يومياتي بين يدكم وأمام ناظريكم

صباح يسعد أيامكم
ويبعد عنك أحزانكم
صباح يجدد أحوالكم
ويقرب منك احبابكم

صباح ينور طريقكم
وقلبي دوم يدعيلكم
ييسر أمرك وسبيلكم
وربي دوم يعينكم

صبـــــــــــــــاح الهدؤ والروقان والحب والحنيه لأغلى ناس على قلبي ... ((أعضاء رهين الشوق))


حبيت أبدأ يومياتي في منتدانا العزيز ...برحلتنا هالإجازه
والمواقف اللي صارت وياي...



طبعا بدأت رحلتنا يوم الجمعه 4/5/1432ه للمدينه المنوره
كنت متحمسه ومستانسه بالحيل وطول الطريق وأنا أتخيل شكل المسجد والمدينه بكبرها لأنه كانت أول زياره لي ... تقريبا أخذنا بالطريق 8 ساعات ...ولما وصلنا سألنا عن فنادق بجنب المسجد ...ولقينا فندق على طول مقابل للمسجدالنبوي ..
إسمه قصر المدينهنزلنا أغراضنا ونزلنا للمسجد ...طبعا كان زحمه بمعنا الكلمه ...وبعدين أغلبهم أجانب وماشاء الله عمالقه ...يعني في ذيك اللحظه رحنا شوربه ...
وأهلي كانو يمشون وراي ... بس شوي لفيت أناظر هم وراي ولا لا ... للأسف مالقيتهم ...بمعنا أصح ضعت ... لاتخافون تطمنو مابكيت ولا صرخت ولاشي ...كبرياء لما تخاف يتملكها الصمت ...بتقول فين الجوال ... للأسف طافي من شحن

وحالة كبرياء النفسيه ؟؟؟مبسوطه وزعلانه !!! مبسوطه لأني شفت المسجد النبوي وزعلانه لاني ضيعت أهلي ....


فكرت وش أسوي ؟؟!!:sadwalk: طبعا ماأحب أطلب من أحد جوال ... جلست أدور عليهم ... وأخيرا حصلتهم ... ولا قلكم معصبه عليهم ...<< أنا الغلطانه ومعصبه هههههههههههههههههههههه
<<قويت عين:cupidarrow: ماعلينا المهم جلسنا وجلست جنبي وحده هنديه تتكلم وياي وأنا أردد كلامهاوأهز نفس هزت راسها إنبسطت مني <<ياحليلها ههههههههههههههههه

ولا مو راضيه تقوم ....ههههههههههههههههههههههه عاد ألحين مااحد قدي أتكلم هندي ولا صرت أتقن هزت الراس هذا انجاز أمي مو مستوعبه اللي قاعد يصير ... أنا طفشت من الوضع خلاص أبي أروح بس خفت تزعل وأنا بطبعي ماأحب أزعل أحد حتى لو ماأعرفه
جات بنتها وأخذتها ...:bigsmile:... أوووووووه الحمدلله هم ونزاح طلعنا من المسجد نفتر بسياره شوي ... وأخذنا العشا وردينا البيت تعشينا ونمنا ... واليوم اللي بعده نزلنا صلينا الفجر وجلسنا بالمسجد لساعه 9 تقريبا وبعدها رحنا نتمشى بالأسواق شوي ..وتشتري هدايا للأهل وهيك ...:cupidarrow: وعلى هالحااااااال كل يوم نزل نصل نتمشى ونرجع الفندق ننام ...


ويوم الإثنين 7/5/1432ه رحنا على ينبع ... وااااااااااااو ... وااااااااااااااو ...
تجنن كلمة قليله فيها روعـ،ـــ،ـــــ،ــــــــ،ـــــــــه بمعنا الكلمه أول ماوصلنا ندورلنا على فندق مااااااااااااحصلنا إلا بالقوه ولا أبشركم دخلت فيهــــــا الواسطه هههههههههههههههههه

طبعا حطينا أغراضنا ورحنا للبحر

...عن جد بحر بحر روعه ... أجواء رومنسيه ... هدؤؤ ...
صوت عصافير ...هواء عذب...صوت الأشجار مع الهواء... وااااااااااااااااو ... عن جد ونااااااااسه ... طبعا كنت جالسه عالبحر ...والوضع كان هادي ... شوي ألتفت إلا الخيل وراي ..:tears:.. المكان اللي جالسين فيه أهلي بعيده شوي ومامعايا أحد ..:tears:.. وقلتلكم لما أخاف الصمت يتملكني ..:tears:.. بس الحمدلله بعدت عني شوي ولما تطمنت إنها خلاص بتروح وقفت ..قالكم شجاعه<< ببعد عنها ...إلا رجعت ... ورجعت جلست وتجمدت في مكان بعدها ماقمت ..تأكدت في ذيك الليله إن في أحد داعي علي ..هههههههههههههههههههههههههه
... قعدت أفكر وش أسوي بهالشي ...ومرت من قدامي بنوته صغيرونه ناديتها .. وضطريت أرسلها عالهندي .. عشان تقوله يبعد الشي اللي معاه ... والحمدلله قالتله وبعدها ... وبعدها رحت لأهلي وماعاد تحركت من عندهم ... إلا مع بابتي قال بروح اتمشى عالبحر تروحين وياي ... قلت ابشر ماطلبت شي...



وستمر الحال ليوم الأربعاء >>>



واليوم الخميس 10/5/1432ه رجعنا لطايف ورجعت للابي ...وغرفتي ... وسرير ...


وهذي كل حكااااااااااااتي خلال هالأسبوع...



ودي للجميع ..:cupidarrow:..

السسسلام عليكم ..

مساء | صباح ؛ الورد و الجوري ~

مدونه سعيده ومليئه بلحظات الفرح والحب والسرور ×

مريت من هــنآ وراق لي ما تم طرحه "
آلحمدلله على سلامة الوصول منوره الطااايف كله ^!^
حبيت اضع بصمتي ~ وسجليني من متابعيك
آحترامي ...

// آبو بسآم العتيبي ~ْ}

مرحبا مليون بك يالغالي ... والطاااااااااااااااااايف منوره بوجودك رهون فديت عمرك ماأروعك وماأروع مرورك وأتمنى ماتحرمنا منه ....نورت المكان يالغالي


ودي ...

وَأظل هنَاك . .
وَلا تدري وْش اللْي صَار بِـ غيابك
وَلا تدري عنّ اللْي مَات بِـ ترابك !
وَ ( يحيَا بك )
وانْت هنَاك . . مَا تدري ،
بِ إنيّ حيِل أشتَاقك !

أُقسسم بِ ربي ما بقىآ غيرگ إنسان
{~ أفرحح .. بِ ششوفه
لا ملـآ الضضيق .. صدري

سلامتك من الضيقه يالغالــــــــــــــــــــــي

آمانه / يَ طيور الصبح .. زوري صاحبي النايم ..
و غني لهـ .. آغاني الحب لين تفتح عيونهـ , /
و قولي لهـ / ترىآ عقلي متيم و الفكر هآيم ..
وقلبي .. آآهـ .. يَ قلبي عسىآ الله يكون فيـ عونهـ ,
آمانه / يَ طيور الحب .. قولي له وهو قآيم
ترىآ في ششخص يدعععي له بِ كل الخير و مايخونهـ

يضيق الكون في عيني واشوفك في خيالي كون
...
اشوفك كلما أغفي لانك حلمي الساهر
...
احبك في تفاصيلك احب اسلوبك المجنون
...
احبك في طلوع الشمس احبك ياأمل باكر
...
احبك ياصدى صوتن باحاسيس الهوى مشحون
...
احبك ياربيع اخضر احبك ياشتا ماطر
حقيقة اسمك الفاتن حقيقة قلبي المفتون
...
احبك في [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]شوق كتبها في الهوى شاعر
...

ماودي أتخيّل حياتي / بليّـاك
يا أغلى من أقرب شخص لي/ بحياتي

ماأدري وش سالفتي اليوم مو راضي يجيني النوووووووووووووووم