اكتب اسم شاعر واللي بعدك يجيب له أبيات على ذوقه

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي
الشاعر فهد الشهراني

خطاياها

ازريت أجمع خطاياها وأعلمها

وأحيا بها في عيوني كل ما ماتت!ّ!



ماكنت ظالم عشان اروح واظلمها

لا كنها فرصة للزين قد فاتت ...



الله يسلمك وعيوني يسلمهاا

وتبات عين ثلاث شهوور ماباتت!ّ



تحرم علي لو تجيني ما اكلمها

مادام هذي سواياها ولا حاتت

- سعيد بن مانع اذا ممكن .

ان شاء الله ،
.
.
ياليتَ الظامية توحي وترجع لي
ويرويها الشعر ، والقلب يرويها
اذا شعري بها ماهو بيشفع لي !
اراضيها ، لكن وين اراضيها
، ______________
........
فهد آلمساعد

من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي

اختيار موفق ابو نايف
بدر بن عبدالمحسن

ماكنت اؤمن بالعيون وسحرها
حتى رمتني بالهوى عيناك

خالد الفيصل

الحزم
جـــــــرّب الغضبـــــات ياجاهــل زعلنــــا
تحســــب ان الحلـــــم ضعــــفٍ يالحبنّى
ما استعبـت الدرس من سابق زمنا
كـــم تحملنــــــــا مــن الغاشـــــم تجــــنّى
ثم ردينـــــا عليــــــه الصـــــاع طنّــــا
ليــــن جــا يرغــى عقــــــــب ماهو يغنى
ويوم صـــاح الجـــــار قمنـــــا واستجبنـا
والسعــــودي بالمواقـــــف مـــا يمــــنّى
السعـــــــــــــــودي ﻻ‌ تنادو قــــال حنّـــــــا
من طعــن أرض الوطـن رمحه طعنّى
جـــــاك رد الفعـــــل يامهـــــدّد وطنّــــــــا
خذ جواب الحرب دامك تمتحـنّى
أَحتـــــــزمَ سلمــــــــان بالحــــــزم وحزمنـــا
وهــدّت صقــور تسابــــق يذبــحنـــى
يـــوم سلمـــــــــــــان العَرَب نَهّض وثبنا
وكل قـــرمٍ قــال انا كلّـى ومنّى
يارفيـــــع الراس ياصفــــــــوة عربنا
ضربتك وحده وتفصـــــل ما تثــــنّى
يوم ناديــــت العــــــرب كـــــــــــلٍ سمعنا
العـــرب تحتــاج مثلــــك بالتمـــــــنّى
العــرب تـــبى تسير الدرب معنـــا
سر .. تراك بكلّ عين وكل ظنّى
~~~~~~~~~~~~~~~~~~~~~
حـــــــــــــــــــــامد زيد

دنيةٍ تجمع صفاتين الخجل والعنجهيه
كنها بنت يزود بحسنها ثقل وذرابه

يوم جتني تمتحني في زمان الجاهلية
جيتها رجلٍ تحلى في تقاليد الصحابه

بالعطا تبخل علي و بالعذاب تموت فيه
عشتها قلب رحوم يكره الضّيم ويهابه

بس أبدري وش نهاية وصلها وأخر هدية
وهو صحيح ان القصايد للجريح أول عذابه

ومن عرف لك يالليالي وأنتِ أكثر من هويّة
ومن تحلف في ترابك مقتنع باللي جرى به

/

محمد بن فطيس

قد عطيتك وانـت ماضنـك لئيـم ..

.. والنصيـحـه لليـالـي تـذكـره

لاتحرك جرحـي الماضـي الاليـم ..
.. ولاتحسب ان طول بعـدك طهـره

كل جرح يهـون يالجـرح القديـم ..
.. وكل شي قد مضـا معـك اذكـره

جرحي وذكـراك والليـل البهيـم ..
.. حـزت فـوادي بمثـل المنشـره

العذول غراب وانا اكبـر غشيـم ..
.. والجروح الماء وطاريـك حجـره

والزمان اكرم من الحـظ الكريـم ..
.. لانفتح لي بـاب صوبـك سكـره

وحبك اللي لاطرى لي رحت اهيـم ..
.. قمت احسب اصغر كلامك واكبـره

ليتنـي عـاد الهـوا تـوه فطيـم ..
.. انعذلـت لعاذلـي بـس خـيـره

مالقيت من الوفـاء يـااول نديـم ..
.. كون صدق الحزن وجهه وظهـره

عقب رمح الشوق في وجه الصميم ..
.. سيف هجرك في قفاه وشف ثـره

وانت شكلك تحسبنـي فـي نعيـم ..
.. لنـي اخبـي صوابـي واستـره

لايغـرك حلـم رجــال حلـيـم ..
.. مهون اللي مـن سكوتـه فجـره

ولاتحسب الجفن من دمعه عقيـم ..
.. يستحي منك والى اقفيـت انثـره

ولايغرك وان بدا جسمـي سليـم ..
.. والله ان جسمي سـوار المقبـره

والله ان امر من ضحـك الغريـم ..
.. شوف حقي بين اياديـه اشكـره

والله ان احر مـن دمـع اليتيـم ..
.. دمعة الرجـال مـن فرقـا مـره

لافي الغيداني