حبيبي الحزن ..

حبيبي الحزن لا قلّطتك عيوني
رتب كنب ضحكتي في مجلس اهدابي

وتمرك عوج الحنايا وافرش شجوني
أنت المعّزب وضيفك باقي أعصابي

مابعدك الاّ التعب واقصاك من دوني
وما قبلك الاّ ضعون الصبر وركابي

وهذي فراغات عيني من ورى نوني
تغرف من الصمت دمع وتسقي كتابي

والصمت عشعش على شفاهي ومكنوني
قام يتعرّش من الحسره جذع نابي

وجريد وجهي عسيبه يبس ومزوني
جهّت قبل لا تلقّح بكرة ترابي

والشمس ترقى السما وتهل ب جفوني
قطرة عرق من جبين الوقت تندابي

والمغرب اللي يصب من الغسق لوني
وشلون يمحى الضيا في لوحة غيابي

حبيبي الحزن بسولف على ظنوني
مليت اسولف على غيري وانا مابي

بردٍ تنحنح وحيفه وأرعب غصوني
وأشعلت من منقد العشاق مشهابي

وأكن تبغ والوجع ويكح غليوني
من مابي اللي يضيق ب كثر يامابي

والصبر مفتاح والضيقات صكوني
من وين ب القى الفرج لا سكروا بابي

مليت اجي لك من الضيقه على هوني
ومليت اروّح وأنا اتعابي هي اتعابي

قلت اتوكا على اصحابي وهدوني
على رفات الدروب وضيعة احبابي

عرفت بأن الوجيه أشباه ب عيوني
أصحاب حزني ولا ل أحزاني اصحابي

حبيبي الحزن تدري ويش بردوني
شيٍ سترته على ردونك وعرابي

ثيابي أول افصلها على متوني
ومتوني اليوم أفصلها على ثيابي

والمغرب اللي يصب من الغسق لوني
وشلون يمحى الضيا في لوحة غيابي

حبيبي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]بسولف على ظنوني
مليت اسولف على غيري وانا مابي


كيان ../
تمتلك ذائقه مميزه
شكرآ لهذا الجمال ،

شكرا لطيب مرورك

لا هنتِ