تكفى بغلاة أمك

تـكفى ؛ بغلاة أمّك ..إذا كنت غالي..

الوقت وقتي .. والزمن ماصفالي
والعمر رحلة .. وأتعبته المشاوير

كلّي حلالك .. وأنت .. كلّك حلالي
لكن وربّي حظنا ماهو .. بـ خير

حاولت لكن .. ماجرالك ؛ جرالي
مات السنع .. في وجه قل التدابير

فلا تزعل .. إليا قلت مالك ومالي
دام الأماني غير .. وأحلامنا غير

ودام الحزن بالحب فالك .. وفالي
خلنا نتفارق .. والبقى للمقاديـر

أدري فراقك صعب .. ويهد حالي
وأدري فراقي صار من قبل لا يصير

ماكنت أبي فراقك .. بس الليالي
تسيّر أحلامي على عكس ما أسير

تدري خفوقك بالفراق وش هداني
أهدى يديني .. وردتين مع ؛ طير

ورحت بفراقك .. والهداايا قبالي
ومات بيديني وردتين .. وعصافير

يمكن يخون الود ... لامن طرالي
لكن وربّـي ؛ ما أخونك مع الغير

أبطلبك حاجة .. وأمانـة إذا لي
معزّة / وخاطر / وحشمة / وتقدير

تـكفى ؛ بغلاة أمّك ..إذا كنت غالي
لا جيت في بالكـ { تذكّـرني بــ خير

قصيده مؤثره جدا حدا

ولها صدى مؤثر جداا

دمتي بوود ياسيدة

الحرف والذوووق

خمسس نجووم

يمكن يخون الود ... لامن طرالي
لكن وربّـي ؛ ما أخونك مع الغير


صح نقلك الفذ ..