اهدي كلمه او بيت شعر لمن تحب

أحبك كثر ما قالوا من العشـاق انـا احبـك
احبك كلمة يتردد صداها و الخفـوق يشيـل

احبك وانت لي طب ٍ وانـا والله انـا طبّـك
كثر ما افكر فْ حبّك طبيب الحب يجني الويل

انا لي يوم ٍ اشتاقك دخيلك خاف بـي ربّـك
ترى والله لو ما جيت يجرفنـي معـاك السيـل

انام الليل و اتفكر .. حبيبـي فيـك متلبّـك
واقوم الصبح واتناثر على ذكراك جيل وجيـل

انا من يوم قابلتك غرام فْ حسنـك اتشبّـك
تقول انه صباح أقبل وغطى مهجـة أم الليـل

ف قربك من فرح قلبي يفز وهو لـك يْدبّـك
على نغمات ،عشق صادق ٍ مخلص مع الترتيـل

إذا تبغي تِعرف الحال.. غرقانه وسـط غبّـك
واذا تبغي تنجّدني ..ابي شَوفك يا حِسن النيـل

تساؤل واحد فْ بالي / صحيح الشوق قد ذبّك
والا سالي ٍ عني وانـا عذبنـي ِ التشكيـل !

أحبك والله اشتقت و غرامـي فيـك متلبّـك
احبك واسأل عيوني / بتلقـى دمعتـي ترتيـل