القلب ساحة حرب وجروحي قبور

القلب ساحة حرب وجروحي قبور
دفنت فيها .. الذكريات و حنيني !

وسويت من صبري حوالينها سور
في داخله كل شي .. بينك وبيني

لا تعتذر لي ما انت صادق ومعذور
خل العذر .. للي بقى من سنيني !

لو كان عندك ذوق واحساس وشعور
ما تشتكي ( ذكراه ) .. قدام عيني !

ليه اشتري خاطرْك خاطرْك مكسور
من قبل .. لا اجيك وقبل لا تجيني

ماعاد ل ( التقدير ) قيمه و لا دور
وشلون اقدّر وضع من لا يبيني ؟!

من قلت لك تسلم حبيبي و مشكور
وسحبت من راحة يسارك .. يميني

وانا .. نويت غياب ما بعده حضور
الله .. يغفر لي ( الجفا ) ويهديني !!

هذي ( طبيعة نفس ) ماتقبل الجور
ماهيب في يديينك ولا في يديني ..

ولاّ انت ما يلحق ردى نفسك قصور
شوف ب عيونك ويش سويت فيني ؟!

بعد غيابي عنك حول اربع شهور
توك تجي تسأل علامي وويني ؟

قد قلت لك ماني على الوصل مجبور
لا غبت عنّك ( يوم ) .. لا تحتريني !!

,
طرح َرآئع
فيٍ سطٌورْك نطًق كٌل تمٍيز وإبِداًع
لَك ذآئقَه منفَرْده علًى َعرْش الجَمآل الحَرْفيِ
ودي وكل الورد .

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير

صح لسانك واعتلا شانك

يعطيك العافيه