تخيـلو التماسيح هم الي يخطبون

عليكم ورحمة الله وبركاته .......


:::::::::::::::::::::::::::::::::::::::::::::::::: :::::::
::::::::::::::::::::::::::::::::::::::::::::
::::::::::::::::::::::::::::::::::::


تخيلوا بس مجرد خيال ... ان البنات يخطبون الأولاد!!



غمضوا عيونكم الحين وتخيلوا!!... << :D


المهم,,نبدأ نتخيل.....


تتفاجأ يوم من الأيام وأنت قاعد تقرا كتاب رومنسي وأنواع الأحلام الوردية(ياي),وسرحان في فارسة أحلامك ..


الا وأمك داخله عليك وتوها جايه من الأستراحه وتقولك: يا ولدي ودي أكلمك في موضوع..


ترد أنت وبكل خووف: خير يمه؟؟

تقول أمك : ترى جارتنا أم خالد تبي تخطبك لبنتها, وأنت ماشاءالله كبرت واحلويت وكل يبييك, ها وش رايك؟؟


ثم تنزل راسك وتلعب باصبعك في شنبك وترد وانت مستحي وخدودك حمر (هذا اذا كنت محلق اللحيه).... وتقول: الراي رايك والشور شورك يمه...


وتقول أمك: أنا بصراحه ما أشوف في البنت شي....


ما شاءالله عليها محترمه ووظيفتها زينه وراتبها ممتاز ومن عايله محترمه , ومن البيت للمسجد ومن المسجد للبيت... ولا عندها سوالف السفر والخربطه وما تشرب ولا تدخن ولا تروح لاستراحات البنات....يعني بنت ماعليها.


تقول انت : بس يايمه هي ماشافتني من أول, أنا دايما متلطم بشماغي!!


تقول أمك: هي شافتك وأنت نازل من باص المدرسه..


وسألت عنك قالوا لها خوووش ولد, مو راعي سوق وكوفي شوب وما يطلع الا مع امه وأبوه..


وتراها هي وأمها جايين يوم الخميس علشان يشوفونك..


تسأل أنت: طيب يمه أبوي وش رايه؟؟


تقول أمك : أبوك ما يدري خليه حايس في المطبخ الله يعينه...


ترد أنت وبكل خجل: اللي تشوفينه يمه...


وتطلع أمك من الغرفه وتنط انت قدام المرايه وتاخذ نص لفه يمين ونص لفه شمال وتشوف جسمك وتمشط شعرك وشنبك بدلع (ياعيني على الدلع)..


وتقول: آه أخيراّ حست وخطبتني!


وقبل يوم الخميس تروح انت لكوافير رجالي وتكون مسوي حجز وتقعد وتصبغ شعرك (هاي لايت) وتتزين وتطلع زي فلقة القمر.....يعني تهبل..


وتجي البيت وتلبس الثوب اللي فصلته عند المصمم, فيه فتحه من عند الساق وفتحه في الظهر وذاك المكياج وذاك العطر اللي يشق الخشم وتنزل للصاله..


ويقول لك ابوك: يالله دخل العصير على خطيبتك ترى أمك ذبحتنا تسأل عنك....


تقول أنت بكل خجل: واي واي يايبه انا أستحي..


ابوك يقولك وهو يطق على كتفك ويضحك يا ولد روح لعروسك...


تقول انت: يايبه دايما تحرجني!!


وتاخذ صينية العصير وتدخل المجلس اللي فيه البنت بكل نعومه ورقه وأدب وتقول بصوت ناااااااعم: احم احم ,السسسـ السسـ السلام عليكم (أخيراً طلعت)......


ترد البنت بعد ماوقفت: وعليكم السلام(وهي تناظر فيك من فوق لتحت)..


وتقول لها: تفضلي...

تقول هي: وش الاحلى العصير الاحمر والا الاصفر؟؟

بزعمها تبي تلطف الجو معاك..

تقول انت: كله حلو..

تقول هي: أكيد حلو لانك انت اللي مسويه.

وتحط انت الصينيه بسرعه وتبتسم وتروح داخل بسرعه!!

الا اخوانك عند الباب ويقولون: ها شلون شكلها ؟؟

تقول انت: واي واي تهبل حلوه ودمها خفيف وذوق اهههههاي

الا أبوك يطلع من المطبخ يلولش(يزغرط بالمصري)

للللووووووووووو لووووووووولللللووووش مبرووووك يا وليدي.. :D

الا على دخلة اختك العربجيه من برى وحاطه عبايتها على كتفها وتقول: خير وش فيه؟؟

يقول ابوك: قصري صوتك في وحده خطبت اخوك...

تقول اختك:وهي وين شافته عشان تخطبه؟؟ هاه؟؟؟؟؟

وتعطيك كف وتصرخ عليك.. ((عجبتني هاللقطه بقووووووووووه..))

والله لاوريها الشغل اللي جايه تخطب اخوي !! شباب آخر زمن..<<والله وصرتوا يالبنات تقولونها!!

الا بدخلة امك وتسطر اختك كف وتعصب اختك وتطلع بالسياره وتفحط وتروح لاستراحة البنات ((تخيلوا عاد))!!

وتمر الايام وانت تجهز ثوب العرس والكوشه وبيت الزوجيه ........

ويجي يوم العرس وتقعد انت في الكوشه وكل الشباب حولك يرقصون ويغنون على انغام الطيران .

وشوي الا العفسه قايمه: ترى العروس جايه, وينطون الشباب الكل يلبس شماغه ويتلطم....

وتدخل العروس مع امها وخواتها (طبعاً خواتها يتميلحون قدام الشباب) وتقعد العروس جنبك وترفع الطرحه، وتقول لك: الله صاير مثل القمر!!

ثم تلف وجهك وانت مستحي ويتم الزواج ......



وبعد كم شهر الا أنت تصرخ في الليل فيك طلق!!

ويودونك للمستشفى وتولد وتجيب توأم وتطلع من المستشفى لبيت أهلك علشان النفاس ((((حركاااات...))))

وتاخذ زوجتك فرصه وتسافر مع البنات ويهيصون قبل ما تخلص مدة النفاس الله يساعدك..

وترجع لبيتك (بعد ما تكشخت وصبغت شعرك)<<هذي اضافه من عندي

وتربي عيالك وتطبخ الغدا لزوجتك ..

وتتخانقون احياناً وتنام ودمعتك على شنبك ((اعجبتني هذي ....))

ويزيد حدة الخلاف

وتاخذ شماغك وعيالك (لو أنا مكانه ما آخذ عيالي اخليهم عندها يزعجون عشان تتوهق بهم )وتروح لبيت أهلك ..

وتصلح امك ما بينكم وترجع الحياة مثل أول وأحلى........
.
.
.
.
.
.
.
.

خلاص عاد فتحوا عيونكم يكفي خيال !!

اتمنى يكون اعجبكم الموضوع...........

مع تمنياتي لكم بحياةٍ زوجيةٍ سعيدة<<<

هههههههههههههههههههه
وناااااااااااسه ياليت منشان
ماننغصب ع الزواج
يسلمووووووووووووووو

ههههههههههههههههه


اشوا

يالله كنت متزووووجة من زمااااااااااااااااااااااااااااااان

هههههههههههههه

بجد في شباب والنعم فيهم أخلاق وأدب
لدرجة انه ما يرضون يكلمون اي بنت الا اذا تزوجها اول وعرفها عن طريق امه

ويغض بصره

انا الي بزي هذه المواصفات رح اخطبه

بس المهر عليه ههههههههههه احس انا الي وراي اشيا اشتريها مو هو


يختي انبسطت وانا اتخيل والله شي حلو

للعلم سيدتنا خديجة خطبت نفسها للرسول
وحتى الاسلام لا يحرم او يمنع ان تعرض المرأة نفسها لزواج رجل

بس بالعادات والتقاليد يسمونها مستقطعه ورامية حالها هههههههههههه

ههههههههههه يعطيك العافيه