رواية اخاف احبه ويتركني واخاف ابعد واتعذب كامله

البـــ7ـــارت الســابــــــــع




شفته رجع وقلبي قام يرجف من الخوف نزل وعاقد حواجبه ولابس النظاره قرب باتجاهي وشال نظارته
ع طول قلت له: ممكن اروح
جواد بداخله"هذي كذا ماراح اقدر احكمها راح تظل تروح وتجي وانا وعدتك ي جاد اخليها بكل دقيقه تتألم "
شفته يفكر وخفت من تفكيره
جواد: عطيني عنوان بيتكم
جوانه: ليش؟
جواد: بتزوجك الليله
انصدمت ولا قدرت اتكلم .. غصب عني راح يخليني اتزوجه .. اكيد ماراح افضل الدخول ع السجن
جواد بعصبيه: خلصيني
عطيته العنوان وناظرته بانكسار وبعيوني دموع
جوانه: انت ليش بتتزوجني؟
قرب مني وناظر بعيوني بحقد وع شفاته نص ابتسامه كالعاده
جواد: عشان تكوني ملككككي اعذبك ف اي وقت ابيه باقي دموعي تنزل: وبعدين؟ بعد هالانتقام؟ راح تطلقني اكيد
جواد: اكيد وش ابي بوحده مثلك
جوانه: بتخرب سمعتي واصير مطلقه كله عشان وش عشان فهمممممت جاد مايلعب ع البنات
صرخ بوجهي: اووووس لا تجيبي اسم اخوي ع لسانك الوسخ ..كمل وهو يصر ع اسنانه.. أنا لو بيدي كنت قتلتك .. والحين انقلعي ع بيتككككككم مابي اشوف وجهك
تألمت. حزنت. بكيت. ع مستقبلي اللي خربته بيدي وين احلامي وين بتروح طموحي. هذا بلحظة دمر حياتي اكككككرهك ي جواد اكككككككرهك .. مشيت وخطواتي ثقيله مو قادره امشي بعد الصدمه اللي سمعتها اليوم.
رحت ع بيتنا دخلت وكانت امي ف المطبخ ماشافتني رحت ع غرفة دانه بشكي لها لساتها مارجعت
رجعت ع غرفتي تسطحت وننننمت ع طول


لمى: مممممافي أنا حلفت يلا خبري اهلك
دانه: اف منك والله مالي خلق مشاكل مع اخوك
لمى: والله دقيت ع السايق يلا
دانه دقت ع امها وخبرتها انها بتروح مع لمى عشان عازمتها ع الغدا
طلعو مع السايق وراحو ع بيت لمى
فتحت باب غرفتها: تفضلي عادي لاتستحين
دخلت دانه وتفاجأت كلهم موجودين ف غرفتها
لمى تدخل: هاي
فرح: وأأأأأأي جونا ضيوف أنا ع بالي خلاص انقرضو محد صار يجي بيتنا
وقامت ضمت دانه .. والبنات قامو سلمو عليها .. فسخت عبايتها وجلست بينهم
رسل تصفر: اقدع ي عممم ايه الحلاوه دي
دانه: هههههه من بعض ماعندكم
جت الخدامه وحطت لهم الغدا وجلس الكل وفرح مافي مكان لها
فرح تصرخ: صرررررصاررررر
البنات قامو ع طول وهي جلست و ظلت تاكل وتبتسم
فرح: هع جبانات
رجعو وكل وحده تقرصها او تضربها
فرح: بس وججججع ماصدقتو
وحبت تخوف دانه وبصوتها العالي صرخت: دأأأأأأأنه الصرصار عليكككك
مسكينه قامت بسرعه وتناظر مافي شيء ورجعت تاكل وهي تبتسم
وفي شخص ثاني خلف الباب ابتسم من سمع اسم دانه كمل طريقه ونزل وهو مبسوط راح اخذ مويا واكواب وطلع ع الغرفه طق طق طق
لمى: فرح افتحي
فرح تاكل: شغالة ابوك أنا
رسل: يمكن احد من اخوانك افتحي انتي
لمى: وش ذا الكسل واخواني متى يجون الغرفه
رغد: وحده تقوم تفتح وجع
وعد: اففف الحين تلاقينها الخدامه
وقفت دانه: بلا مشاورات خلاص بفتح وراحت فتحت وتناظرهم وتبتسم لفت راسها للباب وشافته ع طول شهقت وقفففففلت
لمى: شفففففيك
دانه: واحد
قامت لمى فتحت مافي احد والمويا ع الارض
لمى: يمكن تتخيلي .. لان من متى احد من اخواني يجيب لنا مويا هههه
دانه بداخلها" دام كذا اكيد جاي يبي يشوف فرح اي اكيد مشتاق لها .. اففففف ليش افكر فيه حرام هذا حبيب البنت مالي حق حتى افكر فيه"


صلى المغرب ف مسجد قريب من بيت جوانه وطلع ع بيتهم دق الجرس وشوي وطلعت الخدامه ودخلته المجلس وخبرت ابو جوانه اللي ع طول غير ملابسه وطلع له
اول مادخل المجلس
محمد: السلام عليكم
وقف جواد: وعليكم السلام
سلم عليه وجلسو
محمد: شلونك ي ولدي
جواد: بخير ي عم الحمدلله
محمد: امر
جواد: مايامر عليك عدو .. بصراحه أنا جيتكم بعد ماسمعت عنك وعن تربيتك واخلاق بناتك
محمد: الله يسلمك
جواد: وانا جيتك اليوم ومابيك تخيب ظني ف هالطلب .. أنا حاب اخطب بنتك جوانه
محمد سكت شوي واندق الباب طلع واخذ القهوه وصب لجواد: تفضل
اخذها: دام فضلك .. بس هاه وش قلت
محمد جلس: ي ولدي أنا مابي اردك بس أنا ما اعرفك وجاي وحدك وانا ما ارضاها لبنتي .. لازم رجال واهلك يجون معك
جواد: معليش نسيت اخبرك من أنا .. أنا اسمي جواد ولد خالد الهامي
محمد ناظره باستغراب: ولد الهامي وجاي تخطب بنتي
جواد: مافيها شيء .. وبالنسبه لاهلي كان ودي يكونو معي بس كلهم مسافرين لندن عشان الوالد تعبان وانا الليله الساعه 3 رحلتي وماعاد برجع قريب .. وابي املك الليله واخذها معي
محمد: الله يشفيه .. و لا ي ولدي صعبه شلون البنت مو مجهزه نفسها .. ما اقدر اظلمها وازوجها كذا ..
جواد: لك وعد مني اول ما ارجع مع اهلي اسوي لها زواج عمره ماصار .. بس الحين ودي املك واخذها معي.
محمد مو مقتنع بس قال: خير ان شاءالله .. أنا بشاورهم والقرار الاول والاخير للبنت
ابتسم جواد وبداخله "لو فيك خير ارفضي"
جواد وقف: اجل استأذنك واذا وافقت خبرني عشان اجيب المملك ..مد يده.. وهذا كرتي
محمد ياخذه منه: ان شاءالله
طلع جواد ومحمد دخل البيت
عبير شافت وجهه مضايق راحت له
عبير: محمد شفيك ؟ من اللي كان عندك
تقدم وجلسو ع الكنب بالصاله
محمد: في واحد خطب جوانه
ابتسمت عبير: هذا خبر يفرح ليش زعلان .. والا مفكر البنات بيظلو عندك ع طول
محمد: لا الموضوع مو كذا
عبير خافت: اجل وش السالفه
محمد: يقول يبي يملك عليها الليله لان ابوه تعبان ومسفرينه لندن يتعالج وهو حاب يتزوج قبل سفره واذا رجع يقول بيسوي لها عرس ماصار
عبير: وانت وافقت؟
محمد: قلت له اشوف الاهل
عبير: بدون تردد ارفضه عروضه هذي ماتناسبنا وش ياخذ البنت كذا لا عرس ولا شيء
محمد: شاوري البنت ونشوف رأيها
: أنا موافقه يبه
ناظروني باستغراب
عبير: يمه لساتك صغيره ماعليه الف من يتمناك
قلت واحاول ابتسم: يمه عادي املك واطير ع لندن واي وناسه وبعدين غني وراح يحقق احلامي وبدرس ف جامعة لندن .. مو كل يوم يجي واحد مثله .. واذا بالنسبه للعرس أنا ما افكر كثير بهالامور واذا رجعنا نسوي فرح كبير
محمد: اللي تشوفينه. القرار لك وما اقدر اغصبك ع شيء
عبير: انتي جنيتي؟ مستححححيل اخليك تتزوجي هالزواج
محمد: خلاص ي عبير اهدي احنا عودنا بناتنا مانعارض شيء يبغونه إذا هي موافقه عليه ماتقدري تمنعيها
عبير: بس هي الف من يتمناها مايصير تتزوج كذا بسرعه
وبكت .. رحت لها وضميتها
جوانه: يمه عادي أنا برجع بعد ابوه يتحسن وراح نسوي زواج كبير مافيها شيء
عبير: اللي تشوفينه
طلعت غرفتي مسويه فرحانه دخلت وقفلت الباب ونزلت دموعي مو قادرررره اتخخخخيل الشي هذا .. أنا بكون زوجججة واحد ماعنده رحمه واحد يكرهني ويحب يذلني ويهنني بكيت ومن بين شهقاتي كنت ادعي ربي ان هالشي مايطول
طق طق طق
مسحت دموعي بسرعه وهويت وجهي بيديني وفتحت كانت منار وجنبها دانه اللي اكيد هي خبرتها
ناظرتني بحزن وضمممتني بقوه وهي تبكي
منار: لاتسوينها .. صدقيني مايقدر يسوي شيء
بكيت يوم سمعتها تبكي: الا. بس. بس. راح انسجن وابوي راح يتعب واكيد يموت واهلي يتفشلون مني .. كل هذا بيصير إذا ماتزوجته
ابتعدت عني ومسحت دموعي: خلاص لا تبكين .. مافي دموع وريه انك قويه والحين إذا صرتي زوجته تقدري تاخذي ملفك بدون مايحس ووقتها مايقدر يهددك بشي
ابتسمت بتعب: ان شاءالله
دانه: تعالي جهزي نفسك عشان يشوف انك عروس ويخق ويتركك
منار بنص عين: ماشاء الله من وين جايبه هالغباء
دانه: جد احسن تقهره انه ماهمها وفرحانه وانها هي الكسبانه
فكرت فيها وصدق راح يعرف اني فرحانه ورحت جهزت نفسي لبست فستان ناعم لونه اسود
رفعت شعري فوق من قدام ونزلته من ورا .. ورسمت عيوني وضبطت حواجبي وحطيت شدو وروج ناظرت نفسي ي لبى الجمال بس مين بيقدره هذاك المتوحش .. يلا ماعليه أنا تزينت لنفسي وعشان ماما ماتزعل ع حالتي .. منار دقت ع فهد وخبرته وعصب علي ليش كذا فجأه وقال بيشوفني عشان يودعني بس لسى ماجا
جت الساعه 10 دخلت امي وفي يدها الكتاب اللي اوقع فيه اخذت القلم وشفت توقيعه المميز وفيه حروف اسمه .. قلبي يرجف ويدي ترجف قربت دانه ومسكتنني من كتوفي من ورا كأنها تطمني انها معي وماراح تتركني واخيرا حطيت خطين مسويه اوقع ماعمري وقعت خخخخ اخذت امي الكتاب وباستني ع جبهتي
عبير: ماكان ودي تتزوجي كذا .. بس مبروك
وراحت وانا خلاص الحين اسمي انسانه متزوجه يعني خلاص حياتي انتهت وصارت له وقفت ولبست عباتي حضنتني دانه ومنار وظلو يبكو
قلت امزح معهم ابيهم يبتسمو وانا من داخلي فيني الف جرح
جوانه: بس خلاص حسستوني اني بفلم هندي
ابتعدو عني
دانه: انتبهي ع نفسك وطمنيني عنك كل ساعه
منار: ولا تتأخري علينا
قلت وانا اطلع: حاضر
نزلت وشفت الخدامه تطلع شنطتي وامي وابوي واقفين عند الباب سلمت عليهم وامي تبكي
عبير: ياليتك صبرتي ويجيك احسن منه
بستها ع راسها: يمه عادي خليني افرح
ضمتني وبكت وانا بعد
محمد: خلاص .. يلا الرجال منتظرك.
طلعت وشفت فهد توه جاي قرب مني وسلم علي
فهد: انتي من جدككك بتتزوجي كذا
احاول ابتسم: شفت شلون
فهد: شلون كذا؟ أنا كنت مقرر ازفك لزوجك بنفسي
جوانه: ماعليه راح نسوي زواج من ارجع من لندن وتزفني له
ضمني بقوه: انتبهي ع نفسك
دمعت عيوني: حاضر ي اخوي وعد
ابتعدت عنه وهو واقف مكانه رحت ع السياره اقدم خطوه وارجع خطوه خايفه بصراحه م اعرف وش اسوي شفت شنطتي لسى جنب السياره ماطلعها دقيت شباك المقعد اليمين فتحه
جواد: نعم
أنا ادري مستحيل يطلعها لي بس قلت له
جوانه: ممكن تفتح ورا بطلع شنطتي
فتحها وسحبت الشنطه وبالغصب طلعتها كانت ثقيله قفلت بهدوء خفت يهاوشني ورحت طلعت بالسياره جلست بالمقعد اللي جنبه كان يدخن ناظرت فيه عيونه تناظر لشارع وسرحان حواجبه حاده ورموشه الكثيفه وخشمه مثل سلة السيف وفمه مع العوارض .. كنت اناظر ملامحمه اللي رغم جمالها الا انها تبين قسوتها وتبان الشده فيها قلت انبهه
جوانه: احححم
كأنه توه صحى .. طفى سجارته وناظر فيني وانا مو قادره اشوفه منزله عيوني خايفه من نظراته
ناظر فيني وبصوته المبحوح اللي كل ماسمعته رجفت
جواد: هه واخيرا صرتي ملك لي اقدر اسوي فيك اللي ابي

كنت ساكته خليه يقول اللي يبي أنا ماراح افكر ف كلامه بحاول استانس وماعلي منه
مسك يدي وشدني له لحد ما ناظرت
جواد: لما اتكلم تناظريني سامعهههههه
قلت ابي اغيضه: ليش؟ تشتاق تشوف عيوني مثلا
حسيته معصب مني بس يتصنع البرود. ترك يدي بقرف
جواد: انتي حتى لو بتسلى مابتسلى معك
غمضت عيوني بالم وانا اكلم نفسي بداخلي لازم تصبري ي جوانه .. إذا عاندته ماراح يتركني بس إذا شافني ساكته ومو متأثره بكلامه راح يمل ويتركني
حرك السيار وطلعنا من بيت اهلي ف الطريق
جواد: وين جوالك
فتحت شنطتي وطلعته: هذا هو ليش؟
سحبه من يدي اخذه وفتح الشباك ورماه وانا صرخت
جوانه: لاأأأأأأأأأأ ليششش. وبكيت وماحسيت
جواد: لا اهلك ولا صحباتك ولا حتى حبايبك الشباب انسيهم
جوانه: حححححرام عليك الا اهللللللللي حرام بينشغل بالهم علي.
جواد: اووووس مابي اسمع ولا نفس
ناظرت ع الشارع من شباكي ودموعي ع خدي الله ياخذه وارتاح اففففف مو من حقك تمنعني اكلم اهلي .. مالك حق تبعدني عنهم .. وماراح تقدر اهلي راح يسألو عني .. مفكر انهم بيتركوني ف يدك ي حقير
اخذنا وقت ع بال ماوصلنا بيتهم دخلني من باب خلفي ع طول يودي ع جناحه دخلنا الجناح هو قدامي وانا خلفه دخلت و قفل الباب بالمفتاح وانا قلبي رجف
قرب مني وبنظراته الحاده وبأمر وتهديد قال
جواد: اسمعي غرفتي ماتقربي منها ابد سامعه .. ولا تجلسي حتى ع الكنب اللي هنا"قصده الصاله" ولا تقربي من مكتبي"واشر ع غرفه ع جنب" مسكني من يدي وسحبني ودخلني غرفة وترك يدي
جواد: تنامي هنا وتعيشي هنا مابي اشوف وجهك قدامي
ابتسمت بالم من تحت الغطا: سجن بس تحت رحمتك
قال بسخريه: ايوأأأأأأ بالضبط
وتركني وطلع طيب مافي حمام شلون لو باستعمله وش اسوي فسخت عباتي وشفت شكلي افف مصدقه نفسي أنا ووجهي اني راح اوريه اني فرحانه ناظرت الغرفه ماكان فيها ولا شيء حتى بطانيه مافي ولا كرسي .. شكله يبيني انام ع الارض .. جا فتح الباب وانا كزيت وهو وقف مكانه و على وجهه علامات البرود رفع حاجب
جواد: هه ع بالك انتي عروس عشان تتزيني؟
جوانه: مو عشانك عشان امي تفرح شوي وتحس بنتها تزوجت
جواد: ع العموم كنت بخبرك فيه حمام جنب الغرفه إذا طلعتي .. يعني هذا بسمح لك تستعميلنه وباقي الاشياء لا سامعه
هزيت راسي بنعم وبعدها طلع
رحت ع الحمام غسلت وجهي طلعت من الحمام ع الصاله وكنت ابي اصلي بس ما اعرف ع وين القبله دخلت الغرفه التكككيف مره بارد رجفت منه ناظرت ابي ريموت او شيء عشان اقفله مافي لبست عباتي يمكن تدفيني .. جيعانه يمكن مرت ساعتين وانا هنا ولا فكر يجيب لي اكل وقفت أنا بروح المطبخ ألصغير ع الاقل اشرب عصير لو مافي شيء طلعت ولابسه عباتي شفته جالس ع الكنب ومسند راسه ع ورا وحاط يده ع جبهته ويفركها شكله مصدع ومغمض عيونه بس يوم سويت حركه بالباب رفع راسه بتعب شكله مو نايمه صار له فتره
جواد: نعم
جوانه: اول شيء وين القبله بص”قاطعني
جواد: ليش انتي تعرفي الدين ماشاء الله
سكت مابي اعانده وكملت: وبردانه ابي ريموت التكييف .. وكمان جيعانه
جواد: القبله ع يمينك .. والبرد .. تخيلي انك ف لندن .. والجوع سوي رجيم احسن .. ويلا انقلعي ع غرفتك قلتلك مابي اشوف وجهك
نزلت دمعه مني ومسحتها ودخلت .. حسبي الله عليه يحسب ربي ماراح يعاقبه ع اللي يسويه فيني .. والله ي جواد راح اخليك تندم أنا مو عبده او خادمه عندك .. واهلي ماراح يسمحو لك تعاملني كذا .. يارب مالي غيرك يارب تريحني من هالمصيبه اللي طاحت ع راسي .. الله يسامحك ي ريم شلون عرفتي هالعايله كلهم شايفين انفسهم .. انسدحت ع الارض احس بتعب وبرررردانه .. يمممممه ياليتك منعتيني والله لو بالسجن كان ارحم يعني اقدر اتغطى واكيد ادفى من هنا .. غفيت شوي ما ادري كم وصحيت ارجف من كثر البرد طلعت ع الصاله حسيتها ادفى وفيني نوم وشكله هالغبي مو هنا .. قربت من غرفته كان الباب مفتوح .. شفته متسطح ويمكن نايم تراجعت ودخلت المطبخ حيل جيعانه فتحت الثلاجه اخذت لي موزتين وتفاحه .. ماكان فيها شيء غير الفواكه والمويا .. معقوله عندهم خير ومافي ثلاجته غير فواكه .. اكيد اخذ كل شيء عشان مايبني اكل يبي يموتني جوع دخلت غرفتي وتركت الباب مفتوح يمكن تدفى شوي ويدخلها هوا دافي من الصاله اكلت واسناني ترتجف وماقدرت اتحمل حتى احس قلبي من داخل قاعد يرقص من البرد طلعت وانسدحت ع الكنب اللي بالصاله واللي يبي يسويه بكيفه .. شربت مويا ونمت



صار لها يومين تروح ع المستشفى بحجة انها تزور صديقتها .. تشوفه وتطمن عليه وتبكي وترجع دق تلفونها
ريم: الو
: وش هالتلاعب اللي تسوينه
ريم: شنو ماسويت شيء
: قلتلك الكميه اللي عندك تتوزع اليوم وانتي لين الحين ماوزعتيها
ريم بخوف: حاضر بكره والله اوزعها
: إذا خلصتي خبريني انتظر منك خبر
ريم: طيب
وقفلت .. وهي تبكي أنا جالسه انشر فساد جالسه اوزع ممنوعات يارب لاتعاقبني أنا مالي شغل بس ابي احمي صديقتي وبنت خالتي يارب مالي ذنب وظلت تبكي وتحاول تنام


اما عند دانه اللي ماقدرت تنام خايفه ع توأمها اللي عمرها ما فارقتها والحين راحت ليد واحد قاسي مثل الصخر ماعنده رحمه وهي ومنار عارفين انه ماراح يتركها .. كانت تتصل وتكلم منار اللي ماقدرت تتركها وتروح بيتهم
دانه: جوالها لسى مقفل .. أنا خايفه عليها
منار: وش رايك نتصل ع جواله
دانه: ماعندي رقمه
منار: تعالي ندور بغرفة عمي وعمتي هو اعطاه كرته دانه: صعبه كيف ادخل هالوقت اكيد نايمين
منار تطلع من غرفة دانه: تعالي بس
راحو للغرفه منار تفتح الباب بهدوء شافتهم نايمين كلمت دانه بصوت هادي
منار: انتي خليك هنا أنا ادخل
دانه: طيب
دخلت ع اطراف اصابعها دورت ع التسريحه ماحصلت شيء فتحت الادراج بهدوء كمان مافي قربت لين الكمودينه ناظرت فوقها مافي يأست وبتطلع شافت ثوب عمها معلق دورت ف جيبه وحصلت الكرت ابتسمت وطلعت
دانه منتظرتها: ها بشري
طلعت الكرت وتحركه بيدها وتبتسم
منار: يلا نتصل
راحو للغرفه ودقت منار عليه
ناظرت دانه: مايرد
دانه: ازعجيه لين يرد
بعد المره الثالثه رد
جواد: الو نعم
منار ارتبكت: ءاءءء ابي جوانه
جواد بعصبيه: احد يتصل هالوقت؟ وبعدين مين انتي
منار: أنا اختها بتطمن عليها
جواد: اختك نايمه تطمني
منار: وش يضمن لي انك ماسويت فيها شيء
جواد: دقيقه اصحيها لك
وقفل
طلع وشافها نايمه ع الجلسات اللي بالصاله اخذ كوب مويا ورماه عليها


منار: قفل هالنذل اففف منه
دانه: ماقال يبي يصحيها؟
منار: الا بس يمكن يكذب علي
دانه: ننتظر نص ساعه لو مادق نرجع نتصل
منار: الله يحميها منه وتكون بخير
دانه: امين



صحيت بمويا ع وجهي وشهقت كنت احسب دانه تمزح معي كنت بهاوشها واطلعها من غرفتي بس يوم شفته وعلى وجهه علامة الغضب تذكرت اني ماعدت بيت اهلي
مسك يدي ورفعني: قلتلك مابيك تنامين هنا
وقفني جنبه يوم رفعني كنت اناظر حجمي بالنسبه له رقبتي بتنكسر لو ناظرته طويل وجسمه عريض هيبته تخوف احس اني نمله عنده
صرخ علي: ماتفففففففففهمين؟
هزيت راسي: طيب خلاص مابنام هنا
لسى ماسك يدي بقوه عورني
جوانه: اترك يدي طيب
تركني وجلس وانا واقفه ..
جواد: اهلك اتصلو علي بيتطمنون عليك
فرررررررحت اي احسن فديتهم مانسوني مثل مافكر يبعدني عنهم .. اهلي ماراح يتركوني بين يدين هالمتوحش
جواد: ابيك تقولي لهم اللي بقوله بالحرف والا ماراح يحصلك طيب .. وياويلك تزيدي حرف ع اللي بقوله
قلت اسايره: شنو طيب
جواد: لو كلمتك اختك قولي لها انك بتسافري بعد شوي وان جوالك طاح منك وانكسر ويمكن تنشغلي وماتقدري تطلعي لك جوال .. ف خليها تطمن ولا تزعجني
يعني يبي خلاص يبعدني عنهم ليش ياربي ليش يسوي كذا حرام والله حرام
جوانه: حرام عليك اقلها بس اكلم اختي كل يومين او 3 مابي كل يوم عادي. حتى لو بالاسبوع مره الله يخليك
جواد بحزم: يوم اسمع صوت اخوي وقتها تقدري تسمعي صوت اختك
ودق واعطاني الجوال
ردت دانه: الو
اول ماسمعت صوتها بكيت .. بيحرمني منك بيحرمني من صوتك
دانه بحزن: لاتبكي ي روحي ماراح اخليه يسوي فيك شيء .. لاتخافي
مع ان صوتي مو مسموع بس حست فيني
منار: جوج حبيبتي احنا معك والله مايقدر يسويلك شيء
ماكنت قادره اتكلم .. اه لو تدرون وش كثر قساوته ماكان قلتو كذا
قلت ودموعي ع خدي: اشتقتلكم
ناظرني بعصبيه وعيونه تنذر بالشر
خفت منه وقلت: احححم اسمعوني ماراح اقدر اطول طيارتنا بعد شوي
دانه: طيب افتحي جوالك اتواصل معك
ناظرت فيه بخوف: جوالي طاح من يدي وانكسر
دانه: اجل شلون اتطمن عليك
جوانه: لاتخافي علي أنا يمكن إذا وصلت هناك انشغل ومدري متى باخذ جوال انتي لا تتصلي أنا إذا قدرت راح اكلمك
اخذ الجوال من يدي بقوه وقفل
ناظرته بحقد: الله ينتقم منككك. انت انسان ماعندكككك رحححمه بلا احساس
وقف ومسكني من رقبتي بقوه بيده وانا احاول ابعدها عني وهو يناظرني ببرود واحس اختنق وماسكه ع يده وهو يشدها ع رقبتي بيموتني رفعني شوي عن الارض و تركني وانا طحت وظليت اكح وماسكه ع رقبتي .. نزل وشدني من شعري وخلاني اناظره .. اناظر القسوه اللي فيه اناظر الحقد اللي بعيونه .. اناظر الكره والعصبيه اللي يكنها لي .. حطيت يدي ع شعري بألم
جواد وهو يصر ع اسنانه: لاتتجرأي وتردي ع اي اوامر اقولها لك ”وبصراخ” فاهممممممه
قلت وانا اتألم: حاضر
نزل راسي وهو يترك شعري وضربت وجهي بالارض لين نزل دم من خشمي .. حسبي الله عليه أنا لين متى بتحمل هالعذاب وقفت ورحت غسلت وجهي ورحت ع غرفتي وحاولت انام عشان ما افكر بشي

البارت الثامـــــــن


ليه اذا حبيتك أكثر زدت قــسوه
وان دريت بحاجتي لـك .. زدت جفـوه

وان عطيتـك مـن حياتـي ماتريـده
ماكفـاك وتحسـب ان الحـب نــزوه

والله اني يا أحـب النـاس.. أحبـك
والله ان الـروح لـو ترضيـك.. فـدوة

والله اني تـارك غيـرك .. وجيتـك
مزعـل الزعـلان والـعـذال عـنـوه

كل دقـة قلـب فينـي لـك قصيـده
تكفـي الدنيـا مـع الاحبـاب غـنـوه

وكـل هاجـس مايجيـب ألا خيالـك
سلوتي بالعمر .. فـي صحـوه وغفـوه

اجمع احساسـي واشواقـي واجيلـك
والبس ثياب الهـوى والعشـق كسـوه

وانتقـي مـن سواليفـي حسنـهـا
والقصايـد مـن غزلهـا كـل حــروه

وأنثر العبـرات والضحكـات عنـدك
واقـول انـي احـق النـاس فـضـوه

ادري انـي عـادي مافيـه مـيـزه
وادري انـي كـادح ماحـاش كــروه

وادري اني في خريف العمر ماضـي
مابقـي بينـي وبيـن القبـر خـطـوه

لكن انـي صـادق فـي مـا اقولـه
واطلب مـن الله عـن الـزلات عفـوه

الامير خالد الفيصل/


»»»»»»»»»»»»»»»»»»»»»»»»»»»»»»»»»»»»»»»»»»



صحيت ع هزته
جواد: هيه انتي
فتحت عيوني بكسل مانمت زين كنت متكوره ع نفسي بالارض من البرد جلست وناظرته
جوانه: شنو؟
جواد: الساعه 7 شغلك ينتظرك بالمكتب
اتفاجأت هو لسى بيخليني اشتغل بعد كل اللي صار بالشغل
جوانه: شغللللل؟
جواد بنبره حاده: ايه ويلا قومي مو فاضيلك أنا
جوانه: دقيقه
جواد وقف: شنو
جوانه:شنطة ملابسي بالسياره ابي اي احد ينزلهم لي
جواد وهو يطلع: نزلها السايق تحت روحي شيليها
ونزل وتركني اففف شلون الحين انزل اخاف احد يشوفني من اهله .. ياترا عنده خوات مثله مغروريين ياويلي الحين بيذبحني لو تأخرت.
قمت وطلعت من الباب اللي امس جيناه فتحت وشفت شنطتي سحبتها بقوه دانه ومنار ماتركو شيء ماحطوه لي طلعت مع الدرج أنا والشنطه وانا كل شوي اطيح اخيرا وصلت الجناح ودخلتها واخذت ملابس ودخلت عشان اتحمم



منار: دانه قومي
دانه: همممم جوانه روحي عني لسى بدري
ابتسمت منار بحزن" وينك ي جوانه الله اعلم بحالتك الحين مع هذاك الحيوان"
رجعت صحتها: أنا منار قومممممي عندك محاضره 8 وصارت 7 ونص
فزت دانه بسرعه: قولي والله
منار: والله
قامت بسرعه ولا امدها تجهز نفسها بس لبست ورفعت شعرها وطلعو هي ومنار
بالسياره
منار: ياترا وش تسوي الحين .. وصلت والا لسى
دانه: هي كم ساعه عشان نتصل نتطمن عليها
منار: ماسمعتيها وش قالت ؟ قالت لا تتصلو لين أنا اتصل .. اكيد هذاك الحيوان مانعها تكلمنا
دانه: ياروحي ي جوانه .. ودي اتطمن عليها
منار: مالنا الا الصبر
دق جوالها
مازن: صباح العسل اللي ينزل من شفاتك
منار انحرجت: اححم صباح الورد
مازن: رايحه ع الجامعه
منار: ايه من شوي طلعنا
مازن: ماشي حبيبتي انتبهي ع نفسك
منار بابتسامه: حاضر
مازن: احبك
منار: وانا
مازن: وانتي شو
منار بهمس: ا ح ب ك



نزلت ولابسه عبايه ولا كأنها لابستها كل جسمها مبين ومفتوحه من قدام وباين بنطلونها اللي ماسك ع جسمها ولافه الطرحه ع شعرها
ام خوله: ع وين ي بنيتي
خوله وهي تلبس نضارتها الشمسيه: عندي مشوار ظروري يمه
وطلعت .. ركبت مع واحد من اللي تعرفهم
: ي هلا ي هلا بالزين
خوله بدلع مايع: هلابك
: اروح فدوه لعيونك أنا
خوله: متولين هنا «طبعا قصدها مطولين بس تتدلع خخخخخخ
: لا ي روحي بس حاب اجلس معك شوي قبل اوديك
خوله: نو أنا مرا مستعجله خلها وقت ثاني
: اه امري لله .. وين الشركه بالضبط
خوله: امش وانا راح ادليك
وطلعو من البيت متجهين لشركة الهامي





وصلت المكتب واحس بتعب مانمت زين ولا اكلت زين اكيد بيصير كذا حالي
عدلت لثمتي ودقيت ع مكتب جواد
جواد بصوته اللي يخرعني: ادخخخخخخل
دخلت وانا ارجف مدري خايفه منه كان يناظر اوراق بيده وشوي ورفع راسه وشافني رجع ظهره ع الكرسي وناظر ساعته
جواد: لا تعالي اجلسي مكاني احسن
سكت انا وهو يكمل: وش هالتأخخخخخير
رجف جسمي يوم صرخ علي وقلت بخوف
جوانه: انـ انت م مـ ما صحيتني بدري وماكنت ادري اني بداوم
وقف وترك مكتبه وقرب مني وشكله ناوي يضربني تراجعت خطوتين ع ورا بس وقفني لما مسكني من كتوفي وهزني
جواد: قلتلك انتي تخدمي تحت رجولي وين ما اروح وحكاية اني اخليك مرتاحه ف البيت انسيها .. سامعه
هزيت راسي بنعم
ابتعد عني: والحين يلا روحي سوي لي قهوه
ناظرته: شلللون من وين اقصد
جواد: تحت فيه كافتيريا يلا روحي
طلعت وقفلت الباب ونزلت تحت وقلت لهم يسون له قهوه .. اف طول كل هذا قهوه.. اكيد نساني والحين هالمتوحش بياكلني .. نبهته وجابها لي واخذتها لفوق مايمدي ادق الباب لاني شايله الصحن عليه قهوته ومويا فتحت بكوعي ودخلت وياليتني مادخلت وقفت مصنمه عند الباب بعد المنظر اللي شفته
قال وكأن الوضع عادي عنده: ادخلي
كان في وحده شايله طرحتها وجالسه ع حافة المكتب مقابل جواد ومنزله راسها عليه وكأنها كانت ناويه تبوسه ويوم جيت بعدت هالحقيرررر الوسخ كلهم زي بعض حححقير اكرهه
حطيت القهوه وكنت بطلع
جواد بحده: من سمح لك تطلعي
البنت اللي معه بمياعه: جودي وش تبي فيها خلي ناخذ راحتنا
جواد: اوك .. يلا انقلعي
طلعت وانا مقهوره وانا وش دخلني فيه عشان انقهر هو واخوه نفس الطينه هفففف رحت ع مكتبي وحاولت اشغل نفسي


جواد يوقف: اول شيء البسي زين بعدين تكلمي
تفاجأت من اسلوبه توه وش حلاته معها
خوله: حبيبي شفيك
ناظرها بسخريه: حبيبك!! أنا مو حبيب احد
خوله: وليش خليتني اجلس ع المكتب قريبه منك
جواد: شيء ف بالي مو لازم تعرفينه
خوله تحاول تقرب منه: لاتنكر انت معجب فيني
جواد بضحكة سخريه عاليه: ههههههاي ماخذه مقلب ف نفسك .. المهم عندي شغل يلا الباب ع يسارك
ناظرت فيه بحقد: يجي يوم وتتمنى رضاي وانا وقتها مابكون لك
جواد: إذا شفتي هاليوم جا ف معناته انك نايمه وتحلمين
طلعت خوله بقهر وهو دق ع تلفون جوانه عشان تروح له المكتب


ريم بالجامعه راحت لاخر وحده وسلمت عليها وكان بيدها الكيس وهذيك بيدها الفلوس سلمو بعض بحركه سريعه وهم يتصافحون
ريم: كامله الفلوس
: اي ايه والله كامله عديهم
ريم ابتسمت لها والبنت استغربت الحين اللي يبيعون هالاشياء اشكالهم وتهديدهم يخوف البنت هذي عاديه مافكرت كثير اخذت حبه وبلعتها ع طول وراحت قاعتها
منار تناديها: وينننن على الله
التفت وابتسمت: هلا منو اشتقتلككك
منار تضمها: وين اختفيتي
ريم: ابد موجوده انتي اللي وين
منار تمشي معها متجهين للكفتيريا: صارت مشاكل لجوج وماقدرت اجيك وانتي مافكرتي تجي
ريم: ممممين جوانه؟؟؟
منار: ايه الحين اخبرك خلينا نجلس
جلسو ع الطاولات وحكت لها السالفه

ريم ودموعها ع خدها: كله بسببي والله بسببي .. أنا لازم اكلم اخو جاد لازم اخبره هي مالها ذنب هي بس تبي تطلع حقي حرام تتعذب والله حرام ليش ي ربي تصير معي كل هالمصايب لللليش
منار: اهدي ي قلبي خلاص .. جوانه ماينخاف عليها وانشالله تقدر تنسيه هالانتقام.
ريم لسى تبكي: كله بسببي راحت
منار تحاول تهديها بس هي لسى تبكي وتلوم نفسها ع اللي صار ولا تدري وش تسوي عشان تخلي جواد يتركها



دخلت عنده وانا كارهته الوسخ
جواد: وش عندك واقفه تعالي هنا
قربت: هلا
جواد: وش هلا هذي؟ اسمها سم طال عمرك
قلت بعناد: ما اعرف اقولها
وقف وتقدم مني وانا ارجع وهو يتقدم لين لزقت ف الجدار ضرب يده جنب راسي ع الجدار
وقال بتهديد وهو يصر ع اسنانه: أنا كلمتي ما اثنيها واذا ماتمشي معي بالطيب راح اجيك بالغصب والضرب
جوانه: اصلا ماتقدر تسوي شيء غير الضرب تستقوي ع بنت يعني منت رجال
ندمت حيل يوم ناظرته وشفت الحقد والكره يطلع من عيونه مدري شلون سحب طرحتي بسرعه وشد شعري بقوه لدرجة اني حسيته كل راح بيدينه
قلت باالم ودموعي تنزل ويديني ع يدينه احاول ابعدها بس كأنها مصنوعه من حديد ماتحركت: ااه الله يخليك خلاص اااه عورتني ارجوكككككك خلاص
جواد: ترجيني اكثر
مو قادره استحمل الالم: تكفى تكفى خلاص وربي ما اعيد هالكلام الله يخخخخخخخليك
خفف شده بس لسى شاد ع شعري ولسى يعورني
جواد: اكثرررر
قلت مع دموعي ومابين شهقاتي: ا بــ و س ر رجو لك اتركني
ابتسم بنصر وسحب يده من شعري حسبي الله عليه .. أنا لازم اتجنب اعانده راح يموتني ولا همه جلست ع طول اول ماتركني ويدي ع شعري واحس بالم فضيع وصداع قوي ظليت ابكي وهو جالس يتفرج علي اكيد عاجبه الوضع .. ذلني واهانني واكيد مستمتع باللي يشوفه ان شاءالله تنكسر يدك يارب مسحت دموعي واخذت طرحتي من الارض لفيتها ع راسي وعورني ف مشيتها بهدوء سويت لثمتي ووقفت وانا امشي بهدوء بطلع
جواد بحده: قلتلك ملللللللليون مرررررره مافي تطلعي الا لما أنا اسمح لك
خفت من عصبيته وخفت يسوي لي شيء بعد: حاضرر
جاه اتصال ورد انجليزي
جواد: مرحبا بك جاك
جاك: مرحبا .. كيف حالك
جواد: أنا بخير كيف تسير الامور عندك
جاك: سيئه .. ننتظر قدومك
ناظرني وكمل كلامه: لا اعتقد انني استطيع خلال هذه الايام
جاك: ستزداد الامور سوء
جواد: لا عليك سوف اتدبر الامور من هنا لاتقلق
جاك: اممم حسنا .. اريد ان اخبرك شيأ
جواد: ماذا تكلم
جاك: كرستين حضرت إلى منزلك .. واخبرتني بأن ولدك بالمستشفى
جواد: مستشفى؟؟ لماذا ؟
جاك: لم تخبرني ولكن اصرت علي ان اخبرك ذلك
جواد: حسنا سأتصل بها
جاك: إلى اللقاء
جواد: وداعا
قفل وناظرني وانا لسى بمكاني
جواد: تعالي
قربت منه بخوف
جواد: ارفعي عيونك
لاني كنت منزلتها مابي اشوفه رفعتها بعيونه
ناظرني شوي وبعيونه لمعه غريبه ورجع نزل عيونه وظل يدور ع مكتبه وحصل ملف
جواد هو يمده لي: دققي هالملف
اخذته منه وماتكلمت
جواد: تقدري تروحي
طلعت من عنده واحس بالام ف راسي ولا قادره ارفعه حطيت الملف ع المكتب وقربت الكرسي منه واسندت راسي ع المكتب بتعب واحس جسمي ذبلان ومنتهي لا اكل ولا نوم وفوق هذا ضرب وشغل




ناظر ساعته الساعه صارت 2 وللحين ماجابت الملف وقف وهو يتوعد فيها مشى بسرعه وفتح الباب بقوه شافها منزل راسها ونايمه
عصب وبداخله”هين ي جوانوه أنا اوريك
راح لها وشدها من شعرها من فوق الطرحه لفوق بس تفاجأ لما ماصحت ناظرها وضرب ع خدها ماقامت حط اصابعه ع وريدها اللي بيدها حس نبضها ضعيف وهو ماعنده خبره شالها بسرعه بعد ماكلم السايق يجهز السياره وطلع من المكتب ونزل فيها وسط دهشة كل الموظفين ومنهم هادي اللي ظل مقهور ومو عارف وش السالفه
طلعها السياره ورا وركب معها
جواد وهو يعدل راسها ويحطه ع رجوله: ع المستشفى
مشى السايق وجواد يناظرها ومسح ع خدها
جواد: الله يحميك مني
كان بداخله مشاعر مخلوطه مو عارف وش يحقد عليها يكرهها هي سبب اللي اخوه فيه وهي البنت اللي من اول ماشافها صورتها ماراحت من باله
وصل المستشفى ودخل حاملها جت الممرضات وحطوها ع كرسي ودخلوها غرفة وقفلو الباب وشوي ودخل الدكتور .. انتظر جواد لين طلع
راح له: ها شلونها الحين
الدكتور: هي زي الفل بس ناقصها تغزيه دي الوأتي أنا كتبت لها ع مغزي هاياخد ساعه كدا وكمان ابرتين وانشالله حتكون كويسه
راح الدكتور وجواد دخل لها


ماصحيت الا وانا ع سرير ابيض والممرضات حولي وشفت المغذي بيدي اف وش صار شفت الباب ينفتح ودخل وانا جتني رجفه واعتقد انه لاحظها لانه رفع حاجبه .. قرب وكان واقف جنب السرير حط يده ع جبهتي ويمسح ع شعري
جواد: شلونك الحين
سكت اخاف اقول شيء ويضربني
ابتعد وسحب الكرسي وجلس وحط يده ع يدي
جواد: لاتعانديني ما ابي اأذيك
ناظرته ودموعي الحاره ع طول نزلت: مو انت اخذتني عشان تنتقم مني وتعذبني .. وهذا اللي جالس تسويه
جواد: بس مابيك تموتي .. بعدين تصير بذمتي
اعرف اصلا انه مايفكر غير بنفسه والا أنا ماهميته
وقف: أنا بطلع واذا احتجتي شيء ناديني
جوانه: اخر شخص افكر اطلب مساعدته هو انت
مارد علي طلع وقفل الباب


وقفت جنبه ونادت عليه بصوتها اللي مخنوق من الدموع
ريم: جاد قوم يكفيك نوم .. قوم مابي منك شيء بس اهم شيء تكون بخير. تعرف اليوم عرفت ان اخوك جالس يعذب جوانه بسببي .. بس السبب الاساسي هو انت .. حبيتك عطيتك كل شيء اهتميت فيك عشقتك بس انت بكل سهوله اخذت اللي تبيه ورميتني ليش .. لللليش وانا ماعمري فكرت اتركك .. مسحت دموعها أنا اسفه ازعجتك الحين بهالسوالف بس ترا أنا انتظرك انت راح تكون بخير اعرف هالشي ومتأكده منه
باسته ع جبهته وطلعت قبل احد من اهله يجي ابتعدت بسرعه وطلعت وهي تكلم صديقتها
ريم: خلاص صرت احسن راح اروح البيت بتاكسي
بس صديقتها عيت ووصلتها بيتهم



طلعت بعد نص ساعه وماخلصت المغذي .. بروح البيت اكره المستشفيات طلعت وانصدمت لساته جالس برا يوم شافني وقف
جواد: نمشي؟
هزيت راسي بإيه
مشينا وسمعت صوت مع تصفير
: مشيتها تدوخ
كان يمشي قدامي ويوم سمع هالكلام وقف لين صرت جنبه مسكني من يدي وشدني وهو يصر ع اسنانه ويخفض صوته : عدلي مشيتك لا اهفك بكف الحين يخليك تعرفي تمشي
طيب والله امشي عادي أنا وش دخلني. لو رجال كان وريتهم شغلهم مو بس تعصب علي .. هففف ما اقدر اقله كذا اخاف منه وحيل بعد
طلعنا السياره وكان هو اللي يسوق مدري وين راح السايق شفته وقف حسبته البيت ناظرت شفت مطعم
جواد: انزلي
جوانه: وين ليش؟
نزل وتركني بالسياره وانا نزلت ومشيت خلفه
جوانه: دقيقه وش بنسوي ف هالمطعم
جواد: نشتري ملابس
اوه طلع يعرف يمزح
التفت لي: نغديك لاتموتي عندي
افففف مابي منك شيء ياليت بس تتركني بحالي ماراح اموت بصراحه كان مالي نفس بس يوم جلسنا وطلبنا وجا الاكل نسيت ان جواد موجود وظليت اكل من يومين مو ماكله زين بلعت لقمتي واحسه يناظرني رفعت راسي شفته يتأملني ورافع حاجب
جواد: ماعمرك شفتي اكل ؟
مسحت بالمنديل وشربت عصير: الحمدلله بيت اهلي شفت اشكال والوان بس ف ثلاجتك مافي غير الفواكه وش هالبخل
ابتسم: خلصتي خلينا نمشي
ناظرت صحنه: وانت ليش ما اكلت
جواد يوقف: هو اللي يقابل وجهك يجيه نفس ياكل؟
عساك عمرك ما اكلت ان شاءالله تموت وارتاح منك وقفت ولحقته خطوته طويله وسريعه يمشي بخفه وبهيبه وركازه ف نفس الوقت كنت اهرول عشان الحقه طلعنا السياره وعلى طول توجه ع البيت


سميره تبوس يد ولدها
سميره: اه ي ولدي اللي يشوف حالتك يقول ماظنتي بتطلع منها .. بس أنا واثقه بالله انك راح تقوم
خالد: ايه ابغاك كذا .. ان شاءالله راح يقوم منها
ناظرت ولدها اللي كأنه جثه مايتحرك وطلعت
خالد يقرب منه ويمسح ع شعره
خالد: طول عمرك ماتسمع كلمتي .. هالمره بس اسمعها وقوم .. طلبتك قوم ي جاد أنا وامك واخوك كلنا ننتظرك. مسح دمعه غزت خده وطلع اخذ زوجته وخرج من المستشفى



دخلت الجناح وهو راح ع غرفته وانا بعد دخلت ع غرفتي اوه اقصد سجني جلست وضميت رجولي واسندت راسي عليها .. متى بيخلص هالعقاب متى بيتركني ويروح ويبعد عني .. متى يصحى اخوه ويفكني ويخليني بحالي الظاهر باقي مطوللللله فتح الباب وانا رفعت راسي رمى علي بطانيه وطلع
الحمدلله بدا يتحسن وناسه اكيد يومين ويتركني فرشتها ع الارض وتسطحت عليها وثنيتها ع جسمي وتغطيت فيها ونممممممممممممت

البارت التـــــــاسع



دخل غرفته اخذ جواله لقى مكالمه من ماكس وتذكر كرستين ودق عليها
جواد: مرحبا
كرستين: اهلا عزيزي .. اوه اين كنت لقد احتجت اليك كثيرا
جواد: ما الامر
كرستين: جوني مريض للغايه ولم استطع ان اعالجه
جواد فهم عليها: حسنا. سيكون في حسابك الان 500 الف دولار هل تكفي
كرستين بفرح: اوه نعم بالتأكيد تكفي .. شكرا عزيزي
جواد: هل من امر اخر
كرستين: حسنا الطفل يحتاجك ايضا لما لا تعامله بلطف وتكون بجانبه
جواد: لا حاجة لنصائحك أنا اعي ما افعل. كفي عن قول هذا
كرستين: فقط امنحه قليلاً من وقتك
جواد: عندما اعود سوف نناقش هذا الامر
كرستين: حسنا إلى اللقاء
جواد بالعربي: درب يسد مايرد
وقفل توجه ع حمامه تحمم وطلع لبس بيجامته وتغطى ونام



جالسه بغرفتها ومقهوره من تعامل جواد معها
خوله: والله راح تتزوجني وغصب عنك وتشوف هالشي ي جواد
دقت ع وحده والبنت ردت
: هلا
خوله: امون ابي منك تدليني ع وحده تسوي حجابات اعرفك خبيره بهالشغلات
اماني: هههه وليش لمين بتسوين
خوله: مو شغلك .. خبريني ولك اللي يسرك
اماني: اوك ابي 500
خوله: زين
خبرتها عن مكان وحده.
اماني: روحي لها بكره العصر تكون موجوده
خوله: والحين؟
اماني: وش يوديك الحين الساعه 10
خوله: مستعجله مرررره
اماني: والله بكيفك أنا خبرتك العنوان وانتهى دوري
خوله: تروحي معي واعطيك 200 اكثر
اماني: توصليها 1000 اروح وانا ما اشوف الدرب
خوله: ي الطماعه انزين خلينا نروح الحين
اماني: اوك مريني انتظرك
لبست عباتها وطلعت واخذت اماني معها وراحو للحرمه اللي ساكنه بحي يرثى له
تناظر البيت بقرف: الحين هذا بيتها
اماني: ايه انزلي
خوله تنزل : وش فيه كذا ظلام يخوف المكان
اماني: قلنا لك بكره مارضيتي
ودخلت البيت وخوله خلفها
اول مادخلت الغرفه كانت ريحة بخور كريهه والحرمه تخوف سمرا مممره وعونها حمر وتردد بكلمات غير مفهومه
الحرمه: ادخلو
دخلو وجلسو عندها
الحرمه وهي ترفع راسها وتتمتم بكلمات وشعرها ع وجهها
اماني: جايينك نبي حجاب
الحرمه تحرك راسها يمين وشمال: لممممين
خوله: لواحد اعرفه
الحرمه: شسمه كامل واسم امه شنو
خوله خبرتها
ورجعت تناظر فوق وتتمتم: عندتس شين منه
خوله: شلون يعنننني
الحرمه: اي شيء من ملابسه
خوله: لا
الحرمه: انزين باكر تجيني ومعتس شيء منه
خوله تقوم: حاضر
الحرمه: واقلتس عن سعره
قامت اماني وطلعو ع السياره
خوله: الحين شلون اخذ ملابسه
اماني تعلك: مدري عنك
ورجعتها ع بيتهم وراحت ع البيت وهي تبتسم لان لقت طريقه تاخذ فيها ملابسه



ومن بكرا صحى الكل اللي ع دوامه وانا قمت بدري قبل جواد وجهزت نفسي ورحت دقيت عليه بشوفه صاحي او نايم
مارد علي ف نزلت بروح الشركه .. وصلت للبوابه
قلت للحارس: ممكن تفتح البوابه بطلع
الحارس: ما اقدر طويل العمر مانع افتح لك
ياربي منه اجل كيف بداوم
جوانه: بس أنا زوجته و بداوم عنده الشركه ولازم اطلع
الحارس: دام كذا خذي السايق يوديك
وراح كلم السايق وطلعت .. الله حلو احس اني شيء مهم خخخ يفتح لي الباب واطلع وكذا ي سلاممم
وصلنا الشركه وكنت بنزل نزل وفتح لي ونزلت وشفت هادي توه وصل ويناظرني باستغراب
طنشته وطلعت وصلت ورايحه ع مكتبي شفته يطلع الدرج بعجل
هادي: دقيقه
وقفت واناظره وهو صار جنبي ويتنفس بسرعه كان شكله يركض
هادي: احححم شلونك
جوانه: بخير ليش
هادي: ابيك بموضوع




جواد: الو
الحارس : هلا طال عمرك
جواد: جهز لي السياره
الحارس: حاضر بقول لمنصور
جواد: ليش وين كومار
الحارس: طلع مع المدام
جواد: مين امي ؟
الحارس: لا زوجتك جوانه
جواد حس بكأنه بركان بداخله
جوأد: مننننننننن قال زوجتي ؟
الحارس خاف من عصبيتيه: هي قالت لي
جواد: واننننننننت اي احد يكلمك تصدققققققه .. هذي خدامتي ي غبي
الحارس: اسف طال عمرك ماكنت اعرف السموحه منك
جواد عصب وقفل منها .. نزل وطلع سيارته مع منصور وتوجه ع الشركه وهو يكلم نفسه" شلون تتجرئيين تقولي للعالم اني زوججججك .. حسابك عندي ..




مشيت من عنده: مافي شيء نحكي فيه
هادي: ارجوك بس اسمعيني
ومشيت بسرعه مابي جواد يشوفني معه ويسوي لي سالفه تفاجأت لما مسك يدي ولفني له بقوه لدرجة انه اختل توازني عشان الكعب وكنت اشوف اني اقرب من الارض بس بلحظه في شيء مسكني من ظهري ومنعني اطيح كنت مغمضه عيوني فتحتها الا بوجه هادي قريب مني وماسكني من ظهري محاوطني بيدينه وانا بقوم بس كان يناظرني بنظرات غريبه وانا مصدومه
: جججججججججججججججوانه
كان بيغمى علي لما سمعت الصوت العصبي الحاد اللي خلاني ارجف .. وقفني هادي ورجع خطوتين وانا انتظر العاصفه اللي بتجيني .. قرب مني وكككف قوي كان بيكسر رقبتي من قوته
هادي يدافع: طال عمرك مافي شيء كانت تبي تطيح وانا مسكتها بس
جواد بعصبيه يحاول يتحكم فيها ويصر ع اسنانه
جواد: انت انزل مكتبك لا يصيرلك شيء مايعجبك
نزل هادي وانا دموعي بعيوني ومنزله راسي .. مسكني من شعري ومشى فيني وانا اتألم وماسكه ع يده دخل مكتبه ودفني ع الارض بقوه لحد ماضربت بيدي
جواد: انتي ماتستحي ع وجههههك وش قلة الادب هذي .. إذا اهلك ماعرفو يربونك أنا اربيك
ناظرته ودموعي ع خدي: أنا اهلي ربوني احسن تربيه لاتغلط علللللليهم.
نزل ع رجوله وبعصبيه: اجججججل وش تسمين اللي اشوفه مممممره جاد وبعد ولد عممممك وهااادي انتي انسانه حقيرررره
رددت باستغراب: ولد عمي؟؟؟
جواد: اييييهههههه ع بالك غافل عنك وعن حركاتك .. أنا شفتك يوم الملكه تحضني شخص ويوم سألت عنه عرفت انه ولد عمممممك .. انتي مين بعد ناويه عليه .. بس احترمي نفسككك شوي .. ع الاقل عشان اهلك اللي تعبو ف تربيتك
لسى مصدومه من كلامه ودموعي ع خدي هذا بشنو جالس يتهمني بشنو .. فهد اخوي مو بس ولد عمي .. شلون يفكر
قلت له: انت مو فــ قاطعني
جواد: اسكككككككتي مابي اسمع صوتكككك يلا انقلعي ع مكتبككككك
سكت وحاولت اوقف ماسكه يدي اليمين باليسرى لانها تعورني مشيت بهدوء ودموعي ع خدي واحس اني مجروحه وش كثر اتألم من هالانسان مريت جنبه وطلعت مكسوره متحطمه يتهمني باخلاقي يتهم اهلي بتقصيرهم وعدم تربيتهم .. لا ماراح اسمح له شلون كذا قدرت اسكت وهو يهينهم معي .. مسحت دموعي وجلست ع مكتبي مر اليوم وانا ماطلعت من مكتبي ولا شفته ولا هو قرب من مكتبي ولا ناداني

خلص الدوام وطلعت كنت واقفه عند المصعد انتظره يفتح
جواد: ع وين
التفت وشفته خلفي: خلص الدوام برجع
جواد: شلون تفكري تطلعي بدون اذني هاه
جوانه: تطمن ماراح اهرب
جواد يناظرني بتحدي: لا مطمن من هالناحيه
جوانه: وش قصدكك
اشر لي بعيونه ع المصعد ناظرته شفته فتح دخلت وتمنيت مايجي معي بس مو كل مايتمناه المرء يدركه دخل ونزلنا بسلام مايكلمني ولا اكلمه تقدمني وانا كنت امشي بخطوات بطيئه قاصدتها عشان ما اكون قربه
: انسه جوانه
التفت شفته جاي
هادي: أنا اسف ع اللي صار ماكان بقصدي .. واصلا استاذ جواد ماكان له الحق يمد يده ع موظف انتي لازم تقدمي شكوى عليه
جوانه: مو مشكله. قلت اغير السالفه.. ليش للحين هنا مارحت البيت
هادي: كنت انتظرك بقلك اللي كنت ابي اقوله لك الصباح
جوانه: استاذ هادي الله يخليك مو ناقصني مشاكل
هادي بارتباك: انسه جوانه احمم أنا بصراحه حبيتك



جالس بغرفته ويسمع صوت البنات بالصاله
امجد: ي الله اسأل لمى والا لا .. طب اصلا وش بقول لها .. ياربي وش اسوي احس مستحيل راح احرج البنت .. بس لازم اعرف مين هالدانه
نروح للبنات اللي اصواتهم عليه عشان مقررين يخطبو لامجد اللي مو داري عن امه
رسل: أنا قررت نخطب له ريناد بنت جيرانا
فرح عيونها مفتوحه: لا وع هذيك الشهبا تصير حماتي قل اعوذ برب الفلق
رسل: والله ماشي حالها زينه
لمى: بس بس حصلتها ناخذ لمياء اللي بقاعتي
فرح: وع هذيك الحولا ام عنين تصير حماتي
جنى: انت شفيك قاعده لنا
فرح: لانه في يوم من الايام سيتزوج الجميع ويبقى وجهي الجميل مع وجه حماتي الخايسه ف مايصير اكثر وحده لازم تختار زوجة امجد هي أنا لذلك انصرفو عن وجهي ف أنا سوف احصلها
لمى تضحك: ماذا اصابكي هل انتي جائعتون
فرح: كلا ياصديقتي أنا فقط شوي فاصلتون
رسل: فاصلتون والا نقطتون
جنى: هه هه هه سخيفينننننننن
فرح: انتي اغربي عن وجهي
جنى: نعم سوف اغرب لاني لا احب الشروق نيها ها ها
فرح: كر كر كر لم يضحكني ذلك مره
جنى: الا وين رسيل
رسل: تعبانه ف البيت
فرح: افا ما الذي جاها
لمى: فررررررح وجع صدعتي راسي من هاللغه المتناقضه اللي معك
فرح: اولا وجع يوجعك ثانيا انها لغة الحضاره والشعوب الاغريقيه القديمه فماذا فيك أنا اتقنها بقوه
لمى: اجل تتقنيها بقوه .. ما اقول غير مالت
فرح تشهق: مين اللي مالت وعلى مين طاحت
لمى: أأأأأأأأأأه يارب ارحمني من هالبني ادميه اللي مدري اخوي وش حب فيه
رسل: هههههه لو يشوف مدى سماجتها ينجلط
جنى: مسكين مايدري
فرح: لا يهمني الامره دعيه يحلق ف السماء ثم يهبد ف الارض ان لم يعجبه حكيي
لمى: بروح اشوف الغدا جهز او لا مت جوع
فرح: زين بسرعه كي نكمل حديثنا
لمى تمسك ع راسها وتروح
البنات: هههههههههههههههههههههه



جوانه: ننننننعم ؟
هادي: ادري راح يفاجأك هالخبر .. بس والله حبيتك
ناظرت جواد شفته وقف كلمت هادي بسرعه
جوانه: بس أنا ما ابيك ولا احبك وانسى هالشي مستحيل ارتبط فيك
قلت له كذا ومشيت مابي يتعشم فيني أنا الحين متزوجه وما ادري متى راح يفرج عني ويطلقني وصلت عند جواد اللي النار تطلع من عيونه
كلمني بعصبيه وصوت منخفض: انتي ماراح تتركي قلة الادب هذي لين اربيك .. قال لسايقه يوقف تكسي وكلمني: روحي بهالتاكسي وحسابك ف البيت
راح بسارته وانا شفت التاكسي طلعت معه وشفته هندي
الهندي: وين ودي
يعني جواد ماقال له. ابتسمت بفرح وانا مو مصدقه خبرته ع عنوان بيتنا واتجهنا له



:الو
جواد: نعم
: مسار السياره متغير طال عمرك
جواد بعصبيه: ع ويننننن
: الظاهر بيت اهلها
جواد يصر ع اسنانه: وقفو السياره فورا واخذوها معكم
: حاضر طال عمرك



طق طق طق
ريم: ادخخخخخل
مازن يدخل راسه: انتي ماتعبتي من الجلسه بهالغرفه
ريم بحزن: افضل شيء اظل بغرفتي مابي ازعج احد بمشاكلي
دخل وهي كانت ع اللاب توب .. جلس ع سريرها
مازن: يلا خبريني شفيك
ريم: احب اجلس وحدي
مازن: طيب وش رايك نطلع نتمشى
ريم: مالي خلق اطلع مع اصحابك
مازن: مافي اعذار بروح اجهز نفسي تطلعين اليوم يعني تطلعين
وراح وريم ابتسمت: ربي يخليك لي مافي احد يحاول يسعدني ويطلعني من اللي أنا فيه كثرك
جهزت نفسها وطلعو ع المول كانت تشتري اغراض ومازن يستهبل عليها ويجيب لها ملابس غريبه وطلعها من حالة الحزن اللي هي فيها اخيرا جلسو ف الكوفي وطلبو قهوه
ريم تتنهد
مازن انتبه لها: شفيك
ريم: ولا شيء بس افكر ف بعدين
مازن: شلون يعني
نزلت راسها وبحزن: منار
مازن بخوف: وش فيهههها
ناظرته بحزن: راح تاخذك وتبعدك عني
مازن: افا تقولي كذا عن توأم روحككك
ريم: ادري انها طيبه وكل شيء فيها زين وصديقتي واكثر من اختي .. بس اقصد ماراح نطلع كذا .. ماراح تهتم إذا أنا زعلانه وتحاول تسليني
مسك يدها: ولا شيء بالدنيا يبعدني عن اختي .. ومنار تحبك وتهتم فيك اكثر مني
ريم تهز راسها: ادري
مازن: اجل ليش هالكلام
ريم ترفع كتوفها: ما اعرف بس خايفه
مازن يبتسم: اقول ابلعي قهوتك بس عشان نرجع البيت بدري



قربنا من بيتنا ي الله مبسوطهههه لف السايق يمين ورجع يسار
قلت بخوف: وش فيه
السايق: هادا سياره ورا يأشر أنا وقف
ناظرت ورا شفت ثلاث سيارات ورا بعض وتأشر عشان نوقف وخخخخفت
جوانه: هذا هو والله هو ???? لاتوقفففففف امشي بسرعهههه
السايق سمعني وكمل الطريق شفت سيارة صايره جنبنا وتدق بوري
جوانه: ياررررب اوصل بيت اهلي يارب اقدر اوصل واقلهم خلاص مابييه مابي اتزوججججه كنت اناظر ورا وشفت السايق يوقف فجأه ناظرت قدام فيه سيارتين اعترضو طريقنا وقف ونزلت ناس لابسه اسود وضخمه من السيارات أنا غمضت عيوني من الخوف انفتح الباب وما حسيت غير بيد قويه مثل الحديد تمسك يدي وتطلعني ع برا بقوه وانا ناظرته وبداخلي ادعي ربي يحميني منه

البارت العــــــــــاشر


تعبت أشكي
تعبت
أبكي
تعبت
أحكي مآسي الروح . .
قتلني الوقت بصروفه ذبحني وجفف نهاري . .
أخبي علتي وأسكت وأنا في داخلي مذبوح . .
أجامل وأرسم الضحكه وأنا قلبي على ناري . .
أحاول والله يعلم بي أداري دمعتي ﻻ‌ أبوح . .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح . .
صداها لو دفنته يوم يبين سنين بأنظاري . .
صرخت بحسرتي يكفي صرخت بصوتي المبحوح . .
أﻻ‌ ياوقت وش ذنبي عشان الفيك باعذاري . .
تبعثر حلمي قدامي وغديت بدنيتي منزوح . .
وقفت وﻻ‌ قدرت أجمع مغير مشتته أفكاري . .
أمني النفس وأخدعها وأقول إن كربتي بتروح . .
وهي والله مولوده قدر فأرحام أقداري . .
قتيل والبقا براسي في دنيا مابها مصلوح . .
قتيل والقهر قاتل من اللي ياخذ بثاري . .
أبا ببقى ضحية وقت أعاني والعنا مجروح . .
دعيت اللي خلق يرحم رجيته ربي الباري . .
أبي أسعد أنا بلحظه قبل نزعه توافي الروح . .
قبل مارحل عن
الدنيا
وأروح ﻻ‌خر دياري . .
أنا بحمل صديد الجرح في باقي وقتي المسموح . .
وإذا وافتني القدره ترى هالبيت تذكاري . .
رثاني دمعي الطاهر في صمته مارضي بالنوح . .
رثتنيقسوة

الدنيا
ورثتني حتى أشعاري . .
وجزت اللي ذبح قلبي وعشته بالخفا مشروح . .
لجل ماضعف بعين اللي نشدني كيفها أخباري



.................................................. .................................................. .................................................. ..............................




صار لي 3 ايام تقريبا محبوسه بهالمكان المظلم لوحدي عايشه مع خوفي مع حزني مع همومي .. ماشفت جواد بعد اللي صار كل يوم يدخل شخص يعطيني اكل ويطلع وقفت ورحت للشباك اناظر ابي اعرف وين أنا بس مافي شيء يخليني اعرف غمضت عيوني ونزلت دموعي وانا اشوف الشمس بدت تغرب لا لا ارجوك ي شمس لا تغيبي أنا اخاف من الليل ياليت يجي ياخذني من هالمكان .. الضرب اهون علي من العيشه هنا .. انفتح الباب ودخل الرجال وانا غطيت وجهي حط الاكل
الرجال يناظر الاكل اللي جابه قبل خمس ساعات تقريبا : ليش م اكلت
جوانه: مابي اكل
: راح تموتي
جوانه: طلعني من هنا مابي شيء مابي اكل ابي اطلللللللع
: طويل العمررر مايرضى اطلعك .. احسن لك كلي قبل تموتي
وطلع وقفل الباب وانا رحت اضرب الباب بقوه ودموعي تنزل
جوانه: طللللللللللللللللعني .. ويننننننن رحت .. طلعوني من هنننننننننا .. ي ننننننننناس الله يخليكككككم طلعوني طلعوني. جلست بالارض منهاره وارجف احس بخوف ضميت رجولي واسندت راسي عليها وظليت ابكي واقرا اية الكرسي يمكن اهدا



بداخلها حزن من يوم فارقت توأمها وهي تحس فيها تحس انها تعبانه تحس بشوق لها دخلت غرفتها فتحت الانوار وجلست ع سريرها
اخذت مخدتها وتشمها وتبكي: جوانه اشتقتلك .. ابيككككك وين رحتي عني .. احس انك مو بخير ياليت اقد اتطمن عليك .. جوانه امي وابوي زعلانين عليك ع بالهم تزوجتي و سافرتي ونسيتيهم .. أنا الوحيده اللي حاسه فيك وعارفه انه اكيد مو بيدك ومتأكده انك عمرك مانسيتينا .. جوانه حبيبتي اتمنى تقدري تكلميني .. وحشتيني كثير اكيد تحسي بي مثل مو أنا احس فيك .. اكيد اشتقتي لي مثل مو أنا مشتاقه لك ..
مسحت دموعه وانسدحت ع سرير اختها يمكن تلاقي ع الاقل ريحتها فيه ونامممممت



في بيت الهامي ب التحديد ف غرفة جواد كان يناظر من بلكونته ويدخن دق جواله ورد
جواد: الو نعم
: طال عمرك البنت ما تاكل
جواد: من متى
: صار لها يومين
جواد: طيب ماعليه خلها .. لو جيعانه راح تاكل
: بس طاأ ”قاطعه
جواد: انت مالك شغل
: حاضر
قفل منه وطفى سجارته ودخل ع غرفته
جواد: هه ع بالك بهالتصرفات راح ارحمك واحن عليك .. غلطانه .. الحقد اللي بقلبي لك كل يوم يزيد اكثر عن الثاني مابقا فيه محل للرحمه.



خوله: وبعدين معك ابيك معي أنا م اعرفها
اماني: طب جبتي شيء منه
خوله بابتسامه: اي اكيد
اماني: شلون قدرتي
خوله: رحت بنفس اليوم دخلت وشفت ألخدامه
خوله: ف احد ف البيت
الخدامه: بابا وماما روح مستشفى
خوله: انزين وجواد
جواد: مايجي
وراحت الخدامه
طلعت فوق لقيت باب جناحه مقفل واكيد الخدم عندهم نسخه بس إذا طلبتها مستحيل يعطوني جلست ع الارض وصرخت
خوله:أأأأأأأه رررررجلي .. ستي - كيننننناأأأأأ أأأأه
شوي وجت كينا
كينا: ايش فيه مدام
خوله: اه اه رجولي زحلقت ومو قادره اوقف
كينا: طيب تعال اجلس هنا صاله
خوله: وش صالللللته اه ي رجلي افتحي افتحي باب هالغرف اجلس فيها لين يهدا الالم
كينا: بس هدا جناح بابا جواد وانا خوف سوي جنجال
خوله: أأأأأأه رجلي أنا رجلي بتنخلع وانت خايفه من جواد .. ماعليك أنا اقله اني فتحته
اخيرا فتحت الباب وسويت حالي اسند نفسي ع الجدار لين دخلت وجلست بصالة الجناح
خوله: روحي جيبي لي مويا حاره عشان رجولي اقدر احركها
كينا: زين
وطلعت راقبتها لين نزلت الدرج وفزيت ع غرفته فتحت دولابه واخذت هالقميص ورجعت مكاني وشوي سويت نفسي تحسنت وطلعت من البيت
اماني: اثرررك مو هينننننه.
خوله: اكيد .. والحين تروحي معي والا شلون
اماني: ماشي بروح معك





نمت عند الباب وصحيت ع صوت المفتاح ف الباب ناظرت المكان شفت النور بالغرفه يعني الصباح اف وش هالنوم كله. دخل الحارس وبيده اكل حطه واخذ صحني من امس وطلع .. قفل الباب وناديته
جوانه: هيه
: نعم
جوانه: ابي الحمام
: زين
حط الصحن ع الطاوله وفتح الباب ومسكني من يدي بس بعدت عنه
جوانه: لاتلمممممسني ماراح اهرب
مشى جنبي لين وصلت الحمام دخلت واناظر اي مكان اهرب منه .. بس للاسف مافي مخرج منه كان فيه مكنسه اخذتها وقلبي يرجف يارب كون معي ع اللي بسويه فتحت الباب بهدوء وكان الحارس معطيني ظهره رفعتها وضربته ع راسه بقوه حسبت مثل الافلام بيغمى عليه وانا اهرب بس مسك ع راسه بألم وانا رحت اركض اركض اركض من بين الممرات واسمعه يناديني ويركض خلفي بس ماناظرته اخيرا شفت الباب اللي يوديني ع برا ركضت بسرعههههه واصتدمت بشي اشبه بالحديد لحد ماصدري وجسمي وراسي كله عوروني رفعت راسي وانا اتفس بسرعه من الركض خايفه من اللي بشوفه واول ماشفت القساوه اللي بعيونه وونظرات الاستهزاء ونص ابتسامه كأنه يقول ع بالك بتهربي مني .. أنا وقتها ماعدت قدرت اوقف حسيت راسي يدور وماعاد حسيت بنفسي



طلعت من عند الحرمه وهي تبتسم طلعت السياره وفتحت شنطتها واخذته
خوله: اخير ي جواد راح تكون خاتم باصبعي بس باقي كم خطوه اسويها وتصير ملكي
اماني: وش ذا الحب اللي يخليك تسحري حبيبك
خوله: مين قال احبه .. أنا احب فلللللوسه
اماني: خيركم واجد انتو ليش يعني
خوله: هالكم مية الف ع بالك فلوس
اماني: تكفي احسن من حالتنا
خوله: أنا اعتبرها ولا شيء .. أنا ابي شيء يخليني ملكه امشي والناس تأشر علي وتقول هذي مرت ولد الهامي
اماني: وش هالطمع
خوله: حب الفلوس مابينتهي عندي
اماني: الله يعينك ع نفسك



ف بيت ريم وفي غرفتها جالسه ع السرير ومنار جنبها

ريم: منار
منأر: هلا
ريم: ابي أنا امممم كل يوم او يومين ازور جاد
منار تفتح عيونها: شنننننننننو انتي خبللللله
ريم: وش اسوي رغم كل شيء سواه فيني بس احبه
منار: شللللللون شلون تروحي لشخص اهانك ذلك تركك وحدك ولا همته سمعتك
ريم ودموعها تنزل: ادررررررري ادري بكل هذا بس عمري مابنساه عمري ماكرهته ماقدرت .. احبه بكل مافيني وش اسوي طيب
منار: لا تروحي له بعد خلاص خليه ان شاءالله حتى لو يموت
ريم بخوف: لأأأأأأ بسم الله عليه .. أنا مابي منه شيء أنا اروح اتطمن ع صحته وبس
منار: انتبهي ي ريمي هاللي تسوينه غلط .. افرضي صحى وانتي جنبه وسمعك كم كلمه لين انجرحتي بترجعي تندمي ع الساعه اللي رحتي فيها
ريم: مايهمني يقول اللي يبي اهم شيء يكون عايش مابيه يموت حسي فيني
منار تضمها: خلاص ي قلبي اهدي ماعليك أنا بكون معك
ريم: أنا كنت أقول لمازن صديقتي هنا وبزورها يوصلني ويروح بس الحين اكيد ماراح يصدقني .. ابيك تساعديني
منار حزنت ع ريم اللي لسى متعلقه بشخص نساها
منار: طيب
ابتسمت ريم بفرح وهي تضم منار
ريم: شككككككرا.



صحيت فتحت عيوني بهدوء وين أنا شيء يتحرك فزيت واناظر حولي وناظرته جالس جنبي ويسوق السياره مدري وين ماخذني طلعنا برا الرياض وخايفه ليكون يبي يقتلني ويرميني بهالصحراء يارب يارب تحميني خايفه اسأله اصلا ماراح يرد علي كنت اناظر بالشارع لحد ماغفيت مره ثانيه ولا حسيت ع نفسي
صحيت بمويا ع وجهي وشهقت
جواد: انزلي
ناظرت المكان كان بيت شكله حلو وله حديقه كبيررره رغم ان البيت مو كبير مره ما ادري وين احنا بالضبط. نزلت ونزل هو بعد واخذ شنطه متوسطه ف يده مشينا لين الباب كنت خلفه. دق الباب طلعت وحده مبين ع ملامحها الطيبه
ضمته وهو باسها: شلونك ي عمه
عمته: هلا ي ولدي .. هلا بالغالي
جواد:هلابك .. شلونك وشلون العيال
عمته: ادخل ادخل حياك
كانت تناظرني باستغراب بس ابتسمت وانا ارتحت احسها طيبه
دخل وحط الشنطه ع جنب وتقدم ع الصاله
جواد وهو يجلس: ابيك ف موضوع
حصه: شنو ي ولدي.
جواد:بس بقلك ع شيء واحط امانه عندك لحد اخلص كم شغله وارجع
حصه: شنو
جواد: عمتي هذي زوجتي
اوه اخيرا اعترف اني زوجته مو خدامته
كمل: اخذتها مسيار وهي ماعندها اهل يتيمه وانا عندي كم شغله وما اقدر احطها بالفندق وحدها ف جبتها هنا كم يوم لين اخلص الاشياء اللي معي وبجي اخذها ونسافر لندن
وش وش يقول ما استوعبت أنا يتيمه !! بسم الله ع اهلي ربي يخليهم لي .. لا وبعد مسيار
حصه: ولا يهمك بعيوني احطها
جواد: لا عادي عامليها زي خدامتك
حصه: لا حشا هذي ضيفتي
جواد: بداخله انقهر مايبي تتعامل معها بطيب" ماعليه كلها كم يوم ونسافر لندن وتشوفي العذاب ي جوانه على كل تصرفاتك"
يعني بيتركني هنا عند هألعمه الطيبه وننننناسه بخليها توديني عند اهلي بنفسها وماراح يقدر يتكلم لان شكله يحب عمته هذي
وقف جواد: اجل استأذنك أنا
وقفت عمته وراحت معه للباب
جواد: اي وبعد لاتخبري اهلي مايعرفو الموضوع
حصه: لا تطمن مراح اخبرهم
جواد يبوسها ع راسها: شكرا ي عمه
بيطلع بس تكلمت
حصه بحزن: شلون حال اخوك الحين .. جيتني بسرعه ولا سألت عنه
جواد يناظرني بحقد: الله لا يسامح من كان السبب
حصه: كنت بسافر لكم بس تعرف الظروف
جواد: ماعليه ي عمه ادري فيك
ودعها وطلع وانا باقي مصنمه عند كلمة عمته "كنت بسافر لكم بس تعرف الظروف" سفررر يعني وين أنا أنا بعيده عن الرياض بس اكيد مو كثير لان ماطولت نايمه .. ي ويلي ليكون حط لي منوم عشان ما اعرف وين أنا واخذني مكان بعيد. حسيت بيد تلوح قدام عيني
ناظرتها وابتسمت
حصه: وين وصلتي
جوانه: ولا مكان
حصه: الا ماقلتي لي شسمك
قلت وانا ابتسم: اسمي جوانه.
حصه: انزين ارتاحي الحين اكيد تعبتي من الخط
جوانه: الحين وين أنا
حصه: ليش جواد ماخبرك
قلت ارقع: اححم كنت نايمه طول الطريق ونسيت اسأله
حصه: انتي بالدمام
ي الله بالدمام .. يعني 5 ساعات لرياض افففف هذا جالس يبعدني عن الرياض حبه حبه .. الحين هنا وبعدين مدري وين .. اكيد خايف احاول اهرب الله ياخذك وارتاح اف
حصه: شفيك تسرحي كثير
انتبهت لها كنت واقفه: هاه لا لا مافي شيء
حصه: اجل قومي معي اوديك غرفتك
رحت معها فتحت الغرفه وشغلت الانوار
حصه: ادخلي
دخلت وشفت سرير وكنت بسويها وانط عليه قدام عمة جواد بس مسكت نفسي ي الله من يوم اخذته ما نمت ع سرير
حصه: اخليك ترتاحي وتغيري ملابسك
وراحت وانا اول شيء سويته انسدححححت وانا اضحك واناظر السقف .. ابتسمت بحزن وانا اذكر دانه اكيد الحين مضايقه مني كثير قلت لها برجع اتصل وسحبت جلست وتهندت واخذت ملابس من شنطتي اللي دخلتها الخدامه ورحت اتحمم




نزل وشاف اخته بالصاله تشوف التي في وحدها توجه لها ع طول
امجد: سلام
لمى وماشالت عيونها عن الفلم: ي هلا
جلس جنبها : احححم بسألك شيء
باقي ع نفس الوضع: شنو
شافها مو مركزه معه اخذ الريموت وقفله
ناظرته بكره: ياكككككرهككك شنو شتبي
امجد: ابي اسألك عن بنت
لمى تركز معه وهي تلف وتقابله: ايه وشو
امجد: اممممم شسمه ذا
لمى بعجل: شنننننو
ضربها ع راسها بخفيف وضحك: هههههه صدقت الخبله
لمى: ي الككككريهه
ضحك ووقف وطلع من البيت وركب سيارته
ضرب راسه: خبل انت بتسألها عن دانه .. اصلا وش بقول لها شفتها لا عيب مايصير
سمع صوت شوي بعيد: مرحبا يا اخ العرب
ابتسم هالخبله كيف بتتزوج اخوي: هلابك
فرح: هل سمعت بااللتي اخترناها لك
رسيل تمسكها من يدها: اقول امشي ي الخبله فضحتينا بهالصوت
كانت تتكلم بصوت مرتفع عشان المسافه مو قريبه
امجد نزل من السياره وراح لهم بس ماكان واقف مره قريب
امجد: وش مافهمممت
فرح: افا الولد مايعرف انو عمتي بتخطب له
امجد متفاجأ: تخخخخخخخخطب لي؟
فرح: وي محد خبرك ي اخو زوجي ف المستقبل
امجد مضايق كثير ومو وقت استهبالها تركهم وراح ع البيت دخل شاف لمى لسى مكانها
امجد: وين اممممي
لمى: راحت عند خالتي
امجد: شلللللللون تقرررررر تخطب لي بدون شوري او علمي
ناظرته لمى باستغراب: الكل يعرف حتى ابوي
امجد بعصبيه: وانننننننا اخخخخخر من يعلللللم
لمى سكتت لما شافته معصب .. وهو ترك البيت وطلع.




جلست بغرفتي مابي احرجهم سمعت صيحه برا واستغربت بس ماطلعت
دخلت وحده صغيره مو مره يمكن عمرها 12
سلمت علي وجلست جنبي
جوانه: اهلللين .. شو اسمك
: أنا هديل وانتي ماما قالت اسمك جوانه زوجة جواد
ابتسمت بغصه من كلمة زوجته: اي حبيبتي
هديل: أنا اكيد راح احبك كثير
جوانه: ليش يعني
هديل: لان احب جواد هو قلبه طيب ويحب الكل
يمكن قصدها شخص ثاني .. جواد طيببببب من متى
جوانه: عندك اخوات
هديل: ايه وحده اكبر مني اسمها منيره والثانيه عمرها 4 سنوات اسمها لين .. تعالي برا شوفي كلهم برا
ابتسمت: لا مايصير مابي ازعجكم
هديل: الا الا تعالي مافي احد عبدالله مو هنا
ومنيره توها ترجع من المدرسه .. اصلا ماما قالت لي اناديك ع الغدا ونسيت
جوانه: ليش وين ابوك
هديل: مسافر. ونزلت راسها. مو فاضي لنا
وقفت ومسكتني من يدي وطلعنا
حصه: ي هلا بنيتي تعالي اجلسي .. أنا احضر الاكل واجيك
شفت 2 صغار يلعبو اخذت البنت من ع الارض وجلست وجلستها ف حضني
جوانه: ياقلبي انتي لين
لين: لا
جوانه: اجل مين
لين: أنا ليونه
جوانه: ههههههههه ي لبى ليونه الحلوه
شفت اخوها شكله اصغر منها اخذته ونزلتها
: اثمي امد
ناظرت هديل: ههههه وش يقول
هديل: يقول اسمي محمد
محمد اسمه محمد اه يبه فقدتك .. مثل اسمك يبه
ضميته: انت تدنن حمودي
نزل ونادت عمتي عشان نتغدا
حصه: وين اختك
هديل: تقول ماتبي
حصه تتنهد: يالله تهدي لي هالبنت
اكلت بهدوء ودخلت غرفتي مابي اضايقهم بوجودي جت هديل بعد ماتغدت وفكرت اطلب منها شيء وخايفه
جوانه: هدوله
هديل: همممم
جوانه: تقدري تجيبي لي اي جوال بتصل منه
هديل تبتسم: اككككيد.
راحت تركض وشوي وجت وفي يدها تلفون وانا ححححححيل فرحت
هديل: ها امسكي أنا بروح ماما تبيني
اخذته ف يدي واصابعي ترتجف خفت اتصل يرد جواد صار محاصرني اتوقع منه كل شيء كنت بتصل ع دانه بس لا مابي اشغلها
ضغطت الارقام بارتباك ورفعته .. سمعته يرن
فهد: الو
دمعت عيوني: فههههههد
فهد: اهلين بالقاطعه اللي من تزوجت نستنا
جوانه: مو بيدي .. فهد اسمعني ابيك تجيني أنا بالدمام تعال خذني الله يخليك
فهد بخوف: شففففففيكككك
جوانه: دقيقه بسأل هديل
مسحت دموعي وناديتها
هديل: شو
جوانه: حبيبتي انتي وش اسمك بالكامل
خبرتني
جوانه: طيب وش اسم هالحي
خبرتني. وبعدها راحت
جؤانه: الو فهد أنا ف حي،،،، واسم صاحب البيت ،،، تعال خذني اسأل عنه وتعال
اندق الباب وانفتح وانا قفلت ع طول بخوف
دخلت وحده ناظرتها ملابسها وشكلها مو لايق ع الجمال اللي بوجهها
جلست بعد ماسلمت علي: أنا منيره .. قالو لي انك زوجة جواد
جوانه: ايه
ناظرتني بنظرات غريبه: ياحظك جواد انسان مافي مثله
جوانه: ايه صح
وقفت: أنا بروح
وطلعت بسرعه وانا ظليت انتظر فهد .. يارب يقدر يلاقيني

البــــ11ـــــارت الحــــادي عشـــــــر



اذا قصدك تعذبني فديتك ريح اعصابك...
تراك في ناظري اصغر من انك تحرق اعصابي...
انا الي في العلا شامخ ولاارضى الهون باسبابك...
وانا الي اثني عزومك وابيعك دون لااهابي...
وش المعنى تجافني وترجع شايل اعتابك...
انا ماني على كيفك متى تبغى اتسلابي...
رفعتك من الدنى الواطي وشلتك عالي اهضابك...
ويوم اعليت لك شانك تجي الحين تهزا بي...
حشا والله ماتسوى بعيني حفنة مترابك...
ولانزل يوم مالعالي كمن قدره على ترابي...
وقليل الشان لو يكبر يتوق فدرب متشابك...
ومهما في العلا يرقى باصله دوم ينعابي...
اذا قصدك تعذبني فديتك ريح اعصابك...
تراك في ناظري اصغر من من انك تحرق اعصابي...





جالسه بغرفتها وتفكر ف جوانه .. هالبنت شكلها حيل طيبه .. وجواد يستاهل .. ليش كنت احس في شيء بقلبي له لكن من عرفت انه تزوج مازعلت غريب ياقلب
وقفت عند نافذتها تناظر بالسياره اللي دخلت بيتهم شافت شخص ينزل ينزل منها وبصدمه اعتلت وجهها
منيره: انـــــــــــت !!!!



اول ماسمعت الجرس ع الساعه 10 كذا عرفت انه فهد اكيد طلعت ع الصاله وشفت عمتي رايحه تفتح الباب .. مدري وش قال لها فهد ناظرتني
حصه: ولد عمك عند الباب .. البسي واطلعي شوفي وش يبي
اففف فهد ليش تقول ولد عمي ماباخذ راحتي لبست عباتي وطلعت له من شفته كان ودي اضمه بس كان عمتي واقفه تناظرنا من بعيد ..
فهد: انتي من متى هنا .. وليش وش صار خبريني
قلت ودموعي ع خدي: مابي اجلس هنا خذني معك يلا الله يخليك خذني
فهد: طيب طيب يلا اطلعي السياره
طلعت بسرعه وهو راح لعمه
فهد: خالتي أنا باخذ جوانه معي ..
حصه: ماتاخذها
فهد: ليش
حصه: هذي امانه عندي ما اقدر اعطيك
فهد: ي خالتي البنت تعبانه لازم اخذها لاهلها
حصه تحسبه يكذب وزاد اصرارها: والله ماتاخذها الا ع جثتي ابعد
وراحت للسياره وفتحت الباب
حصه: جوانه انزلي جواد امني عليك
جوانه: عمتي ابروح معه الله يخليك انتي ماتعرفي السالفه
حصه: أنا حلفت وماراح تطلعي الا إذا دقيت ع جواد الحين وسمح لك
هه يسمح لي نزلت متحطمه مضايقه ناظرتها
جوانه: طيب ممكن طلب
حصه: قولي ي بنيتي
جوانه: يظل فهد هنا كم يوم .. يعني ينام بالمجلس لين جواد يرجع ياخذني
حصه: اكيد .. البيت مفتوح لك ولاهلك. ودامه واحد من عايلتك يقدر يجلس
ابتسمت بفرح وبستها: شكرا عمتي





دخلت خوله وشافت سميره بالصاله راحت لها
سلمت عليها
خوله: شلونك خالتي
سميره بهم: والله مثل منتي شايفه مو قادره افكر غير بجاد
خوله تمثل: قلبي معك والله ي خاله وحاسه فيك .. ادري مو سهله بس ربي يقومه بالسلامه
سميره: والله فيك الخير. محد يتطمن ع حالي كثرك
خوله: ولو خالتي انتي مثل امي واغلى
سميره: الله يخليها لك
خوله: امين .. خالتي جواد موجود ؟
سميره: ايه هنا. ليش
قالت بتردد: احححم .. خالتي أنا زعلت من امي وهاوشتني وطقتني بعد .. كنت ابي انام عندكم الليله .. بس الحين صعب وجواد هنا
سميره: افا وش هالكلام .. العين اوسعلك من المكان .. الحين اقول للخدامه تجهز لك الغرفه ..
وراحت عنها
ابتسمت: واخيرا راح يصير اللي ف بالي .. اصبر علي شوي ي جواد .. لازم بكره تذوق طبخ يدي. وضحكت بنصر




خبرت فهد اللي رفض اول شيء وبأصراري انه ابيه جنبي وافق .. راح يحميني من جواد اكيد مراح يسمح له ياخذني كذا .. كنت بغرفتي بنام بس سمعت طق خفيف ع الباب رحت فتحت ماشفت احد وجيت بقفل في يد وقفت الباب وفتحت شفتها منور.
منيره: ممكن اسولف معك شوي
ابتسمت: اي اكككيد تفضلي
دخلت وجلست ع سريري وناظرتني بنظرات غريبه
منيره: امممم فهد ولد عمك؟؟
استغربت يوم قالت فهد أنا ما اذكر اني خبرتهم اسمه بس يمكن هو قال لعمتي وعمتي خبرتها
جوانه: ايه. ليش تسألي
منيره: مافي شيء بس كذا ادور سولف
ناظرتها ورفعت خصلات شعرها اللي ع وجهها الحلو جوانه: انتي مره حلوه بسم الله عليك بس لو شعرك اطول كنتي بتصيري مزه ههه
نزلت دموع من عيونها ووقفت وتبي تروح مسكتها من يدها ووقفت معها وانا مصدومه من ردة فعلها
جوانه: ع وين اجلسي نسولف وانا اسفه لو ضايقتك
منيره ماتناظرني: لا بس بنام بكره عندي مدرسه
وراحت .. غريبة الاطوار هذي شفيها ياربي شكلها عندها عقده نفسيه بحياتها بس تذكرها تروح. تغطيت وقريت المعوذات ونممممت


ومن جهتها راحت غرفتها بسرعه فتحت درج تسريحتها واخذت علبه وفتحتها وجلست ع الارض وهي تبكي وتشيل الشعر الطويل اللي بالعلبه وتضمه.
منيره: ككككله منننننك .. كللللللله منننننننك
وتبكي بكاء طفله. ظلمها الزمن ولساتها صغيره



ف اليوم الثاني ومن الصباح صحيت نشيطه .. اول صباح اقوم مو متكسره من نومة الارض كانت الساعه 5ونص .. صليت وطلعت ع المطبخ .. سويت فطور سويت اوميلت وكمان بيض مسلوق حق لين ومحمد .. وسويت كم شيء كذا وجهزت السفره والشاي والحليب والعصير للي يحب واخذت منه ع جنب عشان اعطي فهد .. شوي وشفت عمتي جايه ومتفاجأه ..
حصه: ماشاء الله عليك من متى صاحيه أنا توني كنت بجهزه
ابتسمت وبستها: شلون اصبحتي ي عمه
ناظرتني بحب: بخير ي بنيتي.
جوانه: امممم صحيت قبل ساعه كذا وجهزته
حصه: أنا باخذك ع جواد انتي مافي مثلك
: افا وانا اظل بدون زوجتي
قلبي اه ي قلبي ارتتتتتتجف خاف تصنمت مكاني من الخوف .. شفته يدخل ويقرب من عمتة يبوسها وناظرني وقرب وانا غمضت عيوني ع بالي بيضربني بس ضمني .. وابتعد وجع وش ذا اكيد حرارته مرتفعه او غلطان لا لا مو صاحي .. شفت عمتي تبتسم .. اها توي افهم اي اكككيد كذا .. اكيد عمتي خبرته عن فهد .. وهو ماعنده وقت جا هنا باقرب وقت عشان مايخليني اروح معه خصوصا انه مايعرف انه اخوي
راحت عمتي بعد استأذنت انها بتصحي عيالها ع المدرسه قرب مني وبعيونه ححححقد الدنيا كله وانا ارجع وهو يقرب لين وصلت اخر شيء
جواد: لها الدرجه خايفه مني
ماتكلمت
جواد: اكيد مسويه شيء كبير عشان كذا خايفه
كمان ماتكلمت. ابتعد عني شوي وناظر الفطور ناظر الصحن حق فهد
جواد يبتسم: اكيد قلبك حس اني جاي وخليتي هذا عشاني مو ؟
أنا من الخوف والصدمه والارتباك مو قادره انطق بحرف
قرب مني وحط يده ع رقبتي يبي يخنقني بس ماشد بس محوطها بيده ..
يصر ع اسنانه: ولد عمكككك شلون عرف المكان
دموعي نزلت: لا تسوي له شيء أنا أنا دقيت عليه مـ م ما كـ كنت ابي شيء .. ولا بهرب معه بس بتطمن ع اهلي
شد يده ع رقبتي: حسابك مو الحين .. سمعت الباب انفتح وكان بيغمى علي لما قرب وجهه من وجهي وباسني ع شفاتي
حصه تضحك: بس عيب ي ولد ماكنت اعرف انك هالكثر تحبها
جواد ابتعد عني: هههه ايه حيل احبها
حصه يلا تعال افطر وانتي جوانه .. البنات الحين يجو يفطرو
تقدم جواد وجلس وانا باقي ع نفس وضعي .. وجهي مخطوف ومصدومه .. ادري انه مايبي احد يعرف انه جالس يعذبني بس قلبي من الصدمه ماهدا جالس يدق بقوه .. وش ها الجرأه يلمسني ليش الحقير.
جواد: هيه انتي لين متى بتظلي واقفه
ناظراته ماكان في احد غيره
جواد: تعالي اجلسي مابي عمتي تشك بموضوعنا

رحت له وجلست جنبه بصمت
جواد بأستهزاء: كل هالكثر تأثرتي باللي صار
جوانه: لا طبعا
وبديت اكل وتذكرت فهد دخلت عمتي وانا وقفت
جواد: ع وين
ابتسمت اغيضه: ابد ي روحي بوصل الاكل لولد عمي
عمتي: زين ماتسوين ما اكل مسكين من امس
جواد بنظرات تهديد: اتركيه أنا اوصله
طلعت وانا اخذ الصحن وقلت بدلع: لا ي عمري انت توك جاي من سفر مابي اتعبك حبيبي
شفت الصدمه ع وجهه وابتسمت وطلعت بعد مالبست عباتي طبعا بس قدامهم .. دامك تبيها لعب وتمثيل ي جواد راح تشوفني احسن منك. دقيت باب المجلس وفتح لي فهد
اخيرا صرت معه وحدي. اخذ الصحن مني وانا فتحت وابتسمت
جوانه: وحشتني ي خوي ححححيل وحشتني
فهد: وانتي بعد. بس تعالي علميني وش صاير معك .. ترا طول الليل مانمت افكر بحالتك
قلت ودموعي بدت تنزل: أنا مو مرتاحه مع جواد الحين ما اقدر اخبرك كل شيء بس حاول تاخذ لي جوال اكلمك فيه
فهد: ليش وين جوالك
جوانه: بعدين اخبرك .. يلا افطر أنا بروح شكلي بنجلد لو طولت
فهد بعصبيه: يخسي من يمسك وانا حي
حسيت عندي سند. شيء احتمي خلفه حسيت الخوف راح مني ابتسمت وطلعت ورحت ع المطبخ من بابه الخلفي.
دخلت والبنات وجواد وعمته جالسين يضحكون .. فسخت عباتي ورحت حطيتها بالغرفه ورجعت لهم ولسى ع نفس الضحك .. اول مره اشوف جواد يضحك هالكثر .. عشان كذا يحبونه .. مايدرون انه اكثر انسان قاسي بالدنيا جلست معهم
حصه: بس خلاص يلا كملو اكلكم الباص واقف
هديل: لأأأأ شلون اطلع وهالحلو هنا
جواد يبتسم لها: هالحلو راح يظل لين ترجعين
هديل بفرح: والله؟
جواد: والله
اخذو شنطهم وطلعو



خوله تنزل مستعجله تبي تلحق ع جواد شافت سميره وخالد يفطرو ف راحت لهم لابسه عباتها والطرحه
سميره: ي هلا يمه تعالي افطري
خالد: تعالي ي بنيتي أنا طالع الحين خذي راحتك.
وطلع وهي تقدمت وتناظر مكان جواد
خوله وهي تجلس: خالتي جواد طلع ع الشركه؟
سميره: لا والله صحيت شفت له رساله خبرني انه راح عند عمته الدمام
خوله تضرب ع الطاوله بقوه ع فشل خططها
سميره: شفيك
خوله: هاه لا لا ولا شيء شفت حشره بس
سميره باستغراب: حشرات ع الطاوله
خوله توقف: خالتي أنا بروح البيت
سميره: طيب ولا تزعلي امك بعد تراها تحبك
طلعت خوله من غرفة الطعام وهي معصبه مره وبداخلها" ماعليه هالمره ماقدرت بس المره الجايه ماراح تفلت مني


من جهة منيره اول ماطلعت ظلت تناظر باب المجلس لين وصلت الباص ركبت وعلى مدرستها القريبه شوي من البيت. نزلت تمشي بخطوات سريعه غير عادتها
ومن دخلت ظلت تدور ع صديقتها واخيرا شافتها
ولاء: اهلين منور
ناظرتها ودموعها ع خدها: رجع لي الماضي برجوله ي ولاء



هذا نص بارت .. وبكتب بعد الحين بكملها ويمكن انزله ع الساعه 3

توقعاتــــــــكم
وش اللي منيره مخبيته ؟
وخوله وش بتسوي لجواد ؟
وجوانه المسكينه هل راح تقدر تحتمي بفهد من شر جواد؟




تابع




وقف جواد: جوانه تعالي ابيك شوي
طلعت وعمتي جالسه مع لين ومحمد
دخل غرفتي وانا خلفه
قفل الباب وناظرني بحقد: انتي وش هالحركات اللي تسوينها
جوانه: اسوي مثلك والا حاب عمتك تعرف علاقتنا
جواد: حسابك مو الحين .. اصبري علي شوي
جوانه: عادي ماعدت خايفه منك سوي اللي تبي
جواد بعصبيه: اعلممممك .. خلينا بس نطلع من هنا
جوانه: تعودت ع الضرب ماصار يأثر فيه دور شيء غيره
جواد يقرب مني ويمسكني من ذراعي وهو يغرس اصابعه الحديد فيه بقوه وكأنه يتحداني وانا احس بألللللللم يدي باقي شوي وتتفتت ف يده ويناظرني ببرود وانا عيوني بعيونه ابي اعانده ابين له انه مايقدر يعذبني بس زاد الضغط ويد انشلت احس من كثر ما تألمني .. نزلت راسي
جوانه: كافي
ابعد يده عني وبيده رفع راسي من ذقني وعيونه بعيوني اللي مليانه دموع
جواد: أنا محد يتحداني
وطلع من الغرفه وانا جلست ع رجولي ابكي ناظرت يدي حسبي الله عليه وقف الدم بعروقي .. رحت ع الحمام مسحت دموعي وغسلت وجهي .. ولبست بلوزه باكمام طويله عشان الاثر اللي ع يدي وطلعت وانتبه ع شيء رحت ع النافذه شفت جواد مع فهد ي ويلي لا يسوي له شيء بلبس عباتي واطلع اشوف وش صاير



عند جواد اللي طلع يدخن وشاف فهد طالع من المجلس ف راح له
جواد: هه الحين انت ولد عمها
فهد يناظره باستحقار: ليش مو عاجبك!!
جواد: انت وش تبي جيت هنا
فهد بحقد: وانت وش دخلك
جواد بعصبيه: هيه انت لاتنسى نفسك منو وانا منو
فهد بابتسامه: ايه صح مابنسى انت مجرد واحد حقير ماعنده اخلاق ومغرور اما أنا اخلاقي وتربيتي ماتسمح لي اتطاول ع احد
جواد بنبرة استهزاء: ماشاء الله انت وبنت عمك زي بعض اخلاقكم مره عاليه
جوانه: فهد جواد
ناظروني سوا كلمت فهد
جوانه: خلاص
فهد: مو أنا بديت
جواد: خير وش تبين .. مالك شغل انقلعي ادخلي البيت
فهد: هيه احترررررم نفسكككك. وضربه بوقس ع وجهه
جواد يناظره بقهر واعطاه بوقس ع بطنه بكل قوته خلاه يطيح ع الارض
ركضت وجلست عند فهد اللي جالس ع رجوله ويحاول يقوم يضرب جواد
قلت له ودموعي ع خدي: عشاني عشان خاطري خلاص
فهد وهو يتألم: جوانه ابعدي
جوانه: لا والله ما اخليه يضربك
ماحسيت الا لما مسكني من شعري ويسحبني معه ع البيت فتح الباب وباقي ماسكني من شعري ناظر مافي احد ف الصاله دخلني الغرفه ورماني ع الارض
جواد وهو يصر ع اسنانه: انتي ماراح تحترمي نفسك وش قلة الادب هذي .. لا وبعد بكل جرأه قدام عيوني ماباقي الا تحضنيه وتطبطبي عليه.
ناظرته ودموعي ع خدي وكان بيطلع وانا مؤ قادره اوقف ف مسكت برجوله .. عادي اسوي اي شيء اهم شيء ما يضر فهد ماله علاقه
ناظرني باحتقار: اررررجوك لا تسوي له شيء .. اذبحني أنا اضربني أنا بس لا تلمسه ارجوك
بنظره غريبه علي: هالكثر تحبينه؟؟ ورجعت نظرته القاسيه: عموما إذا بتركه بتركه عشان ما ابي اوسخ يدي فيه.
وطلع وتركني.



ف الجامعه عند ريم
: ترا هالمره ماراح نتسامح معك نفس هذيك المره .. خلاص انتي لازم تنفذي اللي قلنالك عليه
ريم بترجي: والله ما اقدر شوفو اي وحده غيري صدقيني حتى لو حاولت ماراح تموت يدي ماراح تساعدني .. مافيني القوه اسوي هالشي
: بس خلاص مافي اعذار راح نعطيك مهله تسوين هالشي اسبوع يبدا من بكره
وراحو عنها وهي تبكي ومو قادره تحكي لاحد
ف مكان ثاني بالجامعه ف قاعة دانه
لمى: تعرفي بنخطب لامجد
دانه: هههه ومين اللي بتوافق عليه
لمى: والله علمي علمك .. إذا عصب مايشوف احد
واذا صار حنون مافي مثله

دانه: بصراحه ما اتوقع فيه حنيه
لمى: ههههه حرام عليك والله طيوب
دانه: هو حلو مثل فواز
لمى: احلى من فواز ..وقالت باستغراب: ليش متى شفتي فواز
دانه: هاه شفته بصوره عندك
لمى: اها
رن جوالها
لمى: ي هلا تو كنا نحش أنا وصديقتي
امجد مضايق باقي من سالفة الخطوبه: لاتكون هذيك الغثيثه اللي تركب معي
لمى: ههههه ايوا هيا
امجد: قولي لها لاتنطق اسمي توسخه
لمى تضحك وتكلم دانه: يقلك لاتنطقي اسمه توسخيه
دانه رفعت صوتها لين وصل له: هاها عاد من حلات اسمك
امجد يكلم لمى: هالغبيه شلون صديقتك
لمى: هههههه حرام والله ذكيه ظلمتها
دانه تشهق: تقول غبيه ها .. يعنني انت اللي الذكاء يقطر من مخك
امجد: صوتها مزعج سكتيها
كانت لمى فاتحه سبيكر: هو يمه خقيت ع صوت العندليب أنا .. اقول رح بس صوتك كنه ماكينه خربانه
لمى ميته ضحك ع اخوها ودانه اللي ع طول يتهاوشون
امجد: أنا غلطان دقيت مالقيت غير هالسحليه قدامي
وقفل ع طول ولمى
لمى: اه بطني ههههههههههههههه اجل صرتي سحليه ههههههههههههه
دانه: من زينه عاد وحيد القرن هو وخشته ذيك
لمى: ههههههههههههههههههه
ضربتها وقامت من عندها وهي مازالت تضحك







طلعت من الغرفه بعد ساعه تقريبا شفته جالس مع عمته كنت برجع بس سمعت صوتها تناديني ف رحت لهم
حصه: تعالي ي بنيتي اجلسي معنا
جلست جنبها وناظرت بجواد شفت ع وجهه نص ابتسامه مع نظرة استهزاء
جواد: تعالي حبيبتي اجلسي جنبي
اف وش يبي ذا ليش يقول كذا رحت وجلست جنبه وعمتي ظلت تشوف التي في قرب مني ومد يده ع اكتافي وصار حيل قريب رفعت وجهي ناظرته. كانت اول مره اشوفه قريب لها الدرجه اول مره انتبه للون عيونه العسليه ورموشه الكثيفه وعيونه الناعسه شوي وحواجبه المرسومه رسم .. اول مره ادقق في تفاصيل شفاته وذقنة وحدة عوارضه. حسيت بشي مو قادره انزل عيني عنه قلبي يدق واحساس غريب بداخلي شفت يده تقترب مني ورفع خصلات شعري وقتها استوعبت و نزلت راسي اخيرا ابي اهدا وش ذا ليش كذا مرتبكه حسيت بأصابعه ع ذقني ورفع راسي من جديد ليش ليش ي جواد تسوي كذا معقوله حس بربكتي معقوله سمع دقات قلبي اللي ارتفعت .. نظراته بتحرقني يناظرني كأنه يبي يحفظ تفاصيل وجهي ماقدرت اتحمل كل هالقرب منه وانفاسه اللي اسمعها واحس فيها وقفت فجأه وانتبهت لي عمتي
وتكلمت ع طول: عمتي تبي اسويلك معي شاي
حصه: اشرب ليش لا
جواد: ملعقه وحده سكر
الحين انت منو عزمك هففف لازم تدخل نفسك بكل شيء رحت وحطيت الماي ع النار وجلست ي الله وش احس فيه أنا ملامحه مو راضيه تفارقني وش صار لي
سويت الشاي وطلعت عطيت عمتي وعطيته وكنت بجلس بعيد بس مسكني وجلسني جنبه .. وذاق من الشاي وانعفس وجهه وانا خفت
جواد: وش ذا مرررره سكر.ومده لي: ها ذوقي
اخذته بارتباك وذقت: لا مممممر
اخذه مني وذاق: لا سككككر
ويعطيني وذقت: والله ممممر
اخر شيء شربه كله وقف وعمتي ناظرته
حصه: ع وين
جواد: عندي كم شغله اخلصها واجي
وقفت معه ع اساس زوجي اللي احبه .. حط يدينه ع خدودي وقرب مني وباسني ع راسي .. اه شنو ذا شفيه شفيه وش صار ليش كذا احساس بداخلي م اعرفه ممممما اعرفه صنمت مكاني مو قادره اتحرك اهدا ي قلبي اففففف وش فيه علي ليش يسوي كذا .. يبي يعلقني فيه يبي احبه استغربت نفسي كيف احبه وليش مو هو اللي يجرحني هو اللي يعذبني وش فيني أنا رحت غرفتي مدري إذا احد يكلمني او لا بس توجهت لها قفلت الباب وتغطيت ونمت




ف المدرسه عند منيره
ولاء: وفهد ليش جا
منيره: مدري عند بنت عمه
ولاء: ويلك تضعفي إذا شفتيه وتخبريه كل شيء
منيره: لا اصلا يمكن اليوم يروح بيتهم
ولاء: طيب اخوك عبدالله وينه
منيره: راح عند صاحبه من وقت جت جوانه
ولاء: طيب المهم انسي سالفة فهد اوكي
منيره: احاول





رجع جواد ع الساعه 2 استقبلته هديل
هديل تصارخ: ماما جا جواد
دخل وهي تعلقت فيه وشالها
جواد: هههههه ايه جيت
طلعت حصه من المطبخ ف يدها الملعقه: اخيرا جيت
جواد ينزلها وبخوف: ليش فيه شيء جوانه فيها شي؟
حصه: لا بس هديل تحسبك سافرت واخلفت وعدك لها
جواد: هههه لا ما اخلف وعدي
ناظر بالصاله: وين جوانه
حصه: نايمه
جواد: من متى
حصه: من وقت ماطلعت



فتحت عيوني ع هزته
جواد: قومي بنرجع الرياض
جلست: طيب
جواد: مو مبسوطه؟
جوانه: وليش انبسط وهو هنا وهناك واحد بكل مكان أنا غريبه عن الدنيا
جواد وهي بيطلع: جهزي نفسك يلا
تحممت وصليت وطلعت تغدينا وطلعنا وفهد بعد طلع معنا بس جواد تعداه بسرعه .. كنت ساكته وجوأد بعد وغفيت شوي من الملل صحيت كالعاده ع هزه ع كتفي فتحت عيوني ناظرت البيت ونزلت بهدوء
تقدمني وراح ع الباب الرئيسي
جوانه: جواد
التفت لي: نعم
جوانه: ليش
جواد: بعرفهم عليك
جوانه: بس
جواد: امشي
مشيت خلفه ودخلت معه من الباب اللي اهاني عنده وقال عني خدامته
كانت امه بالصاله اللي ع اليمين دخل وباسها وناظرتني باستغراب
جواد: يمه هذي زوجتي بس مسيار
وش عنده مع المسيار هفففف
سميره: تزززززززوجت ؟ ومن مين؟ من بنت الشوارع هذي؟
جواد: اهدي يمه هذ مو زوجتي الاساسيه اللي بتشرفكم لا لسى زواجي وزوجتي انتي تقرريه وانا تحت امرك
سميره: ولو انت شلون تسمح لنفسك تاخذ من هالطبقه المتدنيه حتى لو مسيار
جواد: لا تزعلي ي الغاليه مافي شيء
سميره: إذا ماتبي زعلي تخطب خوله الاسبوع الجاي
جواد بصدمممه: خخخخخخخخخوله؟ ??? يمه تمزحين .. شوفي لي اي وحده غير خوله
سميره: البنت جميله وحلوه ومؤدبه وطبقتهم متوسطه وامها صديقتي .. ماراح تحصل احسن منها
جواد: اصلا شلون راح تزوجيني وجاد بالمستشفى
سميره: نخطبها لين يطلع بالسلامه ونزوجكم
جواد بنفاذ صبر: يصير خير
واستأذن من امه ورجعت لغرفتي المهجوره والنومه ع الارض مع صدى صوت امه وكلماتها اللي تجرح

البــــ12ـــــــارت الثانــــــي عشـــــــر



في غربتي ، عارضت أنا ركب الأغراب أشد.. وأنزل .. والليالي ركايب
أضداد .. وأقران وعدوان .. وأصحاب متناقضات الخلق .. ماغاب غايب
أسهر معـا تهويـم نجمـات الأحبـاب حتى يصيـر النجـم بالصبـح غايب
أصبح على فجرٍ ضحوكٍ ..وعجاب وأمسي على همسات، ستر العجايب
وقامت تجاذبني على درب..الأسباب نفس الشباب..يحدها عقل اشايب
مشيت في رمضا..وسنّدت بهضاب وعارضني سيول ،وهبّت هبايب
وأمسيت في صحرا..و قيّلت فـي غاب ومن طاول الغربـات،شـاف العجايب
مرتنـي الدمعـه، بهـا الوجد مـاذاب في غربة الأشواق ، راحت هبايب
مرتني البسمـه، تقل فوقهـا حجاب وراك خجلي يـارسول الحبايب
والحب.. مريتـه غريـبٍ علـى بـاب عقب القصور ..أمست قصوره خرايب!!
بغيت أسلي خاطـره .. عقب ماشـاب لقـيـت مـالـه بالتسلي طلايب
أقفى مـع المقفيـن .. وجـلٍ ومرتـاب على عقـوق الوقـت ،بالحيل عايب
في غربتي.. مريـت رجلي وركـاب أرزاق .. من رب الخلايق ، وهايـب

/الامير خالد الفيصل





صحيت ع صوت الخدامه
فتحت عيوني وتفاجأت: نعم
الخدامه: ماما يبي انتا تحت
جوانه: طيب الحين اجي
جلست بكسل ناظرت ساعتي وتفاجأت ياربي وش هالنوم كله .. وجواد مايصحيني ليش اففف الساعه كانت 10 الصباح .. رحت تحممت ولبست شيء حلو وطلعت صليت .. ونزلت لام جواد بتردد الله يستر
شفتها بالصاله مع الكريهه اللي شفتها بمكتب جواد
رحت لهم
سميره: تو شرفتي حضرتك
جوانه: اسفه من شوي صحيت
ظلت تناظرني من فوق لتحت: ملابس الخدم هذي لا عاد اشوفك تلبسينها
ناظرت شكلي كانت حلوه ملابسي والله ليش كذا تقول حرام
كملت: اسمعي اللي يسكن ف هالبيت لازم يلتزم بقوانينه .. سواء من الخدم او غيرهم .. اللبس أنا اللي بختاره لك بعد كذا .. واسمعي زين انتي مجرد انسانه متى مابغاك ولدي يجيك ومتى ما مل منك رماك .. احتياط يعني .. اما زوجته اللي بتكون ام عياله هي خوله
واشرت ع البنت اللي جنبها
خوله: وترا جواد يحبني ويموت فيا زي ماشفتي بالمكتب
م انقهرت لاني لين الحين اذكر كلمته لامه" خخخخخخخخخوله؟ ??? يمه تمزحين .. شوفي لي اي وحده غير خوله" هذا شكل واحد يحبك هه مصدقه نفسها

خوله: خير شفيك تبتسمي
شفت ام جواد سكتت ف لفيت وطلعت لان هالغبيه ماتهمني .. قفلت باب الجناح ونزلت دمموعي اللي صارت تعرف مجراها .. ليش هالبيت كله يتفنن بتجريحي رحت غرفتي جلست ع الارض وفتحت شنطتي واخذت صورت امي معي أنا ودانه
جوانه: يمه يمه تعالي خذيني .. يمه أنا تعبت كل شيء فيني تعب يمه رجلي تعورني طحت وعورتني وشعري يمه مو قادره امشطه حيل يألمني .. جواد كل يوم يشده لي .. تعالي شوفيني أنا بردانه ما انام ع سرير ظهري عورني ويمه جواد يشك بأخلاقي يسمعني كلام عنكم ولا اقدر ارد .. يمه والله أنا مالي ذنب والله كل شيء يجي ضدي يمه أنا تعبانه يمه يمهههههههه يممممممه اررررررجوك خذيني من هنا يمممممأأأأأأه ابوس ترابك تعأأأأأأأأأألي أنا اخاف منه راح يعذبني حيل يمه خذينننننني خذي بننننننتك من بينهم خذينييييي

دخل جواد بسرعه وقت سمع صراخها شافها جالسه بالارض ومتكوره ع نفسها وحاضنه صوره وتبكي لا مو تبكي منهاره ولا مركزه بشي حولها قرب منها وجلس جنبها ..
جواد: شففففففيك
جوانه: يممممماه اه يمممممه تعبت تعأأأأأأأأأأأأأألي تعالي بسرعه يمه تعالي خذيني
جواد يهزها عشان تصحى: جوان اهدي خلاص
مازالت ع نفس حالتها ضممممها لصدره يحاول يسكتها مسح ع شعرها ورفع يده يوم ذكر كلامها انه يعورها .. ماهدت شالها ع غرفته وحطها ع سريره وغطاها لانها كانت ترجف وتبكي وتنادي امها كان جنبها ع السرير وضمها ع صدره وهو يقراء ايات من القران عشان تهدا بكت وصرخت وشكت منه لين فجأه سمع صوتها بدا ينخفض ورعشتها تخف رفع راسه ومسح بقايا دموعها .. ويوم شافها نامت حط راسها ع المخده وغطاها وابتعد عنها وهو يحاول يستوعب كل كلمه قالتها




خوله اخيرا ردت بعد كم مكالمه من اماني
خوله: ننننننعم وش تبين
اماني: انت شعندك حاقرتني
خوله: مو حاقرتك ولا شيء كنت عند خالتي سميره
اماني: اوما عاد بهالسرعه بين
خوله: لا ي خبله صارت مشاكل وبتزوجني ولدها بدون اسحار وبلا بطيخ
اماني: ع العموم الحرمه موصيتني تبي باقي فلوسها
خوله: اي فلوس هذا حجابها تجي تاخذه ماعدت بحاجتها
اماني: الاحسن تعطيها لان هالاشكال ماتعرفي وش يجي من وراهم
خوله: موب خايفه منها .. تسوي اللي تبي ويلا باي
وقفلت وقت سمعت سميره تناديها ع الغدا





جوانه جوانه قومي
فتحت عيوني بهدوء شفت خياله قدامي ناظرته كان جالس جنبي ع سريري .. لحظه سريري؟؟ أنا من متى عندي سرير قمت جلست ناظرت المكان هذي غرفته أنا وش جابني هنا
جوانه: ليش أنا هنا
جواد: قومي عندي لك مفاجأه
جوانه: رد علي شلون جيت هنا
جواد: مو مهم .. يلا تحممي والبسي زين والبسي عباتك وانزلي .. أنا انتظرك تحت
وطلع من عندي .. اففف وش صار لي رحت تحممت وطلعت صليت ولبست وجهزت نفسي ونزلت وانا م اعرف وش صار ف جواد نظرته غير لي نزلت بهدوء شفته بروحه وحمدت ربي ان امه مو جنبه كانت سمعتني حكي .. وقف وقرب مني مسك يدي وطلعنا وركبنا السياره
ناظرته: ع وين بتوديني
جواد: مستعجله ع وش .. اصبري
جوانه: طيب
ظليت اناظر الشوارع بملل
جواد: غمضي عيونك
ناظرته باستغراب
جواد: بدون اسئله
غمضتها وسكت ظلت يمكن ربع ساعه واخيرا وقفنا
جوانه: ها افتح
جواد: ايه
فتحت وانا اتأمل هالبيت شللللللون ?? جوانه اصحي حلم هذا يلا قومي ناظرته شفته يبتسم ..
جوانه: أنا احلم
جواد: انزلي .. قبل اغير قراري
فتحت الباب
جواد: دقيقه
ناظرته: شو
جواد: احنا كنا مسافريين تونا رجعنا اوك
هزيت راسي بأيه ونزلت بشوق نزلت بفرح نزلت ودي اطير مو قادره اوقف ركضت بسرعه مابي شيء يمنعني عن حضن امي عن دفى قلبها مابي شيء يمنعني عنهم طقيت الباب مثل المجنونه لدرجة ان كل البيت يوم انفتح الباب كانو واقفين عنده اولهم كان ابوي
محمد: جوانه
وضمننني حيل .. اي يبه لا تخليني ضمني يبه خلني بقربك
ابتعد وجت امي وضميتها كأنه لي سنين منهم وابكي مو قادره اسكت وامي تبكي معي ابتعدت وشفت دانه تبكي رحت لها وضربتها بخفيف ع جبهتها وهي ضمتني ع طول ..
عبير: وينك عنا لا تتصلي ولا تسألي
محمد: أنا عتبان عليك كثير .. كذا الواحد ينسى اهله من يتزوج
ناظرتهم بحزن: والله مانسيتكم بلحظه بس الظروف اجبرتني
محمد: زوجك برا
جوانه: مين زوجي
عبير: هو شفيك جواد نسيتيه ههههه
اوه اي والله مو متعوده ع كلمة زوجك: اي اي برا
طلع ابوي وانا دخلت مع امي ودانه ع الصاله .. سولفت معهم كثير عن كلللل شيء وجواد استأذن وراح وظل ابوي معنا وتعشيت معهم وكنت حيل مبسوطه ودي اليوم من اشوف جواد ابوسه من بين عيونه ع هالمفاجأه سمعت صوت جوال بشنطتي طلعته شفته جوال جواد كان مكتوب الرقم 2 .. توقعت انه رقمه وطلع توقعي بمكانه رديت وهو تكلم ع طول
جواد: الو أنا واقف
كانت الساعه 1 كذا لبست عباتي وودعتهم وطلعت من البوابه بس ماشفته فقررت انتظره بالحوش او ادخل عند اهلي لان الدنيا ظلام بس ماحسيت غير بأحد يدفني لداخل ويدخل معي مسك يديني وكان متلطم مو شايفته كنت بصرخ حط يده ع فمي وانا ف قمة رعبي مو قادره استوعب اللي جالس يصير كان ظهري ع الجدار وهو لازق فيني عشان ما اتحرك ويده ع فمي فتح وجهه وانا تصلبت من الصدمه.
هادي: ع بالك راح تفلتي مني هه مو أنا اللي ترفضني بنت .. أنا حبيت اخبرك اني من اليوم ورايح راح اكون مثل ظلك
كان ظهره ع البوابه وماشاف جواد يوم جا وانا ودي اخبره بس يده ع فممممي
جوانه: اممممم اأأأأأأأ ام
جواد: ي حححححححححقير
سحبه وطلعه مع الباب وطلع خلفه وانا كنت اتنفس بسرعه من الخوف سمعته يضربه بس خفت اطلع واخيرا ودي اضمه لانه انقذني من هالنذل
طأأأأأأأأأأأأأأأأأخ
وش صار ليش رجعت راسي اللي التف من قوة الكف ناظرته
جوانه: اا ان أنا م مالي شغل
جواد مره معصب ولا شايف قدامه مسكني من يدي بقوه ويجرني خلفه فتح باب السياره ودفني بداخلها بقوه وكمل هالشي برفسه قويه برجله ع فخذي طلع من الجهه الثانيه ابي افهمه
جوانه: جوا قاطعني بحده وعصبيه
جواد: هوووووس ولإ كللللللللممممممممه لاتخلي موتك الليله ع يدي
سكت وظليت مكاني خايفه من السرعه اللي شكلها بتكون اخر ليله لي .. اكيد بموت كانه حاس وداني عند اهلي اودعهم قبل اموت .. حسبي الله عليك ي هادي من وين طلعت لي من وين طلعت لي ظليت ابكي بصمت واشوفه شاد يده بقوه ع الدركسون كأنه بيخلعها ف يده .. اخيرا وصلنا قصرهم بسلامه بس الله يستر من اللي راح يصير .. نزل ونزلت وسحبني بقوه وانا امشي خلفه طلعنا الدرج وتعرقلت رجلي وطحت بس ماهمه سحبني ع الارض لين وصلني غرفتي .. وترك يدي
جواد: انتي احقر بنت شفتها بحياتي .. لها الدرجة وصلت فيكككك تواعدينه بيت اهللللللللككككك

نزل وانا باقي ابكي واعطاني كف واثنين وثلاثه ومسك شعري وصار يألمني كثير
جوانه: أأأأأأه ارجوكككك والله ظلمتني والله
جواد عمري ماشفته معصب زي اليوم من يوم تزوجنا
جواد يصر ع اسنانه: اسككككككككككككتي مابي اسمع حسكككككك.
تركني وقف وطلع من الغرفه ومن الجناح كامل
اه ياربي وش اللي جالس يصير لي ليش ليش طلع هالنذل قدامي بعد ماشفت الحنان بعيون جواد ليش لييييش وظليت ابكي مو قادره اسكت حتى النوم مو راضي يجيني.




جلس ع الجلسات الموجوده بصالة شقته ماسك ع فمه ويحط عليه ثلج ع مكان ضربات جواد.
هادي: الحين عرفت سبب رفضك لي .. السبب هو جواد يعني مسويه معه علاقه وانا لا. هين أنا راح اوريكم اثنينكم كيف تلعبون فيه. ما اكون هادي إذا ماصرتي لي وزوجتي ي جوانه. اصبري علي بس اصبري انت والملياردير تبعك.



صحيت اليوم الثاني واحس كل شيء فيني متكسر ناظرت ساعتي كانت 8 اكيد جواد راح الشركه لميت شعري وفسخت عباتي اللي نمت وانا لسى لابستها فتحت الباب و و هذا وش عنده هنا ليش مايروح الشركه كان جالس بالصاله ورجله ع الثانيه ويقرا الجريده وجنبه كوب قهوه انتبه وقت فتحت الباب نزل جريدته وناظرني وانا نزلت عيوني وتوجهت ع الحمام تحممت وطلعت ولساته جالس رحت ع غرفتي ع طول صليت وظليت فيها مابي اشوفه اخاف يضربني خليني بغرفتي احسن .. بس بداخلي شيء فرحان لاني شفت اهلي وظليت معهم وخبرتهم ع العنوان. طق طق طق. وانفتح الباب
الخدامه وهي تمد لي كيس: ماما قول البسي هدا ملابس
وحطتها وراحت .. فتحت الكيس وانصدممممممت ملابس خدمممممم .. ليش ليش يعني أنا مو خدامتها ماراح البسه حسبت قلت هالكلام بصدري بس يوم سمعته يرد علي عرفت اني نطقته
جواد: بتلبسينه وغصب عنك وبتنزلين مع الخدم تنظفي البيت .. انت خدامتي خ د ا م ت ي ولا نسيتي هالشي.
ناظرته: ابي افهمك انت فاهمني غلط
قرب مني وحط يده ع فمي
جواد: حرف واحد بس حرف .. او اعتراض او حتى صرخة الم تطلع من فمك هذا بتشوفي شيء عمرك ماشفتيه
نزلت دموعي بسرعه وطاحت ع يده ابتعد عني وتركني وطلع .. ماراح البسها لو شنو رميتها جنبي وجلست .. رجع فتح الباب وخفت يهاوشني ليش مالبست بس تقدم اخذ شنطتي وطلع جواله ورماها ع الارض وراح.




مازن: ي كسلانه وش هالنوم كله قومي
منار: أأأأأأ اتركني ماعندي غير يومين ارتاح فيها حرام عليك
مازن: وحبيبك ف هاليومين تنسيه ماشي
منار: حبيبي ف قلبي بس عيوني نعسانه وش اسوي
مازن: انزين ي الدبا ي اللي ماتشبعي نوم نامي يلا انخمدي
منار: هههه اممممموح احبك
مازن: ايه توك تحبيني يوم بتركك تنامي
منار: يلا خلاص قفل أنا م احس بشي
مازن: هههههههه طيب مع السلامه
وقفل منها ودق عليه صديقه
فارس: الللللللو وينك انت
مازن يتنهد: اه أنا بوادي الحب ي شيخ
فارس: اقول عندي لك بشاره
مازن: قول ولك اللي تبي
فارس: انقبلت حق البعثه
مازن بفرح: قوللللل والله
فارس: ههههه والله. هذي اوراقك عندي
مازن يصارخ باعلى صوته
فارس: بس خلاص فقعت طبلة اذني
مازن: هههههههه مبسوط واخيرا
فارس: الله يوفقك
مازن: يلا يلا اقلب وجهك بخبر الحوووب
فارس: افا. زين روح خبرها
قفل منه ورجع دق ع منار اللي ردت بكسل
منار: مزززززون وبعدين معك حرام عليك خلني انااام
مازن بفرح: قوممممي عندي لك خبر بمليون ريال
منار: وشهو
مازن: انقبللللللت حق البعثه ف بريطانيا
انتظر منها تصارخ تضحك تقله مبروك بس الهدوء اللي فيها خوفه
مازن: حبيبتي انتي معي
منار بهدوء: ايه
مازن: ماراح تفرحي لي
منار: لا
مازن: طيب مشكوره .. واسف لو ازعجتك ارجعي كملي نومك
وقفل منها وهي ماقدرت تتماسك اكثر انفجرت تبكي وتشهق وماسكه الجوال بيدها وكأنها تكلمه
منار: شلللللون شلون يهون عليك تتركني .. شللللون فرحان وانت بتفارقني 4 سنين. شلون مو مضايق لان سفرتك بتطول ولا عاد اشوفك. ويمكن حتى ماتكلمني مثل قبل. اكيد راح تلهيك دراستك عني شللللون أنا ما اقدر تبعد عنننننني. .. وظلت تبكي وتكلم جوالها




فتح الباب بقوه ناظرني وانا جالسه وضامه رجولي قرب مني بعصبيه ومسكني من يدي وهو يرفعني لفوق ..
جواد: للللليش مالبستي ونزلتي
قلت بعناد: ماراح البسه
جواد: لا تعانديني
جوانه: والله ما البس كذا لو وش ماتسوي
ككككككف لف رقبتي من قوته بس رجعت وناظرته بتحدي
جوانه: ماراح البس
ككككككف مره ثانيه كان بيخلع وجهي من مكانه دموعي نزلت بس كمان ناظرته
جوانه: مابلبسه
مسك شعري وشده لي وانا هنا ماتحملت الالم بس ماراح استسلم له مسكت ع يده احاول ابعدها
جوانه: ماراح البس ممممممراح اللللللبس
ترك شعري وابتسم نص ابتسامه مع رفعة حاجب
جواد: ماشي أنا بلبسك بنفسي وابعدني عن الجدار وهو يمسك اطراف بلوزتي من تحت بيرفعها
مسكت يدينه: ??? خلاص ارجوك لا أنا بلبسه
جواد: ماشي لك خمس دقايق إذا مالبستيه راح البسك أنا
وطلع وانا اخذته ولبست الله ياخذك انت وامك مع بعض هففف ناظرت نفسي ياربي وش هاللبس والله حرام عليهم .. دخل بعد 5 دقايق مثل ماقال
جواد بنظرة نصر: ايوا كذا احسن
سحبني من يدي ونزل فيني تحت مو الصاله مدري وين مكان تحت الارض كذا ءء نزلنا بمصعد ولما انفتح طلعت شفت زي القاعه اي اي هذي اللي صار فيها الحفل هذاك اليوم سحبني واحنا نتوجه ع جهه ثانيه وفتح باب ودخلت ي اللللللله كل ذا مطبخخخخخ وكل هذول يطبخون ليش طيب مو عايله كبيره عشان كل هالمطبخخ الكبير بس أنا اذكر اني شفت مطبخ هناك بس اكيد زينه مو للطبخ
جواد يكلم واحد كأنه شيف: هذي من اليوم بتشتغل عندك لا تعلمها شيء بس اأمرها تسوي الشي
الشيف هذاك ابو قبعه بيضا: حاضر تحت امر حضرتك
اوه طلع مصري .. ناظرني بعصبيه: ياويلك يطلع الاكل مو حلو. ودفني يلا ع شغلللللك وطلع
ابو قبعه بيضا: شوفي ي ست انتي حتعملي سمك السلمون باليمون والخل
جوانه: شننننننو وش سلمونه أنا معرفش
: ماليش الباشا الي ما اعلمكش
جوانه: طيب طيب خلاص طس بس انت
شمرت اكمامي: ماشي ي جواد راح تشوف وش بسويلك اليوم ودخلت ع المطبخ.




ف بيت اهل لمى بالصاله الكل مجتمع مع امهاتهم وجدتهم
ام لمى: هو وشوله زعلان
لمى: يمه بتسوين له خطوبه ومايدري اكيد يزعل
جدته: بزمانا لا البنت ولا الولد نشاورهم الشور شور اهلنا
فرح: بوصي ي تيته انتي والعصر الحقري بتاعك ماعادتوش تنفعو ف الزمن دا .. ارحلي بائى
الجده: وش هالحكي يامال العافيه. وش تهرج هالبنيه
الكل: هههههههههه
جنى: يلا يلا الغدا بعدين نتناقش بموضوع امجدوه




ي سلم ع الريحه الحلوه ذي .. الحين وش نسوي ايه قريت بالكتاب ان نحط كوب خل ليمونات اعتقد كذا يلا .. حطيتهم وبعد ماطلعته من الفرن حطيت الخل والليمون اللي عصرته معه وحطيتهم بتطلع شيء هههههه.
الطباخ: يلا ي بت خلصينا
وديته لهم وهو يوم شافه انصدم
الطباخ: اي دا عملتي ايهههههه ي نهار اسود
جوانه: قلتلك م اعرف
الطباخ: دا عيشتك هاتتنيل قهزي نفسك
جوانه: خله يسوي اللي يبي أنا تعبت
وراح بالاكل وانا ظليت بالمطبخ جلست ع الطاوله بطفش




عند جواد كان جالس ينتظر ع الطاوله والخدم يحطون الاكل ويوم شاف حق جوانه
جواد: كينا منو مسوي هالطبق
كينا: هدا طباخه جديده
جواد عصب: اجل كذا تبينها ي جوانه اوك
وقام عن الطاوله
سميره اللي توها داخله غرفة الاكل
سميره: ع وين
جواد يتعداها: عندي شغله اخلصها واجيكم
توجه ع المطبخ وناوي شر يوم فتح الباب شافها وحدها وجالسه ع الطاوله وتحرك رجولها فوق وتحت وتناظر السقف
قرب منها بهدوء لانها سرحانه وحط يده ع رقبتها ويناظرها بنظرات توعد.

البـــــ13ـــــارت الثــــــالث عشـــــــــر



انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

/بدر بن عبد المحسن





كنت بروحي بالمطبخ الكل طلع عشان تحضير الاكل وراح يرجعو عشان ننظف فتحت حجابي وفتحت شعري ناظرت فوق احس ودي اناظر السما ودي اطلع واستانس زي اول هفف ماغير محبوسه عند هاللي ماعنده احساس .. حسيت بيد ع رقبتي وكزيت غمضت عيوني انتظر الكف اللي بيجيني من طبخي الخايس .. فتحت عيوني بهدوء شفته يناظرني وان لسى رقبتي ع فوق لان هو طويل قرب وجهه من وجهي وحط راسه ع راسي عيونه بعيوني وخشمه ع خشمي غمض عيونه وانا مستغربه تصرفه
جواد بهدوء: هالمره سماح عشان اول مره تطبخي بس بكره سوي الاكل زين
قلت بدون تردد: حاضر
رفع راسه بهدوء وناظرني نظرات غريبه وطلع
يمه شفيه هذا يتحول بسرعه .. ياحلوك يوم تكون هادي ومو معصب ياحظ اللي بتصير زوجتك .. راح تكون مبسوطه معك .. أنا تعاملني بقسوه اعرف عشان اشياء كثيره ماتشوف لها تفسير بس وعد ي جواد من اليوم راح اثبتلك اني مو زي ما انت تفكر.
غطيت شعري يوم سمعت اصوات جايه وتلثمت عشان الشيف ابو قبعه دخلو وظليت انظف معهم وبعد خلصت طلعت وانا دايخه عشان ما اكلت شيء من الصبح .. وصلت الجناح وفتحت الباب ودخلت وانا اشوف باب مكتبه مفتوح واسمعه يكلم احد بلغة يمكن فرنسيه مشيت ع غرفتي بس سمعت صوته يناديني رحت له بتعب .. اشر لي اجلس وجلست اصلا ماصدقت كنت دايخه
جواد يتأمل وجهها الشاحب: شفيك! تعبانه؟
ناظرت فيه ولسى مانسيت حنيته معي ف المطبخ وقررت احترمه ايه لانه مو عارف شيء عني وكل اللي يشوفه يثبت له اني وحده مو زينه
قطع صمتي وتفكيري: الللللللو
جوانه: لا مافيني شيء بس اممم ما اكلت شيء من الصبح
جواد يرفع حاجب: وليه مسويه اضراب مثلا
جوانه: لا بس كلهم ياكلون مع بعض وهذاك الطباخ معهم وانا ما اقدر افتح لثمتي قدامه
جواد بسخريه: جت ع الطباخ مو الكل شايفك من قبل
غمضت عيوني بألم هذا مافي امل يتغير مستحيل يتغير .. وقفت واعطيته ظهري بطلع
جواد: ماسمحت لك تطلعي
جوانه: مالي حكي معك .. بروح غرفتي
جواد: لما اتكككلم تنثبري تجلسي لين اخلص كلامي
لفيت له وكتفت يديني: شنو اسممعكك
وقف وترك مكتبه وتقدم لي بحجمه العملاق اللي يخوفني
جواد ببرود: لا تستفزيني ترا محد راح يتعب غيرك
سحب ملف من مكتبه ولسى يناظرني ابعد نظره عني وتعداني وانا تنهدت انها عدت ع خير وبدون ضرب. رحت مطبخه فتحت الثلاجه حصلت كل شيء ههه الظاهر مارضى ينقال عنه بخيل .. اخذت لي عصير وشوكلا .. ورجعت غرفتي اكلها




الجده تسحب امجد ع الصاله وتجلس وتجلسه
امجد بطفش: شنو بعد
ضربته ع رجله بعصاتها: استح أنا جدتك تكلمني كذا
امجد: اسففف قولي اللي عندك
الجده تفتش ف جيبها وتطلع صور وتمدها له: هاك
امجد اخذها باستغراب: شنو هذي
الجده: بنات حمايل اخذت صورهم من ام سعيد الخطابه .. شف اللي تعجبك ونخطبها لك
وقف امجد وهو يرمي الصور ع الطاوله: أنا ماقلت بتزوج شفيككككم انتم
دخلت لمى بهاللحظه: بنفرح فيك وانت الكبير
امجد: زوجو فواز أنا مالكم شغل فيني
وطلع وتركهم
دخلت فرح معصبه: شنو شنو شنو .. حلوه هذي هو ينحشر ويلزقها فيني .. لا زواجنا مو قبله خل يتزوج بعدين أنا
الجده بعصبيه: استحي ي البازع ماعندنا بناتن يتكلمن بعلوم الزواج
فرح: علوم والا رياضيات
الجده تضرب بعصاها ف الارض: وانا بنت جاسم. تمصخرين علي ؟
فرح ميته ضحك: ههههههه لا ي تيته امزح معك
الجده: اقول يلا بس مناك روحي بيتكم ماغير تلفين وتدورين هنا وش عندك هاه .. الحين هذا ماهوب بيت عمك الحين صار بيت خطيبك وعيب تجين هنا يلا لمي قشك اشوف
لمىى تضحك: هههههههههههه طررررررده
فرح جالسه: والله مابطلع بشوف كحيل الطرف
الجده: اقول قومي بس قومي لا اتوطاك بهالعصا الحين
فرح توقف وتبتسم: من عيوني ي تيته بطلع من هنا ع غرفة كحيل الطرف
لمى: هههههههههههههه جلطه
طلعت فرح من الغرفه وهي باقي تبتسم
: اروح فدوة لهاالبسمه
تجمدت مكانها وانصبغت باللون الاحمر من الحيا ولا قدرت تتكلم
فواز: شلونك
ماردت
فواز يبتسم: وين طار لسانك اللي من شوي ي كحيلة الطرف
انصدمت انه سمعها وجالس يتريق عليها ماعرفت ترد وماشاف الا غبارها ناظرها وهي تبتعد ع بيتهم وابتسم ودخل وهو يردد (بزر وخبله)




طول اليوم ماطلعت من عرفت عن سفرته مالها خلق شيء .. اخذت جوالها بتتصل فيه بس ترددت وتركت الجوال
منار: يعني ماهميتك سمعت صوتي متغير ولا دقيت سألتني وش فيني .. اي اككيد محتفل وفرحان في بعثتك
رن جوالها ومسكته ع طول تحسب مازن بس شافتها ريم ردت بملل
منار: هلا ريمي
ريم اللي لاحظت تغير صوتها: هلا ي قلبي شفيك
منار: مافي شيء
ريم: شلون يعني مافي شيء وش صار؟ صوتك متغير
منار: مو الحين بعدين اخبرك
ريم: طيب براحتك
منار: كنتي تبين تقولين شيء
ريم بتردد: ايه .. امممم ابي توديني ع المستشفى
منار ناسيه السالفه: ليش فيك شيء
ريم: لا بس بشوفه واتطمن عليه
منار: ريمي خلاص انسيه .. هذا عقابه من الله وش تبين فيه
ريم والدموع بعيونها: ابيه يقوم وبعدها وعد بنساه
منار: براحتك أنا مليون مره انصحك. وانتي كبيره وواعيه .. واتمنى هاللي تسوينه مايعلقك فيه اكثر
ريم: توديني؟
منار ماعندها حيله لانها عطتها كلمه من قبل: ايه جهزي نفسك بقول لفهد ونجيك




بحديقة قصرهم اللي طولها ممتد لابعد من انك تشوفه تحت خيمه مفتوحه من الجوانب جالسه مع ولدها وزوجها وتشرب شاي
خالد: جواد الا وينها زوجتك
سميره تحط بيالة الشاي بقوه ع الطاوله: لا ماهي زوجته. زوجته خوله
خالد يبتسم: طيب طيب اكلتيني بقشوري
جواد: هههههه تعديت حدودها
سميره: الا متى نخطب لك خوله
جواد: عندي سفره بعد كم اسبوع إذا رجعت خطبناها وتزوجنا بسرعه
سميره: ايه زين. سكتت شوي وبعدين كملت. قول للي عندك تجيني ابيها تنظف المكان
جواد: حأأأأأأأأأضر تامرين اممممر



كنت بغرفتي اقرأ قران احسن من الملل اللي عايشته سمعت رنة تليفون بس ما اعطيت اهتمام اكيد شيء خاص فيه وانا مالي شغل قفلت مصحفي واستندت ع الجدار وحطيت راسي ع رجولي ومازال رنين التلفون مستمر. وقف بعد دقايق وحمدت ربي انه سكت ازززعجني ياربي لين متى راح اظل كذا وش هالحياه اففف واخوه الغبي هذاك. لا حرام الرجال بين الحيا والموت الله يشفيه. بس أنا وش ذنبي يعني كله منه مو أنا قلتله روح سوي حادث.
فتح الباب بقوه وانا التميت ع نفسي واناظره قرب وغمضت عيوني بس رفعني من شعري وقفني وكان وجهي بوجهه وانا اتألم وهو يبتسم النذل الحقير مبسوط بتعذيبي
كانت يدي ع يده: اه ارجوك سوي فيني اللي تبي بس شعري لا الله يخخخخخخخخليك
جواد: ليش ماتردين
دموعي ع خدي واتألم: ع ع وش ار ارررد اتركني
جواد: دقيت ع التلفون
جوانه: م مممدري ما حسبت انت وخفت تضربني لو رديت
ترك شعري اخيرا
جواد: انزلي تحت ع الحديقه. الغاليه تبيك
جوانه: منو الغاليه
كان طالع من الغرفه ولما سألت التفت لي ورفع حاجب
جواد: امي
غلوك بقدر واحد انت وياها قال الغاليه قال. وش تبي هذيك بعد اكيد سب واهانه .. لبست حجابي ونزلت كان واقف بالصاله الكبيره ويوم شافني سحب يدي ومشى فيني وطلعنا وناظرت السما وابتسمت. شكرا ي ربي شفت السما هههه. وصلنا عند امه ضربني ع رجولي برجله وخلاني اطيح عند رجولها
جواد: خدامتك يمه
خالد يوقف وبحزم: جججججواد
جواد: يبه لا تدخل بيني وبينها
خالد: حرام هاللي تسويه .. الزوجه تنحط فوق الراس مو خدامه هذا لا يرضي الله ولا رسوله
سميره: خالد لا تحن ع خدامه وانسى انها زوجته تراها مجرد مسيار
خالد: ي بنت الحلال خافي من ظلمك لها بكره ربي يوريك هالظلم ف ولدك اللي نايم ولا ندري متى بيصحى
سميره: أنا متأكده راح يصحى وارسلنا اوراقه برا وننتظر الرد
قرب مني ومسك كتوفي ووقفني بحنيه
خالد: قومي ي بنتي. ارجعي جناحكم
جواد بعصبيه يمسك يد ابوه: ممممما ترجع
خالد بعصبيه اكبر: وانا اقول تتتتترجع
تدخلت قبل يصير شيء بينهم واكون أنا السبب
جوانه: أنا راضيه ي عمي باللي أنا فيه .. لا تضايق نفسك. أنا خدامه لرجولكم. نطقتها بصعوبه ودموعي ع خدي بس خلاص مابي مشاكل اكثر مابيه يحقد علي اكثر
خالد يناظر ولده بأسف: ما عهدتك تستقوي ع مره
جواد: يبه هي تجبرني ع هالشي
تعدى ولده وراح وانا ظليت مع ابليس وامه استغفر الله بس ..
سميره: جواد من اليوم خلها تنام مع الخدم احسن
جواد: ايه صح مكانها هناك .. بس اخاف تشرد خليها قدام عيني احسن
سميره رفعت بيالة الشاي وطيحتها مقصوده ع الارض وتكسرررت
سميره: نظفيها يلا بيدك
ناظرت بجواد اللي ابتعد عني وجلس

جواد: سوي اللي قالت لك عليه
دمعت عيوني ونزلت اخذه بحذر عشان مايجرحني. صار اقسى من شافني مع هادي .. حسبي الله عليك ي هادي خربت حياتي لو ماطلع لي كنت الحين بخير كان الحين حنون معي. مسكين ابوه حبيته حيل طيب الحمدلله طلع واحد فيهم فيه رحمه اما هذا يتحول فجأه مره طيب ومره شرير يارب تحميني منه ومن شره أنا تعبت مو متحمله هالعذاب .. كل شيء فيني يتألم. يارب تخلصني منه واكون بعيده بعيد وماعاد يشوفني ولا حتى يسمع بأسمي. كزيت يوم حسيت بيده تمسك يدي شفته جالس معي ورافع يدي.
جواد: روحي عقمي جرحك خلاص اتركي اللي بيدك
ناظرت بيدي شفتها تنزف .. متى وكيف انجرحت ما انتبهت ع نفسي. وقف ووقفني معه ناظرت امه مو موجوده ابتعد عني ولف بيروح
جواد: لاتنسي عشان مايتجرثم
وراح بعيد وانا اراقب خطواته الواثقه تنهدت بضيق خايف ع جرح يدي .. طيب والجروح اللي كل يوم ترسمها بقلبي وروحي وتتفنن فيها هذي مو خايف علي منها مو خايف تنزف وتنزف لين اموت غمضت عيوني ورحت من الباب الخلفي وطلعت ع جناحه دخلت الحمام وغسلت يدي واختلط المويا بالدم لحد ماخف ناظرت اصباعي المجروح توه عورني صرت عديمة احساس مع هالغبي .. طلعت ع غرفتي فتحت شنطتي واخذت اشارب ولفيته ع يدي كلها مع انه الجرح بأصابعي بس مو بحاجة معقماته. سمعت الاذان قمت اتوضيت وصليت المغرب ورجعت ع غرفتي



ف السياره بعد مافهد نزل البقاله
منار: هاه شلونه
ريم بدموعها: نفس حالته .. حتى حركه مايتحرك
منار: الله كريم
ريم: تخيلي كل مره اجي ما اشوف اهله .. حرام ليش تاركينه
منار: اكيد فاقدين الامل من قومته
ريم بحزن: لا ان شاءالله يصحى
منار: ريمي
ريم: هممم
منار: شفتي مازن اليوم
ريم: لا والله من صحيت ماشفته مدري وينه
دخل فهد وطلعو ع البيت ومنار خايفه ع مازن بس كرامتها ماسمحت لها تكلمه و لسى تناظر جوالها ع امل يتصل



صحيت بكسل وعظامي متكسره ناظرت ساعتي شفتها 9 بالليل وسمعت دق ع باب الجناح .. رحت وناظرت يمكن جواد نسى مفتاحه فتحت بهدوء بس فتح بقوه ناظرتها واستغربت وجودها
جوانه: نعمممم وش تبغين
ابعدتني عن طريقها وتعدتني وجلست ع الكنبه اللي بالصاله وهي تحط رجل ع الثانيه
خوله: مالك شغل انتظر خطيبي يجي ابيه بسالفه
جوانه: انتظريه تحت
خوله بدلع ماصخ: لا بيبي قال انتظره هيناااا
وجع وجع وش ذا الدلع مايليق استغفر الله بس
خوله: جيبي لي شاي
لفيت ظهري وامشي ع غرفتي: مو خدامتك
حطيت يدي ع باب غرفتي وحسيت بشي بارد ع ظهري وشعري لحد شهقت التفت لها كانت حامله كوب المويا ماحسيت الا بيدي تعطيها ككككف بس سمعت الصوت اللي يسبب لي الرعب والخوف وهالمره صوت معصب
جواد بتهديد: جججججججوانه
تقدم مني ومسك شعري ودخلني غرفتي ورماني ع الارض
جواد يصر ع اسنانه: انتي شللللون تتجرأين تمدين يدك عليها هاه
قلت ادافع: هي بدت شوف ملابسي كلها مويا منها
جواد: ان شاءالله لو تحرقك بالنار ماتتكلمين
دمعت عيوني وهو طلع وترك الباب مفتوح كنت اشوفها تبكي بدلع ماباقي غير ترمي نفسها بحضنه الحقيره اكرهههها واكرررهه كلهم زي بعض طلع جواد وسمعت صوت طقت كعبها يقترب مني رفعت راسي شفتها تبتسم بنصر
خوله: راح تندمممممي ع مدت يدك هذي .. كككككثير راح تندمي
وراحت غمضت عيوني ويدي ع شعري ياربي حيل يعورني احس بصير صلعا ويمكن اصير عميا بعد من دموعي هذي افففف ليش ما اصير قويه ليش ما ارد عليهم واسكت ياربي خلصني من هالعيشه. قمت وغيرت ملابسي ونشفت شعري تحسست شعري والله يعورني حرام عليه بس يمسكني منه غمضت عيوني بنام وانا ادعي الله يصبرني عليهم.




تحاول تنام ولا قادره وبالها مشغول اخذت تلفونها وعدلت جلستها ع سريرها ودقت مارد كمان رجعت مرتين وثلاث واربع. قلبها قبضها وخافت مو من عوايده يغيب كل هالوقت وين اختفى .. دقت ع ريم
ريم: هلا منور
منار: ريم شفتي مازن رجع البيت والا لسى
ريم: لا مارجع
منار بخوف: ماتعرفي وينه ؟
ريم: لا والله
منار: طيب
قفلت ورجعت تتصل ع جواله واخيرا رد
منار ودموعها ع خدها: انت وينننننكككك خوفتني عليك ليش تسوي كذا حرام عليك طيحت قلبي.
: اسف اختي مين انتي
منار بدون ماترد طيحت الجوال من يدها لما ماسمعت حسه مو نفس صوت حبيبها اللي تعودت عليه .. صرخت بصوت عالي وطاحت مغمى عليها من الصدمه




صحيت ع هزه ع كتفي فتحت عيوني شفت الخدامه. صحتني وطلعت ناظرت ساعتي شفتها 7 وش تبي ذي من صباح الله خير .. قمت وطلعت بروح الحمام شفته بالصاله كنت بكمل طريقي
جواد: هيه انتي
التفت له وماتكلمت
وقف وقرب مني: أنا بسافر بعد شوي .. وانتي راح تشتغلي تحت عند رجلين امي. الجناح ماتفتحينه ف غيبتي والنوم تنامين مع الخدممم سامممممعه
هزيت راسي بأيه ولفيت بروح برجع غرفتي او اروح الحمام اهم شيء ما اظل واقفه معه اكررررهه حيل اككككرهه .. اأأأأأه مسك شعري من جديد وقرب من اذني وهمس فيها
جواد: مليون مره حذرتك لا تعطيني ظهرك لين اخلص كلامي
شد شعري اكثر وانا خلاص مو قادره استحمل
جوانه: أنا اسفففففه ارجوكككك خلاص الله يخليك
لفني لعنده وناظرني بحقد اول مره اشوفه كذا
جواد: انزلي بوسي رجولي وانا اتركك
ورماني تحته رفعت راسي له ودموعي ع خدي ابي يحن علي .. ماشفت غير انسان ملامحمه قسوه كره حقد جبل واقف ولا هزيته او اثرت فيه .. نزل جسمه ومسكني من شعري ورفعني له ..
جواد: روحي جهزي ملابسي. 5 دقايق إذا ماجهزتيهم ماراح يصير لك طيب
وتركني وانا مو قادره اسكت شعري يعورني اللللللم فضيع ف راسي مو قادره اتحمله مشيت خطوتين ودارت الدنيا فيني ولا عاد حسيت بشي




منار طالعه من المستشفى ع الساعه 8ص ومعها امها اللي سمعت صرختها بالليل ودخلت شافتها طايحه ولا تتحرك صحتها وماصحت ف اخذوها للمستشفى وساعه ع بال ماصحت وبعدها فحوصات وتحاليل واعطوها منوم لانها كانت تصارخ بلا وتنادي بأسم مازن قدام امها اللي اتصلت ف ريم ع طول وخبرتها
ناظرت بإتجاهه كان متقدم شوي ويمشي ع يمينها وامها ماسكتها ع يسارها وريم جنبها
ريم: الا ماقلتي لي وش صارلك
شافته يحاول يخفي بسمته
منار: ولا شيء
وصلو لسيارتهم
مازن: خالتي خلي منار تجي معنا عشان تتسلى مع ريم وتنسى التعب
ابو فهد: لا لا ترتاح بالبيت افضل
منار تناظر بحقد ف مازن: ابي بيتنا
طلعت سيارتهم ومازن وريم راحو بسيارته
اول ماطلعت ريم
ريم: مزززززون انت وش مسوي بالبنت هاه خليتها تجن عليك
مازن يبتسم: مو أنا هي فهمت غلط
ريم: قول قول وش السالفه
مازن: هذا سلمك الله كنت مضايق منها صارت بينا مشكله صغيره .. ف رحت عند خويي سولفت معه ومن التعب نمت عنده .. ومنار دقت ودقت ف الرجال رد يبي يخبرها اني نايم وهي تحسبني متتت ههههه
ريم: خخخخخبلللللله هههههههه




دخل وشافها ع الارض ابتسم بسخريه وقرب منها
جواد: حركات الافلام هذي ماتمشي علي
دخل ع المطبخ فتح الثلاجه واخذ مويا
وقف عند راسها ورمى المويا البارده ع وجهها ،،،،،

لينتهي بي مشوار انتقامي الا الجحيم الذي اذقتني اياه
ها أنا اصبحت طريحة قدميك
ها أنا دميتك المطيعه ف حركني كيف ما تشاء..



داوم كاالعاده دخل مكتبه وهو يفكر ف جوانه وصدها له فتح الباب ويوم شاف شخص غيره جالس ع المكتب عصب
هادي: خخخخخير منو انت وليش جالس ع مكتبي
وقف اللي ورا المكتب
: أنا عبدالرحمن مدير شؤون الموظفين الجديد
هادي بعصبيه: اقول انقلع بس هذا مكتبي يلا ضف وجهك
عبدالرحمن: استاذ هادي لو سمحت لا تغلط نتفاهم بإحترام
هادي: انتتتتت خليت فيها احترام .. يلا اطلع وراي شغل. مو فاضي لك
عبدالرحمن يمد له ورقه: شف هذي ورقة فصلك أنا اسف بس الاستاذ جواد هو فصلك تقدر تروح تتفاهم معه
هادي: ي عيال ال ــــــــــــــــ انت واياه
وطلع معصب و يتوعد ف جواد.





صحيت بشهقه وانا احس بشي متجمد ينصب علي. مسحت عيوني وناظرت فوق شفته يبتسم .. نزلت راسي اخفي دموعي حاولت اوقف بس يده كانت اسرع وقفني بقوه
جواد: غيري ملابسك وانزلي بسرعه عند امي
دخل ع غرفته وانا لميت بعضي وجروحي ومعاناتي اللي مو راضيه تنتهي .. دخلت غرفتي اخذت ملابسي وغيرتها البارحه الحقيره خوله واليوم هو .. دخلت الحمام غيرت ملابسي وطلعت صليت ونزلت وانا خايفه مو من الضرب خايفه من التجججريح من الاهانه. شفتها جالسه بالصاله وتشرب مدري وشو .. وجع هذي ماتنفجر من كثر ماتشرب ماعمري شفتها بدون كوب الظاهر المرافق تبعها. انتبهت لي
سميره: وش عندك واقفه هنا. تعالي
رحت لها ناظرتني من فوق لتحت
سميره: وش هالملابس
جوانه: شنو شفيها
سميره بعصبيه: قلتلك البسي ملابس خخخخخخدمممم
قلت بقهرها: أنا مو خدامه أنا زوجة ولدك
سميره: تتتتتتتخخخخخخسين تطولينه ..
سكت مارديت
سميره: يلا قدامي ع المطبخخخخ
اف اف وجع هذي ماتعرف تتكلم بهدوء بس تصارخ مشيت بروح ع المطبخ شفته نازل .. ع بالي هج من زمان وش يسوي لسى اففف كنت بكمل طريقي بس خفت وقفت لين نزل وقرب مني
جواد بتهديد: كم يوم وراجع .. ويلك لو اسمع من امي انك رفعتي صوتك او مانفذتي طلباتها
قال هالكلمتين وراح لامه باسها .. وانا تركتهم ومشيت ع المطبخ اليوم كنت ناويه اطبخ زين بس دامه للعقربه امه مابطبخ واللي بيسويه خلي يسويه مايهمني .. لا حرام عمي خالد طيب بطبخ عشانه وهي ان شاءالله تموت هي وولدها وارتاح منكم وخوله الحقيره بعد معكم هففففف.

ويس اتمنى تنال اعجابكم
وكونو بخير