ماخبرت الجوع تشكيه العيون

صح كل الناس مثلي يسهرون
بس انا ليلي مشاريه وعنا ..
ما خبرت الجوع تشكيه العيون
الين غبت وجاعت عيوني وانا ..
هاضني برق كشف وسط المزون
وانتثر وبله وهيضني السنا ..
شفت في بطن السحابه كم لون
وكنت انا واياه نلعب وسننا ..
بس يا العذال مدري وش تبون
والله اني مالي عن الغالي غنا ..
ادري ان الحب وردني الجنون
وادري انه هم وفراق وهنا ..
ي حبيبي لا تغيرك الظنون
دام حبك بين الاضلاع انبنا ..
انت غير الناس وانت الي تمون
والله ان افنا وحبك ما فنا ..
انت خابرني ولك بلسم وعون
طبعي الفرحه وللحزن ازبنا ..
وكلهم لا غبت عني يسالون
كيف ضاق الصدر والصدر دهنا ..
جددوا فيني المشاعر والطعون
والنهار اقفا وانا ليلي دنا ..
لا تروح بعيد يا الطرف الحنون
قلبي اللي من غيابك م اهتنا ..
اروني وصلك ولحفني الجفون
غيرنا لو مات .. مات وما جنا ..
خابر(ن) قدرك وعارف من تكون
ومن عشق مثلك عن الحب اغتنا..
وان حكوا فينا تراهم يكذبون
واعرف الي يقفون اجبنا ..
الحياه ايام والدنيا تهون
والعمر لو طال تاليه الفنا ..

يسسسلموو
مديره كلك ذوووق

قصيدة. اليمه لكن رائعه
موضوع في قمة الخيااال
بانتظار جديدك بكل شوق
تحياتي ي الغلا