رواية لاجلك ياعيوني اموت / للكاتبة بنوته شايشه حيل

الجزء الرابع
*
*
*
*
*
*
*
*
*
*
*
*
*
البارت الأول
إبراهيم يتصل على أمه: الو
أم إبراهيم: هلا وغلا أبو عبد المجيد
إبراهيم: هلا بك زود يالغاليه
أم إبراهيم: وش اخبارك ياوليدي
ابراهيم:الحمد لله بخير يمه ... يمه قولي ل ليلى تتجهز وأنتي بعد وخلي سماهر تجلس عند تالا وراما( راما اخت ابراهيم الصغيرة )
آم إبراهيم: ليه وش صاير
ابراهيم: لا ولا شي بعدين يمه بعدين تعرفين كل شي
أم إبراهيم: طيب مع السلامة
إبراهيم: مع السلامة
(أم إبراهيم تنادي ليلى: ليلى ليلى
ليلى خايفه ليكون أم زوجها فاقده هاجر ولا شي:...................هلا خالتي
ام ابراهيم: تعالي وجيبي عبايتك ........سماهر جيبي عبايتي
سماهر: ان شاء الله يمه....بسس .... وش السالفه
ام ابراهيم: والله مدري عن اخوك
سماهر: غرييييبه ... زين طمنوني اوكي
ام ابراهيم: زين
(نزلت ليلى وطلعوا وركبوا السيارة ووصلوا لباب المستشفى)
ام ابراهيم: ليش جااي هنا؟
ابراهيم: يمه اصبري زين
ام ابراهيم نزلت هي وليلى وابراهيم وعبد المجيد
(وصلوا وصارو المستشفى قد طلعوا هاجر في غرفه بس نايمه ترتاح)
ام ابراهيم: هااجر بنتي
ابراهيم: يمه هاجر وسمر جايهم حادث بس هاجر ما جاها شي بس رضوض بسيطه اما سمر.....هي اللي فقدت البصر
ام ابراهيم: الله يشفيها
ابراهيم ليلى: اميييييين
.................................................. ....................
رجع حسام وزوجته وامه وابوه وديم للبيت وديم تبكي على اختها
حسام: بس ياديم يكفي
ديم:اهئ اهئ وشلون تبيني اسكت واختي تعبانه وماندري وش حالها
حسام: اصبري ياديم ... انتي كبيرة وعاقله وفاهمه ماله داعي اقول لك
ديم: ان شاء الله
شوق: بابا
حسام: لبيه
شوق:عمتو سمر بتطلع ولا لا؟
حسام: ........................ ان شاء الله ....خلاص شوق روحي نامي... قمر روحي نوميها
قمر: ان شاء الله.... شوق يالله
شوق:طيييب
أم حسام: حسام يا يمه بكرا أبيك توديني لبنتي زين
حسام: إن شاء الله يمه من عيوني
.................................................. ....................
(في بيت أبو عاصم)
هشام: عهود
عهود: هلا
هشام: تعالي أبيك
راحت له..
عهود: هلا هشوم وش بغيت.؟
هشام: الحين سمر تفقد بصرها دايم ولا مؤقت؟
عهود: والله مدري بس الله يستر
هشام: امين
(جت لمياء)
لمياء: السلام عليكم
هشام وعهود: وعليكم السلام
لمياء: اااااف يا حياتي يا سمر الله يشفيك
هشام: امين وانتي يا ام القلق وراك جايه هنا مسويه متأثره بس جايه لقافه هههههااي
لمياء: حرام عليك ظلم وقسم ( وراحت تركض لغرفتها)
عهود: هشام ليش سويت كذا.؟
هشام حزت بخاطره يحب يخلي لمياء تعصب : وش عليك (وراح غرفته): ااف انا الحين وش سويت ..
(راح عند غرفة لمياء وسمعها تبكي) طق الباب
لمياء:.........................
هشام: ....لمياء لمياء افتحي الباب...اووف يالدلوعه افتحي يلا
لمياء:.........................
هشام: لمياء والله مو قصدي ... لميااء حرام عليك تعبت من الوقفه عند الباب ما عندك رحمه لاخوك؟.
لمياء كلمته من ورا الباب: وششش تبي
هشام: يلا عاد سامحيني
لمياء:............لا
هشام: أإفااا بس ليش
لمياء: بس
هشام: اطلبي تعطين بس ارضي
لمياء: عندي شروط عشان ارضى
هشام بصوت خفيف: بعععععد
لمياء: وشو ما سمعت
هشام: هههه سلامتك
لمياء: اوووص إذا تبيني أرضى اسكت واسمع..(وباستهزاء) ونفذ..
هشام: اقوووول
لمياء: خلاص باي ضف وجهك
هشام: خلاص خلاص قولي اخلصي علي
لمياء: قول توبه واخر مرره ... امممممممممممممممم وروح سوي لي هوت شوكليت يلااااا بسرعه
هشام: وشوووووو خدام عندك انا ...اسمعيني زين تبين ترضين ارضي ماتبين زعل ابو جعل ..بباي
(ورااح )
عهود: وش فيك
هشام: الاخت لمياء تبيني اقول لها توبه واخر مره ومدري شنو لا وبعد تبيني اصلح لها (يتطنز بصوتها)هوووت شوكليت
عهود:هههههههههههههههههههه وإذا احمد ربك بس هذي طلباتها
هشام: لا والله احلفي بسس والله منيب فاضي لك انتي واختك
عهود: ههههههههههههههه يلا انا بسوي الهوت شوكليت لك وروح وقول لها الباقي
هشام: اوووف وانا فاضي للبزارين ذولا
عهود راحت للمطبخ
هشام جلللللس عند التلفزيون ..جابت عهود الهوت شوكليت للمياء وعطته هشام : يلا قوم بسرعه
هشام:عطيني
راح للمياء:ياهووه العمه يلا سويت لك الهووووووت شوكليت اطلعي
لمياء طلعت : وريني ....اوف هااات يلا مع السلامه
هشام: قولي شكرا يامال الحمار
لمياء:هههههههههههههههههه شكرا شكرا
هشام: لازم الطلبات الثانيه؟
لمياء:اممممم لا خلاص
هشام: اوووف اشوا
لمياء: وا فديتك هشووم
هشام:احم احم يلا ادخلي غرفتك بس
لمياء:ههههههههههههههههه باي
هشام:باي
.................................................. ....................
طلال: اقول ابو حمود
سعود:هلا ابو راكان
طلال: شفت البنت اللي كانت مع ديم اخت سمر
سعود: ايه وش فيها
طلال: هاااه مدري بس احس انها حلوه
سعود: احم احم ايه ايه فيه حاله حب عندي هنا
طلال ضربه: اقوووووول سعيدان اهجد احسن لك
سعود:طيب روح لبيت اهلها واخطبها
طلال: ادري احسن حل باخذ امي بكرا واخليها تخطبها لي
سعود: اوخس مستعجل الاخو
طلال : سعيدااان اعقل
سعود: هههههههههههه طيب طيب
(طلال راح لامه وفاتحها بالموضوع وفرحت له كثير وخلت ابو طلال يكلم ابو عمر ويفاتحه بالموضوع ويوم الخطبه..)
ابو طلال: الوو
ابو عمر: نعم
ابو طلال: السلام عليكم ..معك راكان ابو طلال
ابو عمر: وعليكم السلام ..هلا بغيت شي اخوي
ابو طلال: ايه الله يسلمك نبي القرب منكم
ابو عمر: هذي الساعه المباركه حياك في أي وقت
ابو طلال الله يحيك بنجيكم بكرا ان شاء الله
ابوعمر: الله يتمم على خير
ابوطلال : مع السلامه
ابو عمر: مع السلامه
(وسكر منه وراح يخبر زوجته سارة )
ابو عمر : سارة سارة
سارة: هلا خالد وش فيك
ابو عمر : تعالي ابيك بموضوع شوي
سارة : طيب
(راحوا لغرفتهم )
ابو عمر : فيه واحد يبي يتقدم لوحده من البنات
سارة: جد وه اخيرا بشوف وحده من بناتي متزوجه ..طيب ومن هو اللي العريس؟؟
ابو عمر: واحد اسمه طلال
سارة: يارب تمم على خير
*
*
*
*
*
*
*
*
*