ابي ذيك الديار اللي غلاها في سماي

فمان الله يا حبن مضى كله ألم وجـروح فمان الله ياخلن سكن في قلـبي وعيني

ابركب قبل لا أغرق في بحر حبك سفينة نـوح عساي اسلم بروحي بعد مازدت الوجع فيني

اببعد عنك ياللي كنت ساكن قلـبي المجروح ابرحــل عنك لديارن غلاها في شراييني

ابي ذيك الديار اللي غلاها في سماي يلوح عساي القى بها بعض الحنان اللي يسليني

مــا دام ان الهوى كذبه وحبك تاليه مزوح ابـدور على غيرك حبيبن عنك يغنينـــي

بعد خليتني عايش جســد لكن بليا روح وانا اللي كنت احسب انك من جروحي تداويني



غلطت وقلت لك عادي هجرت وقلت لك مسموح قسيت وقلت يمكن لا نظر عبراتي يلـيني

تهون المشكله لوهي غلط واقول لك مسموح لكن المشكله جرحن حصل بين المحبيني

بعد ذاك الفراق اللي حصل يا قلـبي المذبوح انا الغلطان يا قلـبي ترى جرحك من ايديني

انا ما كنت اثق بالحب لكني عجزت ابوح امانه لا تحاسبني ترى ما فيني يكفيني

ما دام الحب صار اليوم لعب وتسليه ومزوح ما دام اللي شريته باعني ما عاد يغليني

ابرحل للديار اللي تداوي علة المجروح عساي القى بها حبن من احزاني ينسيني