جرح الأقصى

السلام عليكم ..

أسير القاف

انت ذكرت لي ووضحت الأمور وانا فهمتك والأخت عاشقة الدموع فاهمه قصدك من وضع القصيده كامله

لكن منعاً للإحراج تم وضع ردي هنآ امام الكل ..

واقول للي مو فاهم
مع اني وضحت الامور كذا مره

انو راح يتم التقييم لك يا سيدي على الـ 15 بيت الأولى

وهي كالتالي

بـأرض الحـرم قبلـة صـلاة المصليـن

وجهـة وجهـي طـالـبٍ رب الأربــاب

يالله يالمعـبـود يـاخـالـق تـعـيـن

ياواحـدٍ مـن هـو تـرجـاه مـاخـاب

يالله تفـرج ضيـقـةٍ فــي فلسطـيـن

سبـة يهـودي كشـر بحقـد الأنـيـاب

القبلـة الأولــى سكنـهـا شياطـيـن

من عقب ماهي للنبـي وخيـر الأصحـاب

ياكيف ننسـى ثارنـا والعـرب ويـن

وكنـا رضيـنـا مانشـوفـه بالأحـبـاب

وشلـون نرضـى ذلنـا مـن ملاعـيـن

وحنا مـن الماضـي علـى كـل مرقـاب

ماتـت بنـا النخـوه وعـزٍ لـه سنيـن

وراس الصبر من صبرنا بالحـزن شـاب

بعض العرب ياخـوي للقـدس ناسيـن

ولاهمهم مـن دمعتـه تشقـى أهـداب

وبعض العرب يبكي من القدس جرحين

من جرح الأقصى أوفقـد عـز الأقـراب

شفنا اليهودي مهتنـي والبـلاء يهيـن

بأعراض طُهـر والشـرف دون ماهـاب

زاد الخطأ وحنا مـن الكـون مقفيـن

ومن هو شفيعٍ ياعـرب يـوم الحسـاب؟؟

ماهـو محمـد ياعـرب ليـه ساهـيـن

وشلـون نرضـى مـن يسبـه ويغـتـاب

اللي رسـم عسـى البـلاوي بـه تبيـن

ويالله يالـقـادر تعـجـل بــه عـقـاب

يالله تمحـق رزقهـم والـجـزاء ديــن

يامفـرج الضيقـة علـى كــل طــلاب

مانـا مثـل منهـم وفـو يـوم حطيـن

ولانا مثل مـن أصمـدوا يـوم الأحـزاب

اما الباقي فهو فقط لإستكمال القصيده ومعناها للقرآء

دمتم بخير