



(فيصل)بصوت حزين: اهل ... اهل خطيب



(محمد): خطيب من ؟... افا تخطبو بدون ما تقولو لي



(فيصل)كمل بصعوبة: اهل خطيب فاطمة



محمد اختفت ابتسامته و وجهه شحب و صار اصفر وجسمه قام يرتجف و عيونه حمرة من الدموع الي احاول انها ما تنزل مو مصدق الي اصير حبيبته



(محمد)بصوت مخنوق تكلم بصعبة: فيصل انت تمزح صح .. قول هذا مزح



زادت نبضات قلبه من سكوت فيصل تأكد ان الكلام صح قام بصعوبة بدون ما يحس دخل الصالة و شافها قاعده قدامه



(فاطمة)وهي فرحانة لانها شافته مذلول: ايش رايك في المفاجأة .. عجبتك



(محمد)و شفته ترتجف قال بصعوبة بعد ما بلع ريقه: ليـ ليه كـ ـ ذا انا ايش سويت لك



(فاطمة): تتذكر ذاك اليوم لما قلت لا ارمي نفسي عليك .. احين بقول لك لا ترمي نفسك علي



محمد حس انه جد مخنوق حبيبته واقفه و تذله حس بدوخه و راسه بينفجر مشا بصعوبة للباب و طلع الشارع ما قدر يشوف شي مو مصدق الي صاير له بس يشوف شكل فاطمة وهي تقوله هل الكلام ما شاف وحس الا بشي واحد وهو مرمي على الارض و الدم ينزف و الناس متجمعة عند راسه

في المستشفى



فتح عينه بصعوبة متأمل انه حلم فتح عيونه



(رما)بصوت خفيف و مخنوق وهي تمسح على راسه: انت بخير؟



(محمد)يتكلم بصعوبة: فـ فـ فاطـمة .. و وين فاطمة



نزلت دمعت رما غصب عنها



(وائل)بصوت حزين: خلاص يا محمد .. انساها



نزلت دموع محمد بصوت حزين جداً قال: يعني جد الي صار



وائل هز راسه بأيوه غمض محمد عيونه بألم بعد اسبوع في بيت ابو وائل


وهم اشاهدو تلفزيون


(رما): سكون شوفي شوفي ههههههه



(سكينة): ياربي اغبياء ههههه



الكل يشاهد و فرحان الا محمد كان دايم سرحان و حزين ما يقدر ينسى صعب ينسى انتبهت رما لاخوها الي من كم يوم كسر الغرفة من حزنه تحس ان قلبه ينزف تحس فيه



(رما)تبي تطلعه من الي هو فيه: محمد تبينا نغير



محمد ما رد عليها و لف وجهه و قام رما طالعت في وائل بمعنى قوم شوفه



لحقه وائل و دخل معاه الغرفة



(وائل): محمد خلاص عاد لا تهمك



(محمد):................



(وائل): طيب ايش رايك تتزوج ؟



(محمد)طالعه بستغراب كانت عيونه سوده من كثر الحزن و نومه قليل و جسمه نحيل قال بغصه: تبيني اخذ غير فاطمة .. مستحيل



(وائل): انساها .. هي كملت حياتها بدون ما تفتكر فيك .. خلاص انسى ... طيب انت فكر في الموضوع



بعد اربع اسابيع كان الكل فرحان رجعت الضحكة للبيت الا محمد كان افكر في الي بصير راحو المعازيم و بقى معاها لوحدهم في البيت هذا فرح أي معرس الا محمد



(...)لما شافت وجهه استغربت: انت مغصوب علي؟



(محمد)طالع فيها و بتسم غصب عنه هل البنت ما لها ذنب كان يصرخ اه من داخل مو قادر ينساها بس هذي البنت مو مسأوله عن الي صار له: لا مو مغصوب



(...)ابتسمت بخجل: ليه مضايق؟



(محمد)قرب منها و باسها على خدها و قال: مو متضايق .. يلا رغود روحي بدلي هل الفستان مو قادر اقعد جنبك .. و تجهزي



(رغد)بخجل و ابتسامه: ان شاء الله



محمد ما نسى فاطمة وجرح قلبه ينزف بس ما يبي اعذب البنت الي ما لها ذنب







النهاية

يعطييكك الف الف عافيييه

المشاركة الأصلية كتبت بواسطة خفايا الشوق

يعطييكك الف الف عافيييه

الله يعافيك
منووره

تسلمي