اللي تركني

اللي تركني





اللي تركني وأنا في عـز غربالـي
بعد الشدايد وش اللي ذكـره فينـي



يبغى زمانه يعـود ويرجـع الغالـي
وش لون يرجع بعد ماطاح من عيني



لاالوقت وقته ولاله شي فـي بالـي
أنا نسيتـه مثـل ماكـان ناسينـي



ياما تمنيت نظرة منـه فـي حالـي
يامـا تمنيـت صوتـه لوينادينـي



وأقول لااظلم علـي الليـل بلحالـي
الله يجيبه يشتـت غربـة سنينـي



من كثر ماكان طيفـه دايـم قبالـي
احيان احسه معي وتضمـه ايدينـي



ولامن تنبهت ليـن وجيـه عذالـي
كلٍ علـى ماطـرى بالـه يسمينـي



ليته تركني بعد هـذا علـى فالـي
زي ماتركتـه بعدقتلـه بساتيـنـي



من بعد ماصار جاب بلسانه الحالـي
يبغى يرجـع زمـان بينـه وبينـي



قولوا له اني مااحبه كثـر ترحالـي
او لا حرام يتضايـق والا يبكينـي



قولوا له اني احبه بس مـن تالـي
ان راح والا رجع ماعـاد يعنينـي



من روائع المبدع (( فهد المساعد ))

حلوة القصيده وشكرا على مشاركتك الرائعه

يعطيك العافية ..

يعافيك ربي
رهين دمت بحير

أسعدني تواجدك
جروح الايام
ورود الكون لك