لو كان لذنوب المحبين تكفير

لو كان لذنوب المحبين تكفير


أضعــهـا بـين يديكم وردة الشـاعـر : عيسى أل معيبد

من بستـأنــه المثمـــر .../








اْرسم سما .. بكذب على نفسي و اطير



............................ و اْزرع لي بصدري سحاب .. و غمامه



لولا الفضا / ما تمّ حلم العصافير



............................ ليه أنحبس ! ما دام صدري ( حمامه ) ؟!



ليت السما تحضن هموم المساهير



............................زي مَـحضَنَت همّ الليال و ظلامه .. !



لو كان في صدرالمسا دمّ و ضْمير /



............................ما عذ ّب عيون ٍ صَحَت .. ما تنامه !!



ظنيت بك يا ليل ظنّ المخاشير



............................الي يزيحون النكد بـ( ابتسامه ) !



وجيتك تواسيني / لقيت أكثري ( طير )



............................و كنّك ( قفص ) يصعب علي اقتحامه !!



خذني على قد العنا و المشاوير



............................و كاني وصلت لشي : وين السلامه ؟!



خذني بشر / لكن بشر دمعته : غير !



............................لو طاح دمعه / ما يطيّح مقامه ..



يا خير ! هو وعدك متى ؟! كان به خير !



............................متّ انتظر ما شفت غير الندامه !



والوقت لانفاس الوله شخص ٍ ضْرير



............................ما دلّ شرهاتي و كبر الملامه !



الي تركني ( لي ) . . وخلاني كْسير



............................قولوا له إنّي ما تحمّل خصامه ..



راح .. و تركني بعالم احزاني كبير



............................و مابه سوى دمع ٍ عجزت احترامه !



لو كان لذنوب المحبين تكفير ؛



............................كفّرت ذنبي بـ( ارتكابك ) .. مدامه :



ثقل الخطايا تدمحه سجدة / حْقير ؛



............................من نفس مليانه ( ورَع ) و استقامه !



يرسم على وجهي الخطا ( طفل ٍ صْغير )



............................تخفي براءة دمعتيه : اتّهامه ..



و يطيح من عيني (أمل) شوفته: مير



............................ترفعه في قلبي معزّة غرامه ..



ويوم إنْ جنحي تكسّرت/ قلت لي (طِير) ؟!



............................ما طار غير الفرح وقت انسجامه !



ويوم الأمل فيني طفى ! .. قلت لي : خير ؟!



............................كل خيْر / والحظّ الردي في تمامه !



يا (مووت) تكفى (ضمّني) / ماني صغير !



............................شف للشقا في وسط وجهي ( علامه ) !



خل السما ( تابوت ) .. ما عدت ابآطير



............................مابي أعيش العمر كله ندامه ..


مما آعجبني
فأحببت ان آنقله لكم :blush-anim-cl: