إذا المراجل لبسة شماغ وعقال *** قل للعذارى يلبسنّ العمايم

السلام عليكم ورحمه الله

قصيدهـ اعجبتني فنقلتها لكم ارجوا انها تعجبكم ...

إذا المراجل لبسة شماغ وعقال *** قل للعذارى يلبسنّ العمايم

ما عاد يفرق زول حرمه ورجال *** دام الفعايل تشبه البعض دايم

المرجله ما هيب كلمه وتنقال *** وتروح ما راحت هبوب النسايم

وإلا خشونة صوت أو رفع الأثقال *** أو رزة صدور وفعل الزلايم

ولا هي بعد مفتاح موتر وجوال *** وإلا ردى لسانن حديثه شتايم

المرجله شيمه عن القيل والقال *** رفيع نفس (ن ) حر بالجو حايم

المرجله عقلٍ وزن وزنه جبال *** ودون العقل وش فرقنا والبهايم

يا مسندي لو مايل الوقت بي مال *** يا ولد أبويه يا عظيم العزايم

يا معرب الجدين من العم والخال *** يا نخوة المفزوع وقت الهزايم

المرجله يا خوي هي طولة البال *** هي العزم هي الصبر فالظلايم

فيها الكرم عزه دله وفنجال *** فيها الكرامه عن ردى الطبع شايم

والدين لامنه خذا القلب منزال *** مشى طريق الحق وابليس نايم

ومن لا عرف ربه في طيب الحال *** لابد وقت الضيق بالهم هايم

حتى صلاتك مع جماعات ورجال *** في خيرها يا خوي نعم الغنايم

ولا من رفع ربي له كل الأعمال *** حسن الذكر لا قالو فلان صايم

وخلك شريف القصد يا طيب الفال *** سوء المقاصد فالبيوت الهدايم

واحذر تبيع النفس في دب الأنذال *** وتتبع خوي إبليس راع النمايم

النفس خيل لك إذا كنت خيّال *** ومن لا قوى نفسه قوته الهزايم

ولا صرت ما تدري لو يش أنت رجال *** والله خسارة فيك ذبح التمايم

عانقت كلماتك السحاب ودقت بداخلي الابواب

سلمتي وسلم بوحك

دمت بكل ود واكليلا من الورد

تقبلي مروري المتواضع

يسلمو اخوي ع مرورك وردك

لاهنت

الله عليك ..
كلمآتك تنساب كالماء آلرقرآق

سلمتي..

الله يسلمك رهونتي

روعه بمعنى الكلمة ...
تسلم يدك يالغلا ..

يسلمووو امورهـ ع التواجد

اذا المراجل لبسة شماغ وعقال قل للعذارى يلبسن العمايم




رووووووووووووووووووو ووووعه خيتوووووووووووووووو

تسلم اناملكي على القصيده الرائعه

تقبلي مروري

الله يسلمك اخوي