يا متعب القلب

يا متعب القلب قلي وش غلطاتـي
إن كنت أنا أقدر أعدلهـا بعدلها

لا صرت تجهل عنا الدنيا وضيقاتي
من دون ما أشرح لك أوضاعي تأملها

الوقت ضدي حرمني من ملذاتـي
والصد بعدك ذبح روحي وكملهـا

لا لا يغرك كثير الصمت وسكاتي
خل المشاعر تقول الآه وإسألهـا

يسكني الحب واضح من عباراتـي
وش عاد لجلك حروفي لـو أذللها

عذبني الشوق واسرفـت بخيالاتـي
روح ٍ تحبك دخيلك ليه تهملها

يا ليتك شوي تشعـر فـي معاناتـي
دنياك يمكن عليك تضيـق بأكملهـا

الحزن كنه سفيـري فـي علاقاتـي
والهم خيم على حالـي وطولهـا

غديت دربي وتاهت فيـك خطواتـي
كل المواعيد مدري ليـش تجلهـا

سنين أحاول وضاعت كـل حيلاتـي
ما تدري إني حيـاة الـذّل مقبلهـا

لا جيتك أسال وأدور فيـك ضحكاتـي
كنك تعمد بيديـك اليـوم تقتلهـا

لا تترك الظـن يلعـب باحتمالاتـي
الكلمه اللي تحز بخاطـرك قلهـا

تعال شفني وحـس بحـال لوعاتـي
كن الدقايق بدونـك عـام مطولهـا

متى التباشر بقدوم الغـلا تأتـي
فرحة زماني بشوفـك مـا تخيلهـا

خلاص صبري تعـدى كـل هقواتـي
اتعبت نفسي أعزيهـا وعللها

ابيك تنسى وتدمـح كـل زلاتـي
بعض البشر صعب ما نقـدر نزعلهـا

والحين جيتك بمسح كـل غلطاتـي
دنياي دونـك وربـي ماتحملهـا

طااب لي التواجد هنا
راقت لي مكنونات قلمك
سلمت بما دونت من كلمات راقيات
دمت بخيير

سيدتي الكريمة من حلاها الكل وراها نكتب لنتميز ونتميز لكي نكون الافضل ولن نكون الافضل لولا مصل عبيركم وروعة وجمال مروركم دمتي بخير

طاب لي الدخول لهكذا طرح
ابداع لايوصف
سلمت يمناك

عزوف الشكر لما خط قلمك وأنتي في حضورك لموضوعي أضأتي بداخلي شعلة الأمل لك مني كل مودة واحترام

يعطيك العافية ،،
راقت لي المشاركه هناا.

الله يعافيك ويسلم قلبك يا الذووووووق مرورك شرفني