قصيدة: سالت النسـائم من أرسـلك

, 05:00 am

-:::: سـالت النسـائم من أرسـلك ):::::-
يحـفظـك ربي قلْتِ وااو وسـمـعت صـداها
دوَّت داخـل القـلب وبثت نســائم كل عــبير

عبــير الورد والفـل والياســمين وماحـواها
أثـلجت صـدري أقحـوان ونرجس والنمـير

سـالت النسـائم من أرسـلك وطـاب هـواها
قالت ( روانووو) وهل فيه غيرها من خبير؟

يانسمة غلاك ياملاك الدنيا وكل ما حـواها
الهـوى طرب والمحـب طربان والحب سفير

والدنيا بـلا دين والله ما نبقـاها ما نبقـاها
ويش فائدة السـيف لمن طول في الجفـــير

نعم بنت الحـلال تفرح بابن الحـلال لجاها
تصون عرضها وتصبر على المكتوب تدبير

يامن غرتك دنيـاك تفـكر في فنـاك وفنـاها
الأرض والسمـاوات تطـوى بقـدرة القــدير

كل نفس تحـاسب والجـنة أو النـار مأواها
حسب حسابك قبل تندم على نهاية المصير

والله ما كل نفـس في الدنيـا تحـقق منـاها
الأماني كثـــيرة وما على الله شئ كثـــير

وقل من يصـبر نفسه لمن زاد عليها بــلاها
ويشـكر الله على كل ما يجــري له ويصـير

لا تسـأل فاقـد البصـر عينـك ويش عمــاها
ربي ســأل هل يســتوي الأعمى والبصـير

ألا يامــن بنـي الدنيـا والآخـــرة نـســـاها
تدارك الوقت ترى الأمل مهما طال اقصير

تمسك بالعروة الوثقى ونفسك ربك شراها
وازرع في دنياك قبل لاتكون حسير كسير

هاذي رسالتي لنفـسي واشـكر منه قراها
وأخـتمهـا بالصـــلاة على البشــير النــذير
الشاعر/ حمد بن فهد المخالده السبيعي