اكتب اسم شاعر واللي بعدك يجيب له أبيات على ذوقه

تفضلي همسه ،
وهاذي أبيات للشاعر علي عسيري

أحيان يعجبني الزعل
واحيان مااريده !

واحيان ياخلي الزعل
أطلبك انا تزيده

مدري وش اللي أبيه !!


ضايع مابين أمرين
الحلو فيهم ألم
والمُر تدري به .



حالة غريبة عشتها لحالي
مابين شوقي وبين غربالي
طاري رضاك الهاجس الغالي


أما زعلك
الله لايجيبه .




مرات اخاف واكتم أشواقي
ومرات أجازف واكشف أوراقي



حيرة غريبة طعمها راقي
مابي الزعل فيها وراضي به !!



مدري وش اللي أبيه
ضايع مابين أمرين
الحلو فيهم ألم
والمُر تدري به !

أحيان يعجبني الزعل
واحيان ..... ما اريده .!

اللي بعدي لاهنت لـ { فهدالمساعد }

تفضلي ياغاليــه..
.
( صدفـةْ ) للمبدع / فهد المسـاعد

::

الشوق ماله عمر , يفنى وينعاد
له في الضلوع أن عاد وأن غاب رجفه
مع كل فرقا , له ورى الجفن ميلاد
وأن ماتت الفرقا لقى الشوق حتفه
جيت أقتل الفرقا من بلاد لــ بلاد
ملّ الطريق يشيلني فوق كتفه
وأنا بعد مليت من كثر ما أرتاد
هالشارع اللي كان لك فيه شرفه
تظمأ عيوني شوفك , وتشبع سهاد
عيّا الزمن يقطع ظماها بــ رشفه
لاوجهك أسقاها , ولا ذاقت رقاد
ماغير طيفك , طيفك اللي أعرفه
كنّه ظبي , وعيوني ظلال صيـاد
يجفل قبل يرتد للجفن طرفه
مشكلته أنه كل ما أشتقت يزداد
حتى ملا جدران وقتي وسقفه
وأصبحت أشوفه فــ أول الغيم لاجاد
وفــ أقصى الشفق لاطاحت الشمس خلفه
وفـي الأرض لانامت عقب صوت رعاد
وفي كل شباك ٍ صحت منه درفه
أتعبت طيفك لوم , واللوم مافاد
ويوم الأمل في شوفتك مات نصفه
نويت أسافر عنك بجروح ٍ جداد
وعمر ٍ من أوراق الزمن حان قطفه
نويت , لكن جابني الشوق منقاد
وجابك حنينك , والزمن سال عطفه
شفتك تبــسّـم لي خجل مدري عناد
وفي نظرتك شوق ٍ من الظلم وصفه
حسيت كني طفل , وعيونك أعياد
ياعيدي اللي له ورى الصدر رجفه
سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه

المرحوم/ طلال الرشيـــد

أبشري مدام لطلال الرشيد الله يرحمه ،

علمتني و شلون أحب
علمني كيف أنسى
يا بحر ضايع فيه
الشط و المرسى
علمتني و شلون أحن
علمني كيف أقسى
سيّر علي .. بس أمسح دموعي و روح
سيّر علي .. جب لي معك قلبٍ و روح
سيّر علي .. إذا تذكرت الجروح
يا طاغي النظرة خطا
تجزى بها البخل العطا
و أنا اللي أهديتك أمن
عين و جفن
هذي فراش .. و ذا غطا
يا جرح
من وين أبتدي؟
و انتَ معي من مولدي
و عيّت يدي
على وداعك تهتدي
بس أنت علمني الجفا
دامي عجزت
أعلمك كيف الوفا
علمتني كيف السهر
و نسيتني الممسى
علمتني وشلون أحب
علمني كيف أنسى ؟ ؟!!


اللي بعدي .. إياد المريسي لاهنت ،

تفضلي عزيزتي

::

يموت من الوجع شاعر ولا تموت المشاعر فيه
..................واخاف أموت في الغربه ولا تدرين عني مت


صحيح اخطي ومن حقك تقولي كل شي راضيه
..................ولكن اسألك باللي جمعنا لا تقولي خنت


قسم بالله يرعبني فراقك رعب...لا تطريييييييييييييه
..................وقسم بالله قبل اللي كتبت الحين ما قد خفت


احس البرد يمضغني واعرف البرد ما تقويه
..................امانه لا تخليني اعيش الخوف يكفي عشت:


سنيني كلها بين القصايد والبكا والـ هيييه
..................مـ غير احسب وش اللي ضاع مني بالدموع وصمت


سواليفي كثيره بس الاكثر ما بعد شفتيه
..................كثر ما مرني من ضيم في عمري وما قد شفت


اخذني الحزن من يدي وهدهدني على كفيه
..................وعلى غير البكي واللي جمعني فيك ما قط نمت


تري قبلك تصنع قلبي الفرحه وهي تنفيه
..................قسم بالله لو تدري كثير اللي لهم افرحت


لقيتك يا بعد عمري مسافة درب قلت امشيه
..................وركضت اجمع لك احلامي من دموعي ولا وقفت


كثير اغفى عشان احلم تقولي لي :احبك ايه
..................واقوم اعاتب عيوني وانازعها عشاني قمت


اذا قبلك تعلمت الوفا والصدق اخونك ليه ؟!
..................اخون شلون يا عمري وانا عمري ابد ما خنت؟!

للشـاعر/ عبدالكريم الجباري

تفضلي ي/ـآنيقه ’,
مع السلامه مابقا لك معـي شيـن
كود الغـلا لاتاخـذه لـو تكرمـت
كانك تبي بالدين خذها على الديـن
وكانك تبيها بالعقل .....?ماتندمـت
لاني عرفـت ان كلبونـا مساكيـن
ياما على حالي وحالـك ترحمـت
فكر وشوف دروب قلبك على وين
وشفيك طالع طقتـك... ماتعلمـت؟
والله صافطلك وشفـت الطريقيـن
ماني عـدوّك لـو كـذا ماتكلمـت
يابوي ربي ماقسـم بيـن الاثنيـن
وش حيلتي يامـا ويامـا تعشمـت
مبطي وانا من عام تسعه وتسعيـن
ايه اعترف عن شوف غيرك تلطمت
لا عاد لي قلبن ولاعاد لـي عيـن
ايه اعترف والعـام هـذا تفهمـت
حطيت نفسي بعدهـا بيـن قوسيـن
عرفت بأنـه حلـم لـو ماتحلمـت
نضحك على انفسنا واحبك وبعدين؟
لاعاد ترجـع للـورى ولاتقدمـت
يابـوي والله كلبـونـا مساكـيـن
مع السلامه واتركن لـو تكرمـت
للشـآعر : فهد ـآلشهرـآني’,

أبشري رهينه ،
هاذي قصيده للشاعرفهد الشهراني ،

عمر المحبـه ماتجافـي الحبايـب

بس الحبايـب للمحبـه يجافـون

وعمر الهجر ماكان وصل القرايب

واهل القطيعه بالمعيبات يطـرون

أبشتكي همٍ عـن النـاس غايـب

وأقول فزّوا ياهل العـون بالعـون

إن كان حبي له يجي بالمصايـب

بلاااااااش من حبه على مايقولون

((صدّيت خوفي لا تزيد النشايـب

وأخذت في جنبي وأنا كلي طعون))

مااضّرني برد الشتـاء ياهبايـب

الصيف في قلبي من العام مسجون

ماشفت قلبي بين الاضلاع ذاايـب

لأني احـس وغيرنـا مايحسـون

ودموع عيني كنها دمـوع تاايـب

تذرف دموعه كل ما جو يصلوون

ماني بشايب لكن الـراس شايـب

شايب من الي شفت ولي يسوون

أعطيتهم عمري وروحي وهايـب

وأشوفهم مع مر الايـام يقسـون

ناديتهـم يانـاس مانـي بطايـب

ردوا علي يانااس تكفون تكفـون

حثوا على الدرب الطويل الركايب

ولا التفت واحد من الـي يقفـون

لكن عرفنا في الاخيـر السبايـب

عطيتهم من فـووق مايستحقـون

الكفو يبقـى والزلايـب زلايـب

يالله عساهم من حيااتـي يولـون

أبيات للشاعر حمد السعيد ،

قصيدة يا معذبتنا

يا معذبتنا ليش زولك فقدناه
عن شوفتك بديارنا ما سمعنا
حتى الأثر علي الثرا ما لقيناه
نطرش ومثل اللي طرشنا رجعنا
الحين تنشد عن غيابي ودعواه
وين أنت يوم أنا جموع اندفعنا؟
لدياركم لين النصيفة فقدناه
والآ انه أكثر لين منها جزعنا
اللي ذبحك بالرمي كم نصحناه
وكانه شبع من شوفكم ما شبعنا
ليش نتحمل في زمنا خطاياه ؟!
والمشكلة هو السبب في ولعنا
اسكت ومثلك ناقل داه برداه
لو يحصل لك أنت وغيرك قطعنا
والله يالولا الثلج والبرد لولاه
ما جيت خدٍ به تدوّس شمعنا
حنّا ترانا غير عنهم وفرقاه
راعي الرّمي ننفيه لا اجتمعنا
كم واحدٍ يخطي ويرمي وننهاه
ونفشله في رميته لا اجتمعنا
وش لون اصدّق حكيك اللي سمعناه
يا شاعر كم ضرّنا ما نفعنا
بالشعر هيّضت المولع وتنخاه
من سبّتك في بركّم ما هجعنا
من حبنّي لك اكتب الشعر وانقاه
واوصف هددنا لين كل تبعنا
ما هو بذنبي يوم زنتي بمرماه
ولا هوبذنبي كان مثله خدعنا

اعذروني الابيات مي كامله
ابيات للشاعر/ صالح السكيبي

كثرماللفرح بسمه كثرماللحزن الوان"
"كثرما تكسر الدمعه شموخ الذات وتذله
كثرماللسهرمرسى بجفن العاشق الحيران"
"كثرما للنوى قصه معه والراوي المله!!
كثرما لوعة الفرقا تشاف وتنقري وتبان"
"علىوجه المفارق والجروح قدام ومجله
كثر ما اشقت الغربه مسافر راجعٍ ولهان"
"كثر ما حن لبلاده كثر ما فيه من عله
كثرما يبتسم طفلٍ نهار العيد به فرحان"
.........................الخ

●
●
●
الشاعر فيصل العدواني

تمهل قبل لا ترحل .. و خذ معك السهر يآ صآح

و نــوحٍ مــآ طــوى يـاسـي.. وقصـيـدٍ مـلَّــه الـدفـتـر

عسـآي لـيـا ابتـعـد زولــك أطـيـب وخـآطـري يـرتـآح

و أقول : ان الزمـن وفـىَّ..و لـو ان الزمـن قصَّـر

تعبت أضحك على نفسي وأقـول : الهـم عنـي زاح

و تعبت ابحـث عـن الحلـم الكبيـر اللـي بـك تكسـر

و تعبـت أداري احسآسـك و ظلمـك دآخلـي يجتـآح

سلـب ابسـط طموحاتـي و أقـول تـهـون.. وأتصـبـر

ولكـن مـا نفـع صبـري .. وحظـي لـو رفعـتـه طــاح

وعرفـت انـك نهـآيـة حــب .. ودرب للشـقـى أغـبـر

و عـرفـت انــك لـيـا مـنـك خطـيـت تـطـري الـمـروآح

وخـطــاي انـــي لـيــا مـنــك خـطـيـت اجـيــك واتــعــذر

افــــآ والله حـبـيـبـي مــــا هـقـيـتـك تـنـكــر الــلــي راح

ولا ظنـيـت فـــي لـحـظـه يـجــي لـــك يـــوم و تتـنـكـر

حسبتـك ليـا ارتطـم مــوج الـفـراق و ضـيَّـع الـمـلاح

تـكــون بعـيـنـه الـمـرسـى .. ولــكــن كــنــت تـتـكـبـر

حسافـه يـا السنيـن اللـي قضيناهـا حـزن و أفـراح

ابــــــد مــــــا مــــــرت بــبــالــك ولا حــبــيـــت تــتــذكـــر

واذا هـــــذي نـهـايـتـنـا ابـشــعــل لـلـجـفــآ مــصــبــآح

و ببـقـى الشـآمـخ الـلـي مــا نـكــر ذاتـــه ولا تـغـيـر

و لكن .. قبل لا ترحل اخذ معك السهر يآ صـآح

و نــوحٍ مــآ طــوى يـاسـي.. وقصـيـدٍ مـلَّــه الـدفـتـر

الامير الشاعر بدر بن عبد المحسن

السلام عليكم خيتي صراحة موضوعك مرة

نايييييسسسس


انا ابي الشاعر محمد بن فطيس