جرح الأقصى

[poem=font="andalus,7,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


بأرض الحرم قبلة صلاة المصلين=
وجهة وجهي طالبٍ رب الأرباب

يالله يالمعبود ياخالق تعين=
ياواحدٍ من هو ترجاه ماخاب

يالله تفرج ضيقةٍ في فلسطين=
سبة يهودي كشر بحقد الأنياب

القبلة الأولى سكنها شياطين=
من عقب ماهي للنبي وخير الأصحاب

ياكيف ننسى ثارنا والعرب وين=
وكنا رضينا مانشوفه بالأحباب

وشلون نرضى ذلنا من ملاعين=
وحنا من الماضي على كل مرقاب

ماتت بنا النخوه وعزٍ له سنين=
وراس الصبر من صبرنا بالحزن شاب

بعض العرب ياخوي للقدس ناسين=
ولاهمهم من دمعته تشقى أهداب

وبعض العرب يبكي من القدس جرحين=
من جرح الأقصى أوفقد عز الأقراب

شفنا اليهودي مهتني والبلاء يهين=
بأعراض طُهر والشرف دون ماهاب

زاد الخطأ وحنا من الكون مقفين=
ومن هو شفيعٍ ياعرب يوم الحساب؟؟

ماهو محمد ياعرب ليه ساهين=
وشلون نرضى من يسبه ويغتاب

اللي رسم عسى البلاوي به تبين=
ويالله يالقادر تعجل به عقاب

يالله تمحق رزقهم والجزاء دين=
يامفرج الضيقة على كل طلاب

مانا مثل منهم وفو يوم حطين=
ولانا مثل من أصمدوا يوم الأحزاب

وين الرجال اللي على الحق والدين=
اللي على السنه مشو وأطهر كتاب

اللي اليا دارت رحى الحرب وافين=
ولا أدبروا لو موتهم نوخ ركاب

اللي جبالٍ في نحور المعادين=
اللي فتحوا بأيمانهم كل الأبواب

هم عزة الإسلام بالصدق ويقين=
ولا فيهم اللي خالف الشرع وإرتاب

هم نصرة المظلوم جوُله ملبين=
اللي على نوح العذارى غدو أسراب

والله يعزك يازمان السلاطين=
وإلا زمنا بين بايز وكذاب

ذاك الزمان اللي به رجال صاطين=
والحين صرنا بدارنا مثل الأجناب

وأبختم اللي مابديته في بيتين=
يالله ترجع عزنا بعد الغياب

وشاعر ويطلب ربه اليوم تحسين=
في وضعنا الراهن غدا القلب منصاب

ويالله عسى نصرك ويارب آمين=
وتجلي هموم القدس يارب الأرباب



[/poem]

الشاعر / أسير القاف