طاري غيابك

ما قلت لي شي ! وش خليت ما قلته ؟!
اسكت وخل الكلام ل جرحي الدامي

لو غيرك إلي يسولف ما تحملته
لكن علشان عينك هانت ألامي

للحب مفهوم عمرك ما تخيلته
ما أظن يستوعبه تفكيرك السامي

هذا الفراق الطويل وهذي أسئلته
هذا حصاد السنين و هذي أيامي

ياما وياما عليك البال طولته
والعمر عدى وأنا عايش على أوهامي

حتى طريق الفراق إللي تساهلته
لقيته أصعب على نفسي من أقدامي

اصبر شوي لو دمي تثاقلته
بحاول أستوعب اللي صار قدامي

الحب ضحكه بعينك بس ما طلته
عمرك بهالكون شفته أبسط من أحلامي!

القلب لو ما خفق لك كان ما شلته
ولو ما أنت ملهم قصيدي جفت أقلامي


العام طاري غيابك ما تقبلته
واليوم حرماني أصبح مصدر إلهامي

لا تعتذر لي وبنسى كل ما قلته
وش ينفع العذر لامن ضاعت أيامي

الله الله عليك ..

آخر بيت هو ملح القصيده ..

لا هنتِ يالغلا ..

لله درك
آبيات تروي نفسها تلو الآخر
مودتي وتقديري ..

نايس
ابيات في قمه الرؤعه
لا عدمناك ..

تقبلي مروري

العام طاري غيابك ما تقبلته
واليوم حرماني أصبح مصدر إلهامي

لا تعتذر لي وبنسى كل ما قلته
وش ينفع العذر لامن ضاعت أيامي


كلماااات بالصمييم
كلمات حساسه من قلب ينبض احساس
لامست رووحي بكل ماتحمله من معااني
رااقت لي

يعطيك العاافيه ع الطرح الراائع
باانتظاار القااادم