الله يسامحه قلبـي ويـن ودانـي

يا ماخذ القلب قلبـي ويـن وديتـه انتظرت قلبي يجي منك ولا جانـي

رحت أتحراه يرجع والحشـا بيتـه والظاهر بقربك ارتـاح وتناسانـي

وشالك بقلـب تضمـه ما تمنيتـه عادي تضمه وعادي تضملك ثاني

ما هي غريبة ليا جالـك وضميتـه وسيع ذمه عسـى ربـي لا يبلانـي

ما خفـت ربـك وقلبـي ما تبنيـتـه غيرت قلبي علي ورحـت تجفانـي

ابيك تذكـر وش الـي معـك سويتـه راجع ضميرك ورتب جمله أحزانـي

حتى الشعر فيك ضحكتـه وبكيتـه يضحك على شانك ويبكي على شاني



في داخلـي لـك كـلام ما تقهويتـه كلام لا جيت أقولـه يثقـل لسانـي

كلام فالصـدر مـن سبتـك كنيتـه عجزت اقوله ما كن لساني حصانـي

حبل الوصل من يدينك ليـه هديتـه حاولت أشيله ولكن طاح ما أمداني

وقفـت حتـى مكانـي ما تعديـتـه كن الصبر مرنـي عجـل وتعدانـي

فنجال فرقاك من صـدك تقهويتـه والحزن غيم على الصدر وتقهوانـي

على كثر ما نزف جرحـي وداويتـه على كثر ماندمت وقلت وش جانـي

الله يسامحـك قلبـي ويـن وديتـه والله يسامحه قلبـي ويـن ودانـي

رووووعه ...ابداع في منتهى الجمال
مودني’’’’’....

يسلمو الرووووووعة هو مرورك يا الغالية

قصيده رآئعه .. ونقل مميز.."
الله يعطيك العآفيه ع الطرح
دآم آبدآعك .. وتوآجدك .."
ودي وتقديري .."

الله يسلم عمرك يا عاشقة من ذووووووقك يا الغلا