ادق رقمكـ بآخر الليل

دائما مايحرجنا الشوق في أوقات غير مناسبه..
ولكن الاهم أنك تشتاق لمن تحب..
والعذاب الأكبر إذا كنت لم تخطر في باله أبدا..
قصيده من أجمل ماقرأت..
إليكم كما هي..

كل ماتصلت وغايتـي بـس احاكيـك
ياحسرتـي القـى معـك خـط ثانـي
ادق رقمـك بآخـر الليـل ناصـيـك
والقى " انتظار .. " وليتها بالثوانـي

يوم انت تغليني وانـا حيـل مغليـك
مايشتكـي الـجـوال الا عشـانـي
لعبت باعصابـي وانـا واثـق ٍ فيـك
قلي ان كانـك جبـت واحـد مكانـي

اما معـي تبقـى او انـي بجافيـك
يعنـي كـذا والا كــذا يالانـانـي
عليت روحي معـك ياهيـك او هيـك
واليا قطعت الوصـل تبغـى حنانـي

ابيـك لكنـك علـى كثـر مابـيـك
فكرك معي المقفيـن شيّـب زمانـي
قلي من تحاكي ؟!! وانا اوعدك اراعيك
بـس انـت قلـي لاتحطـم كيـانـي

وان كنت ناوي الصد ربـي يجازيـك
وكانك تعاني حتى انـا منـك اعانـي
ماكنت تسمـع غيـر ابشـر ولبيـك
حتـى معـاي انهيـت كـل الامانـي

اصدق معـي بالقـول ربـي يخليـك
قلي من اللـي صـار فجـأه مكانـي
واوعـدك مايلفـظ لسانـي بطاريـك
والـى ذكرتـك يـوم اقطـع لسانـي

صح لسانك وتسلم أناملك

وفعلاً اختيار رائع وموفق

اهنيك على الذوق الرفيع

وننتظر جديدك

لا عدمناك

صــــــــــــــــــــــــــــــــــح لســـــــــــــــــــــــــــــــــــانك