صحيح ! ( حنا انتهينا ) .. بس صدقني !والله ان تبقى ( هوى روحي ) وغاليها*

2015-07-04, 05:55 AM

ياللي جفيت وجفاك المر .. ذابحني عقبك وجيه البشر .. ماني بدانيها من يوم حبك .. غزى القلب وتملكني قطعت كل العلاقات وطواريها اقرى رسايلك ودموعي تسابقني وارد ! واقرى الرسايل .. واحتفظ فيها انت آخر انسان هاقي منه يصدمني والظاهر ان هقوتي بانت مواريها لو الوصايا ليا احتديت ! تنفعني ياكثر ناس على ذودي بوصيها ليت الفرح ( بنك ) لـآجيته يسلفني واقاصده ( راحتي ) وحقوقه اوفيها من كثر ماكنت ! جارحني وظالمني قمت اعزل جروحك بقلبي واسميها تدري وش اللي يبكيني ويضحكني انك محامي قضيتنا وقاضيها تدري متى؟ تعرف قدري وتفقدني لـآرخصت نفسك ,, لشخص مايراعيها بكره الـآ هملوك الناس تذكرني وتقول عزاه : عيني من يداريها ؟ مدام غيري ؟ على قلبك مشاركني وش هو له ؟ اعلق الـأمال وابنيها يكفيني انك رحلت ومنت عايفني هذا عزا النفس من كثرة بلاويها اهديتك : دموع من طعنتك تحرقني وانت اللي تستاهل الدنيا ومافيها واهديتني جرح .. موجعني ؟ وعاجبني ؟ لن الهدايا على مقدار مهديها صحيح ! ( حنا انتهينا ) .. بس صدقني !! والله ان تبقى ( هوى روحي ) وغاليها مفضوح ؟ راع الهيام .. ونظرته !! تغني ملامحه واضحه ! , في وجهه راعيها لكل داء دوا .. لو هو متعبني إلا محبتك ؟ .. أعيت من يداويها ان قلت : علمني انسى ؟ لـآتعلمني دنياي لـآمن نسيتك ويش تاليها