قصيدة : ثمــن الحــاجة

>----- { ثمـن الحـاجة } ----->
يا ســامعـين القــول هــذا قصـةٍ ما هـي وليــدة
تحـكي عن الحـاجة إذا ضـاقت وكـسّرت ثبــاتي

كم شــهـم بان وباطـنه خـيـبة وهــمٍّ ومــكـيــدة
وكم ذليلٍ كشف وجهه يوم جت لحظة اختباراتي

قالت انا حسناء جيتك يا سعيد ما نيب سعيــدة
حدتني لك الظروف عساني القى عندك حاجاتي

قال ويش حاجاتك تراني اعـرف هـوى الطريـدة
ولا اكشف سـرها واسـري خلف مبتغـاي ومنـاتي

قالت ما بها سـر وأخـاف ينكـشف وهذا لا أريده
حاجتي مديونية اسددها لك في وقتها يا غناتي

وخذ رهانها بيت المرحوم مسكني ولا بد تعيـده
مالي غير الله بعده وإلا في الشارع وحدي أباتي

قال أعطيك بشرط وقبل العطا منـك شي أريده
حُسنك وجمالك فاق اللي عندي وأسوي سـواتي

قالت ويش سواتك عساها خير في أمر تريـــده
قال أبغـاك في نفسك لو مـــرة تخـفف معــاناتي

قالت تتزوجني بالحلال وتصبر على المقيريــده
قال لا معي أربع، بس اقضي شفي هذه عـاداتي

قالت ياشين الحلايا جعلك ما تموت موته اكيده
تعيـش طـول عـمــرك بذل وخسّة يا ردي الذاتي

تكرهك الملأ إنس وجن وملائكة واعداد عديـده
دوم على السرير الأبيض تتألم بين حياة ومماتي

أنا شريفة عفيفة والشـرف ساسي جعلك وقيده
غرّني منظرك وتأدبك أثاريك ثعلب لك تخـتلاتي

ترى العفّة ما هــي خـيــار ولا تُقــاس بالمــزيـده
هــي أصـــلٍ ثابـتٍ لو هـــزّت الريــح الثـبـــــاتي

والشــرف ما هــو ســلعةٍ تبــاع عنـــد الشـديـده
واللي يســاوم في الكـرامـة خاسـرٍ كل الغـــلاتي

تبقى حسناء شـامخة لو جـار أهل وقتٍها عنيـده
ويبقى الخسيس خسيس لو لبس ألف الواجهاتي
الشاعر / حمد بن فهد المخالده السبيعي